Путин: Россия КХДРнинг ядровий мақомини тан олмайди

© Sputnik / Григорий Сысоев / Медиабанкка ўтишПрезидент РФ Владимир Путин и президент Республики Кореи Мун Чжэ Ин
Президент РФ Владимир Путин и президент Республики Кореи Мун Чжэ Ин - Sputnik Ўзбекистон
Oбуна бўлиш
Ғарбий иқтисодий форум доирасида ўтказилган учрашувда Владимир Путин КХДР масаласи бўйича ҳиссиётларга берилмасликка ва КХДРни бурчакка тақамасликка чақирди

ТОШКЕНТ, 6 сен — Sputnik. Владимир Путин Жанубий Корея раҳбари Мун Чжэ Ин билан Шарқий иқтисодий форум доирасида учрашув ўтказди, деб хабар қилди РИА Новости.

Северные корейцы наблюдают за новостным сообщением, показывающим запуск ракеты средней дальности - Sputnik Ўзбекистон
Ўзбекистон КХДРнинг навбатдаги ядровий синовларини қоралади

Учрашув чоғида Владимир Путин ҳиссиётларга берилмасликка ва КХДРни бурчакка тақамасликка чақирди.

"Ҳис-туйғуларга берилмаслик керак ва Шимолий Кореяни бурчакка тақаш керак эмас. Бугун ҳамма вазминликни намойиш қилиб, кескинликни оширишга олиб келувчи қадамлардан ўзини тийиши керак", — деб таъкидлади Владимир Путин.

Унинг сўзларига кўра, Россиянинг аниқ таклифлари Хитой билан ҳамкорлигидаги "йўл харитаси"да қайд этилган. Президент ушбу кескин вазиятни юмшатиш ва босқичма-босқич тартибга солишга қаратилган ташаббусларни диққат билан кўриб чиқишга барча томонларни чорлади.

"Россия КХДРнинг ядровий мақомини тан олмайди. Чунки Пхеняннинг ракета дастури БМТ Хавфсизлик Кенгаши резолюциясини қўпол равишда бузиб келмоқда. Шунингдек, ядровий қурол тарқалмаслиги режимини бузмоқда ва Шимолий-Ғарбий Осиё минтақаси хавфсизлигига раҳна солмоқда.

Президент США Дональд Трамп подписывает распоряжение, отменяющее Транс-Тихоокеанское партнерство - Sputnik Ўзбекистон
Трамп Япония ва Жанубий Кореяга АҚШдан янада кўпроқ қурол сотиб олишга рухсат берди
Шу билан бирга, Путин Россия Жанубий Корея ва КХДР билан уч томонлама лойиҳаларни амалга оширишга тайёр эканлигини маълум қилди. Россия президенти сўзларига кўра, Кореяга Россиянинг табиий газини етказиб бериш ва электр тармоқларини бирлаштириш лойиҳалари ҳақида гап кетмоқда.

Мун Чжэ Ин ўз навбатида, КХДР билан муаммоларни ҳал қилиш зарурлиги бўйича Путин билан бир тўхтамга келганлигини айтди.

"Биз жаноб президент билан ядровий ва ракета синовлари нотўғри йўл эканлиги ва Корея ярим оролида кескинликни камайтириш долзарб вазифаси юзасидан ягона фикрга келдик", — деб таъкидлади Жанубий Корея етакчиси.

Янгиликлар лентаси
0