Баллистик ракета учирилиши

Шимолий Корея уруш бўлиш-бўлмаслиги АҚШ ҳаракатларига боғлиқлигини маълум қилди

452
(Янгиланган 22:41 22.08.2017)
КХДР ва АҚШ ўртасида юз берган "ўзаро таҳдидлар алмашуви"дан сўнг Корея яриморолида вазият ўткир тус олди. Шимолий Корея Америка базалари жойлашган Гуама ҳудудида қарата баллистик ракета учиришни ваъда берган бўлса, АҚШ президенти Дональд ҳам бу таъкидга жим қараб ўтирмади

ТОШКЕНТ, 22 авг — Sputnik. АҚШ КХДРга босим ўтказишни бас қилиши лозим, Корея яриморолида уруш бўлиш-бўлмаслиги мана шунга боғлиқ, деб хабар қилди РИА Новости нашрига Россиядаги КХДР ишлари бўйича вақтинчалик вакил Зин Чжон Хеп.

"Ўн тўртинчи август куни ҳурматли Ким Чен Ин жаноблари, Корея Халқ армияси стратегик қўшинлари қўмондонлигини бориб кўрар экан, Корея яриморолидаги вазиятни юмшатиш ва хавфли ҳарбий тўқнашувларнинг олдини олиш учун, Корея яримороли атрофида ўз ядровий стратегик кучларини тўплаган Қўшма штатлар тўғри танловни амалга оширишлари ва буни ўз ҳаракатларида кўрсатишлари лозим. Улар юзсизларча амалга ошираётган фитна ва бирёқлама босимни бас қилишлари керак" — деган у.

Шимолий кореялик дипломатнинг сўзларига кўра, "АҚШ ақл билан қарор қабул қилиши ва идрок ила фикр юритиши лозим". "Корея яриморолида АҚШ билан уруш бўлиш-бўлмаслиги айнан шунга боғлиқ", — деб қайд этган у.

КХДР ва АҚШ ўртасида ўзаро бўиб ўтган "қўпол таъкидлар алмашувидан" сўнг Корея яриморолида вазият янада ўткир тус олди. Шимолий Корея Американинг Андерсен авиабазаси ҳамда Апра-Харборн ҳарбий-денгиз базалари жойлашган Гуама ҳудудига қарата баллистик ракеталарни учиришни ваъда қилган. АҚШ президенти Дональд Трамп эса агар КХДР етакчиси Гуам билан "нимадир қиладиган бўлса", у ҳолда, Шимолий Корея билан "шу пайтгача ҳеч ким кўрмаган ҳодиса рўй беради", дея ваъда берган.

452
Мавзу:
Корея яриморолидаги вазият: зиддият, келишув, тинчлик сари йўл (84)
Врач в больнице Саны, Йемен

БМТ қайси давлат пандемиядан омон қолмаслиги мумкинлигини маълум қилди

775
Яман мамлакатдаги ижтимоий ва иқтисодий қийинчиликлар туфайли коронавирус пандемиясига қарши курашга бардош беролмаслиги мумкин.

Яман мамлакатдаги ижтимоий ва иқтисодий қийинчиликлар туфайли коронавирус пандемиясига қарши курашга бардош беролмаслиги мумкин, бу ҳақда "Планета новости" портали хабар қилди.

Араб республикасидаги вазият мамлакатда очарчиликни келтириб чиқарган фуқаролар уруши, шунингдек, ҳокимият керакли миқдорда коронавирусга тест-тизимларини ва дори воситаларини сотиб олиш имкониятига эга эмаслиги туфайли жиддий мураккаблашмоқда.

Пандемиядан олдин яманликлар Денге безгаги, малярия ва ўлат касаллигини бошдан кечиришган, шу сабабли уларнинг кўпчилигининг иммунитетни заифлашган ва аҳолининг таҳминан 80 фоизи чет элдан гуманитар ёрдамга муҳтож.

Бундан ташқари, мамлакатдаги шифохоналарнинг аксарияти ёпилган - Яман минтақаларининг деярли тўртдан бир қисмида тиббий ёрдам олиш имконияти йўқ, сўнгги йилларда болалар орасида эмлашлар олиб борилмади.

БМТ Қочқинлар ишлари бўйича Олий комиссари идораси вакили Жан-Никол Бозе коронавирус пандемияси Яманда қайтариб бўлмайдиган оқибатларга олиб келиши мумкинлигини таъкидлади. Шу билан бирга, тестларнинг етишмаслиги туфайли касалланганларнинг аниқ сонини аниқлаб бўлмайди - расмий маълумотларга кўра, ҳозирча мамлакатда 212 та COVID-19 билан касалланиш ва 39 та ўлим ҳолатлари қайд этилди.

775
Мавзу:
COVID-19 умумжаҳон пандемияси
Жители города Душанбе в защитных масках на улице

Тожикистонда аниқланган коронавирус ҳолатлари 3260 тадан ошиб кетди

439
(Янгиланган 18:44 26.05.2020)
Сўнгги бир кун ичида Тожикистонда 166 та янги коронавирус ҳолати аниқланди. Қурбонлар сони 47 нафарга етган.

ТОШКЕНТ, 26 май — Sputnik. Тожикистонда коронавирус юқтириб олганларнинг умумий сони 3266 нафарга етди. Бу ҳақда Тожикистоннинг коронавирус ҳақидаги ягона миллий портали маълумотлари дарак бермоқда.

Сўнгги бир кун ичида 166 та янги коронавирус ҳолати аниқланган. Яна бир киши ушбу касаллик қурбони бўлиб, қурбонлар сони 47 нафарга етган. Шу билан бирга 22 киши коронавирусдан тузалиб кетган ва айни дамда уларнинг умумий сони 1417 нафарни ташкил этмоқда.

Эслатиб ўтамиз, аввалроқ Ўзбекистон Тожикистонга 24 тонна дори-дармон юборгани хабар қилинган эди.

439
Добыча золота

ОКМКда 3 баравар кўпроқ олтин ишлаб чиқариш режалаштирилмоқда

32
(Янгиланган 10:40 27.05.2020)
Олмалиқ кон-металлургия комбинатида олтин ишлаб чиқариш ҳажми 3 бараварга оширилиб, унинг кўрсаткичи 50 тоннагача етказилади.

ТОШКЕНТ, 27 май — Sputnik. Ўзбекистон президенти Шавкат Мирзиёев инвестиция масалалари бўйича видеоселектор йиғилиши ўтказди. Унда Олмалиқ кон-металлургия комбинатида олтин, кумуш ва мис ишлаб чиқариш ҳажми 3 бараварга оширилиши режалаштирилаётгани маълум бўлди.

Давлат раҳбари матбуот хизмати хабарига кўра, 26 май куни Олмалиқ кон-металлургия комбинатида рангли ва қимматбаҳо металлар ишлаб чиқаришни кенгайтириш тўғрисида президент қарори қабул қилинди.

“Унга кўра, металлургия комплекслари ва 2 та мис бойитиш фабрикаси барпо этиш орқали мис ва олтин ишлаб чиқариш ҳажми 3 бараварга оширилиб, мис ишлаб чиқариш кўрсаткичлари 400 минг тонна, олтин – 50 тонна ва кумуш 270 тоннагача етказилади”, - дейилган хабарда.

Президент заргарлик ва электр техникаси каби тармоқлар бундан фойдаланиб, ишлаб чиқариш ҳажми ва иш ўринларини кўпайтириши зарурлигини таъкидлади.

32