ТОШКЕНТ, 10 сен — Sputnik. Туркия президенти Ражаб Тойиб Эрдўғон Остонада бўлиб ўтаётган Ислом ҳамкорлик ташкилоти саммити давомида Мьянмадаги вазият масаласини кўтарди, деб хабар қилмоқда Спутник Қозоғистон.

"Афсуски, мусулмонлар бутун дунёда қийинчиликларни бошдан кечиришмоқда. Биз, албатта, бирдамлик ва ҳамкорликни кучайтириш, бу мураккаб вазиятдан чиқиб кетиш учун бор ғайратимизни, бор ҳаракатимизни ишга солмоғимиз керак", — деб айтган Эрдўғон саммитда.

"Мьянмада бизнинг мусулмон биродарларимиз ўта шавқатсиз муносабатларга дуч келишмоқда, уларни ўз уйларини тарк этишга мажбур қилишмоқда. Биз уларга нисбатан бўлаётган бу адолатсиз муносабатга барҳам бериш учун бор кучимизни ишга солишимиз керак. Ушбу инсоният драмасининг олдини олиш мақсадида, биз Мьянма ва Бангладеш ҳукумати билан биргаликда иш олиб бормоқчимиз", — деб қўшимча қилган Эрдўғон.

Туркия президенти Бангладешда бошпана излаётган мусулмонлар ҳам ёрдамга муҳтожлигини қайд этиб ўтган.

"Биз Бангладеш ҳукуматига бу борада ёрдам бериш истагимизни маълум қилдик", — дея хотима қилган Туркия президенти.

Мьянма ҳарбийлари ва хавфсизлик кучлари август ойи охиридан буён Ракхайн штатида ислом жангриларига қарши операцияларни амалга ошириб келишмоқда. Ушбу операция 25 август куни рохинжа-жангарилари Ракхайн штатида бир нечта полициячилар постларига ва армия казармаларига мувофиқлаштирилган ҳужумларни амалга оширганидан сўнг бошланиб кетган. Ҳодиса оқибатида 400 киши ҳалок бўлган. Турли маълумотларга кўра, Бангладешга 146 мингдан 300 минг нафаргача одам қочиб ўтган.

Якшанба куни Остона шаҳрида фан ва технологиялар мавзусида ИҲТ саммити бошланди. Тадбирда ИҲТнинг 56 иштирокчи-давлатлари, шунингдек, халқаро ва минтақавий ташкилотлар қатнашишмоқда. Ўзбекистон президенти Шавкат Мирзиёев ҳам ушбу саммитда иштирок этиш учун куни кеча Остонага жўнаб кетди.

Ўзбекистонда 2028 йилга қадар Марказий Осиёда биринчи атом электр станциясини барпо этиш режалаштирилган. Бироқ, кадрларни тайёрлаш жараёни анча олдин бошлаб юборилган. Хусусан, кадрлар нафақат Тошкентдаги НИЯУ МИФИ томонидан, балки республика олийгоҳларидаги алоҳида мухсус факультетлар томонидан ҳам тайёрланмоқда.

Шавкат Абдукамиловнинг сўзларига кўра, атом энергетикаси сингари энг муҳим соҳада мутахассисларни тайёрлаш олий таълим муассасасида олинган таълим билан чегараланмайди - бу тайёргарликнинг биринчи пиллапоясидир, холос.

"Бу, зинҳор, атомчи-битирувчилар дипломларини олганларидан сўнг дарҳол AЭС энергия блокларини бошқариш имкониятига эга бўлишларини англатмайди. Кадрларни тайёрлаш - узлуксиз жараёндир. Шу тарзда, ёш мутахассислар қурилиш жараёнида ва ишга тушириш босқичларида фаол иштирок этишади ва иш моҳиятини ўрганадилар. Бундан ташқари, Россиядаги шунга ўхшаш АЭСларда, хусусан, Нововоронеждаги АЭСда мажбурий стажировкалар режалаштирилган. Булардан ташқари, биринчи блок ишга туширилгандан сўнг, қурилаётган иккинчи блокнинг мутахассислари ўқув машғулотлари мақсадида ишлаётган реакторда ҳамкасблари билан биргаликда барча ҳаракатларни машқ қиладилар", - дея изоҳ берди "Ўзатом" вакили.

Aйтганча, Ўзбекистондаги бўлажак АЭСнинг биринчи объекти бошқарув панелининг тўлиқ ўлчамдаги моделига эга ўқув мажмуаси бўлади. Aйнан ушбу тренажерда станциянинг бўлажак операторлари тажрибали ҳамкасблари ва муҳандислар раҳбарлигида ҳар қандай фавқулодда вазиятларда ўз ҳаракатларини машқ қилиб, маҳоратларини оширишади.

Мамлакат атом саноати фаолияти учун кадрлар тайёрлаш методикаси ҳақида Sputnik Ўзбекистон радиоподкастида рус тилида тингланг.