АҚШ президенти Дональд Трамп

Қошлари ғалати аёл Трамп нутқини йўққа чиқарди

563
(Янгиланган 03:23 26.07.2017)
Қошлари ўта ноёб тузилишга эга бўлган аёл Трамп нутқини йўққа чиқарди

ТОШКЕНТ, 26 июл — Sputnik. АҚШ президенти Дональд Трамп душанба куни Obamacare тиббий суғуртасини танқид қилувчи нутқ сўзлади. Аммо ижтимоий тармоқ фойдаланувчиларининг эътибори Америка президенти чиқишига эмас, балки унинг ортида турган қошлари ғалати аёлга "михланди".

Қошлар Трампга қарши

Twitter фойдаланувчилари аёл қошларининг тузилиши Американинг собиқ президенти Барак Обама томонидан соғлиқни сақлаш тизимида ўтказилган ислоҳотлардан қониқмасликни ифодаламоқда, дея изоҳ бердилар.

When you realize that your eyebrows are a victim of Obamacare.

"Қошларинг Obamacare ислоҳоти қурбонига айлангани шу-да", — деб ёзди интернет фойдаланувчиларидан бири.

Трамп Obamacareни эмас, балки бу аёлнинг қошларини ўзгартириши керак, деб фикр билдирган фойдаланувчилардан яна бири.

Интернет фойдаланувчилар орасида Трамп одамларни атай чалғитиш учун бу аёлни ёллаган дея фикр билдирганлар ҳам топилди. 

#trump planting distractions during live broadcasts so we couldn't hear a thing he said

​Трампнинг гапларига қошлар айнан шундай реакция билдиради, бу ахир табиий, деб ёзди яна кимдир.

"Ҳатто қошлар ҳам Трампнинг сўзларидан ҳайратда"

Шу билан бирга аёлга сидқидилдан ачинганлар ҳам бўлди.

"Матбуот-анжумани тугагач, бу аёл бутун Твиттер аҳли унинг қошларини муҳокама қилганидан албатта хабар топади. Бу аёлга жуда ҳам ачиняпман"

563
Теглар:
Twitter, Трамп
Президент США Джо Байден в Вашингтоне

Байден Трампнинг АҚШга чет элликлар киришини таъқиқловчи қарорини бекор қилди

121
Трамп 2020 йилнинг апрелида АҚШга "АҚШ меҳнат бозори учун хатар туғдирувчи иммигрантлар"нинг киришига тўсиқ бўлган қарорни имзолаб, сўнгра унинг амал қилиш муддатини узайтирган эди.

ТОШКЕНТ, 25 фев - Sputnik. АҚШ президенти Жо Байден ўзидан олдинги президент Дональд Трампнинг АҚШга қатор тоифадаги чет элликларга киришни таъқиқловчи қарорини бекор қилди, деб хабар бермоқда Оқ уй.

Трамп 2020 йилнинг апрелида АҚШда коронавирус пандемияси вақтида "Қўшма Штатлар меҳнат бозори учун хатар туғдирувчи иммигрантлар"нинг киришига тўсиқ бўлган қарорни имзолаб, сўнгра унинг амал қилиш муддатини узайтирган эди.

"(Прокламация) АҚШ манфаатларини илгари сурмайди. Аксинча, у АҚШга ҳалал беради, масалан АҚШ фуқаролари оилалари аъзоларига ва қонуний доимий яшовчи мақомига эга фуқароларга ўз оилалари билан бирлашишга ҳалал беради", - деган Байден.

"У шунингдек, бутун дунёдан иқтидорлардан фойдаланадиган АҚШ иқтисодиёти соҳаларига ҳалал беради", - деб қўшимча қилган Байден.

Ва ниҳоят, унинг сўзларига кўра, Трамп қўллаган чоралар туфайли анъанавий тарзда ҳар йили ўтказиладиган лотерея(грин-карта)да АҚШда яшаш ҳуқуқини қўлга киритган шахслар ушбу мамалкатга кира олмаган.

121
Теглар:
АҚШнинг янги президенти, АҚШ, Дональд Трамп, Трамп
Ли Харви Освальд в полицейском участке в Далласе после допросов

Хрушчев Кеннедини ўлдиришга буйруқ берган - АҚШ разведкаси собиқ раҳбари

643
АҚШ разведкаси собиқ раҳбари Кеннедининг ўлдирилишида СССР Коммунистик партияси Марказий Қўмитасининг биринчи котиби Никита Хрушчевни айблади.

