Шимолий Корея етакчиси баллистик ракета учирилиши вақтида

Шимолий Корея Япония устидан баллистик ракета учирди

366
(Янгиланган 10:37 29.08.2017)
Шимолий Корея шу кунга қадар Япония устидан 2009 йилда баллистик ракета учирган. Аммо ўша вақтда КХДР "Тэпходон-2" ракетасини учиргани ҳақида гап борган эди. Ким Чен Ин эса Шимолий Кореяни 2011 йилдан буён бошқариб келади

ТОШКЕНТ, 29 авг — Sputnik. КХДР сешанба куни эрталаб Ким Чен Ин раҳбарлигида биринчи марта Япония ҳудуди устидан ракета учирди. Ракета Япониянинг шарқий томонидан 1,2 минг километр масофада учиб ўтиб Тинч океани ҳудудида қулаган. Токио БМТ Хавфсизлик кенгаши фавқулодда йиғилиши жараёни бошлаб юборилганини эълон қилди, деб хабар берди РИА Новости.

Шимолий Корея шу кунга қадар Япония устидан 2009 йилда баллистик ракета учирган. Аммо ўша вақтда КХДР "Тэпходон-2" ракетасини учиргани ҳақида гап борган эди. Ким Чен Ин эса Шимолий Кореяни 2011 йилдан буён бошқариб келади.

Баллистик ракета Пхеньян яқинидаги Сунан шаҳри ҳудудидан Япония денгизи томон учирилган, деб таъкидланади Жанубий Корея штаблари раҳбарлари бирлашган қўмитасининг баёнотида.

"Жанубий Корея ҳарбийлари сўзларига кўра, сешанба куни синовдан ўтказилган ракета ўрта масофага учувчи "Хвасон-12" баллистик ракетаси ёки 3 минг километр масофагача уча оладиган "Хвасон-10" баллистик ракетаси бўлиши мумкинлигини тахмин қилишмоқда", — деб хабар берган Рёнхап агентлиги.

Япония ҳукумати аҳолини огоҳлантирган ва улардан хавфсизлик чораларини кўришни сўраган. Япония шимоли-шарқидаги "Синкансэн" тезюрар поездлари ҳаракати тўхтатилган, деб қўшимча қилган Киодо агентлиги. Шунингдек, Япония устидан ракетанинг учиб ўтиши маҳаллий ва халқаро авиаташувларга таъсир ўтказмагани маълум қилинмоқда.

Япония Бош вазири Синдзо Абэ КХДР томонидан янги ракета учирилиши муносабати билан ҳукумат ўз фуқаролари хавфсизлиги учун барча чораларни кўришини маълум қилган.

Абэ "Шимолий Корея баллистик ракетани учирган, афтидан, у бизнинг мамлакат ҳудуди устидан учиб ўтган", деб айтган. Япония Бош вазирининг таъкидига кўра, ҳукумат шу заҳотиёқ маълумотларни тўплашни ва таҳлил қилишни бошлаган.

366
Мавзу:
Корея яриморолидаги вазият: зиддият, келишув, тинчлик сари йўл (84)

Чувашиянинг собиқ раҳбари Игнатьев Путиннинг қарорини ноқонуний деб судга берди

10
Ишончни йўқотиш муносабати билан ишдан бўшатилган губернатор Россия президенти қарорини ноқонуний деб судга мурожаат қилди.

ТОШКЕНТ, 26 май — Sputnik. Чувашия Республикасининг собиқ раҳбари Михаил Игнатьев Россия Олий судига ариза берди, деб хабар қилмоқда РИА Новости. 

Аризада собиқ губернатор ўзининг истеъфога чиқарилишини ноқонуний деб ҳисоблаши ва ушбу ишни маъмурий тартибда қайта кўриб чиқиш кераклиги қайд этилган. 