ТОШКЕНТ, 24 фев — Sputnik. АҚШ Марказий разведка бошқармасининг собиқ директори Жеймс Вулси АҚШ 35-президенти Жон Кеннедининг қотиллигида СССР Коммунистик партияси Марказий Қўмитасининг биринчи котиби Никита Хрушчевни айблади.

Бу ҳақда New York Post газетаси Волси ва Коммунистик Руминия ташқи разведка генерал-лейтенанти Ион Пачепанинг "Аждаҳо операцияси: Кремлнинг Америкага қарши махфий уруши" қўшма китобига асосланиб ёзмоқда. РИА Новости хабарига асосан.

Муаллифларнинг фикрига кўра, Кеннедини ўлдирган Ли Харви Освальд КГБ ходими бўлган. СССР уни 1957 йилда Японияда АҚШ денгиз флотида хизмат қилаётганда “вербовка” қилган. Бир қатор махфий топшириқларни бажаргандан сўнг, Хрушчев унга АҚШ президентини ўлдиришга "шахсан буйруқ берган".

"Гарчи Освальд Совет Иттифоқида қолишни истаган бўлса-да, Кеннедини ўлдириш учун АҚШга қайтишга кўндирилди, Хрушчев АҚШ етакчисига нафрат билан қараган. Освальд ... СССРдан келган аёлга уйланди ва 1962 йил июн ойида АҚШга қайтариб юборилди,"- дейилади китобда.

Бироқ, кейинчалик Совет ҳукумати Кеннедини ўлдириш "фикридан қайтди" ва Освальдга бу ҳақда топшириқ берилди. Аммо у буйруққа бўйсунмади, дейди муаллифлар.

Шу билан бирга, китобда ушбу даъволарнинг барча далиллари Уоррен комиссиясининг 26 жилдлик ҳисоботида кўрсатилганлиги аниқланган, аммо у шу қадар "шифрланган" бўлиб, у ерда нима ёзилганлигини ҳали ҳеч ким тушунмаган.

АҚШнинг энг машҳур президентларидан бири Жон Кеннеди 1963 йил 22 ноябрда ўлдирилган. Давлат раҳбарининг кортежи Даллас кўчалари бўйлаб ҳаракатланганда бир неча бор ўққа тутилган. Полиция Ли Ҳарви Освальдни қотилликда гумон қилиб ҳибсга олди. Бир неча кундан кейин у полиция бўлимида Даллас шаҳрида яшовчи Жек Руби томонидан отиб ўлдирилган. Руби 1967 йилда ўпка саратонидан вафот этди.

643
Теглар:
СССР, разведка хизмати, АҚШ

Қўқонда ёш аёл товламачиликка қўл урди

27
Аёл фуқарога ўзи билан бирга жинсий алоқа қилганлиги акс этган видео борлиги айтган ва катта пул талаб қилган. У бу ишга ўзининг вояга етмаган жиянини ҳам тортган.

ТОШКЕНТ, 25 фев — Sputnik. Фарғона вилояти Қўқон шаҳрида товламачиликка қўлга турган 25 ёшли аёл ушланди. Бу ҳақда Миллий гвардия матбуот хизмати хабар қилмоқда.

Маълум қилинишича, Хўқандий мавзесида яшовчи “Барно” исмли аёл фуқаро Т.М.га ўзи билан бирга жинсий алоқа қилганлиги акс этган видео борлиги айтган. Аёл видеони ўчириб ташлашлик учун ундан икки минг доллар талаб қилган. Агар сўраган пулини бермаса, видеони тарқатиб юбориши ва яқинларига кўрсатишини айтиб қўрқитган.

Ҳамкорликда ўтказилган тезкор тадбирда аёл ва унинг вояга етмаган жияни Ш.Р.лар биргаликда товламачилик йўли билан фуқаро М.Т.дан 2 минг долларни олган вақтида далилий ашёлар билан қўлга олинган.

“Россиядаги эрингга юбораман”: оилали аёлни шантаж қилган товламачи жиноят устида ушланди

Дастлабки ўрганишлар давомида “Барно” исмли аёл Қўқон шаҳрида яшовчи 1996 йилда туғилган фуқаро Қ.О. эканлиги маълум бўлган.

Ҳозирда ҳолат юзасидан суриштирув ишлари давом этмоқда.

27
Теглар:
товламачи, Қўқон