Эслатиб ўтамиз, Чувашиянинг собиқ губернатори Игнатьев, ФВВ ходимига янги автомобил топшириш вақтида калитни баланд кўтариб ходимни сакрашга мажбур қилади. Интернетда тарқалган ушбу видео кўпчилликнинг ғазабини келтирган эди. Шундан сўнг Россия презиеднти Владимир Путин Игнатьевни "Ишончни йўқотиш муносабати билан" лавозимидан бўшатган эди. Ўшанда собиқ губернатор "бу ҳазил эди, биз ФВВ раҳбари билан анчадан бери дўстмиз" деган эди. 

Чувашия Республикасида губернатор сайлови 2020 йил 13 сентябр куни бўлиб ўтиши кутилмоқда. Унда вақтинча раҳбар вазифасини бажарувчи Олег Николаев ҳам иштирок этишни режалаштирган. 

10
Врач в больнице Саны, Йемен

БМТ қайси давлат пандемиядан омон қолмаслиги мумкинлигини маълум қилди

785
Яман мамлакатдаги ижтимоий ва иқтисодий қийинчиликлар туфайли коронавирус пандемиясига қарши курашга бардош беролмаслиги мумкин.

Яман мамлакатдаги ижтимоий ва иқтисодий қийинчиликлар туфайли коронавирус пандемиясига қарши курашга бардош беролмаслиги мумкин, бу ҳақда "Планета новости" портали хабар қилди.

Араб республикасидаги вазият мамлакатда очарчиликни келтириб чиқарган фуқаролар уруши, шунингдек, ҳокимият керакли миқдорда коронавирусга тест-тизимларини ва дори воситаларини сотиб олиш имкониятига эга эмаслиги туфайли жиддий мураккаблашмоқда.

Пандемиядан олдин яманликлар Денге безгаги, малярия ва ўлат касаллигини бошдан кечиришган, шу сабабли уларнинг кўпчилигининг иммунитетни заифлашган ва аҳолининг таҳминан 80 фоизи чет элдан гуманитар ёрдамга муҳтож.

Бундан ташқари, мамлакатдаги шифохоналарнинг аксарияти ёпилган - Яман минтақаларининг деярли тўртдан бир қисмида тиббий ёрдам олиш имконияти йўқ, сўнгги йилларда болалар орасида эмлашлар олиб борилмади.

БМТ Қочқинлар ишлари бўйича Олий комиссари идораси вакили Жан-Никол Бозе коронавирус пандемияси Яманда қайтариб бўлмайдиган оқибатларга олиб келиши мумкинлигини таъкидлади. Шу билан бирга, тестларнинг етишмаслиги туфайли касалланганларнинг аниқ сонини аниқлаб бўлмайди - расмий маълумотларга кўра, ҳозирча мамлакатда 212 та COVID-19 билан касалланиш ва 39 та ўлим ҳолатлари қайд этилди.

785
Мавзу:
COVID-19 умумжаҳон пандемияси
Национальная валюта Узбекистана — сум

Ишсизлик даражаси юқори ҳудудлар маълум қилинди

0
Ўзбекистонда жорий йилнинг биринчи чорагида энг юқори ишсизлик даражаси Самарқанд ва Сурхондарё вилоятларида қайд этилган.

ТОШКЕНТ, 27 май — Sputnik. Жорий йилнинг биринчи чорагида Ўзбекистонда ишсизлик даражаси 9,4 фоизни ташкил этган. Энг юқори ишсизлик даражаси 9,8 фоиз билан Самарқанд ва Сурхондарё вилоятларида қайд этилган.

Бу ҳақда Олий Мажлис Қонунчилик палатасидаги Ўзбекистон Либерал-демократик партияси фракциясининг навбатдаги йиғилишида маълум қилинди.

9,7 фоиз билан Жиззах, Қашқадарё, Сирдарё ва Фарғона вилоятлари кейинги ўринларда қайд этилган.

Таъкидланишича, энг паст кўрсаткич Тошкент шаҳрида (7,8 фоиз) кузатилган. Ишга жойлаштиришга муҳтож меҳнат билан банд бўлмаган аҳоли (ишсизлар) сони 1,39 млн кишини ташкил этган.

0