Шимолий Корея БМТ Хавфсизлик кенгаши резолюциясини рад этди

© REUTERS / KCNAШимолий Корея раҳбари Ким Чен Ин
Шимолий Корея раҳбари Ким Чен Ин - Sputnik Ўзбекистон
Oбуна бўлиш
КХДР Ташқи ишлар вазирлиги "санкциялар борасида навбатдаги ноқонуний резолюциянинг қабул қилиниши" Шимолий Кореяни у танлаган йўл ҳақиқатда тўғрилигига яна бир бор ишонтирди", дея алоҳида таъкидлаган

ТОШКЕНТ, 13 сен — Sputnik. Шимолий Корея олтинчи маротаба ядровий синовларни ўтказган Пхеньянга нисбатан санкцияларни янада кучайтиришни назарда тутадиган БМТ Хавфсизлик кенгашининг янги резолюциясини кескин рад этади, деб хабар қилди РИА Новости.

КХДР ТИВ томонидан эълон қилинган расмий баёнотда айтилишича, "Резолюция" АҚШ томонидан турли тубан ва агрессив воситалар ёрдамида атай уюштирилган. "Шу боис, Шимолий Корея ўзини ҳимоя қилишга бўлган қонуний ҳақ-ҳуқуқларидан уни маҳрум этишга ҳамда кенг миқёсдаги иқтисодий қамал ёрдамида давлат ва фуқароларни бўғиб қўйишга йўналтирилган, ярамас фитна маҳсулоти бўлган БМТ ХКнинг "2375 резолюциясини" энг қатъий оҳангларда қоралайди ва ўта кескин тарзда рад этади".

КХДР Ташқи ишлар вазирлиги "санкциялар борасида навбатдаги ноқонуний резолюциянинг қабул қилиниши" Шимолий Кореяни у танлаган йўл ҳақиқатда тўғрилигига яна бир бор ишонтирди", дея алоҳида таъкидлаган.

Шимолий Корея минтақада тинчлик ва хавфсизликни сақлаб туриш, мамлакат суверенитетини ва давлат сифатида мавжуд бўлиш ҳуқуқини ҳимоялаш учун ўз қудратини икки ҳисса кучайтиришга ва бу борада АҚШ билан тенглашиб олишга ваъда берган.

Американский истребитель - Sputnik Ўзбекистон
АҚШ ва Жанубий Корея ҳамкорликда ҳарбий ўқув машғулотларни ўтказди

Эслатиб ўтамиз, шу кунларда БМТ Хавфсизлик кенгаши бир овоздан КХДРга нисбатан янги санкциялар киритилиши учун овоз берди. Чекловлар Пхеньяннинг экспорт ва импорт имкониятларини сезиларли даражада қисқартиришга йўналтирилган.

2375 рақами билан номланган резолюция XXI асрда БМТ томонидан қўлланган энг қатъий тартибдаги санкциялар сирасига киритилди.

Ҳужжатга мувофиқ, КХДРга нефт ва қайта ишланган нефт маҳсулотларини етказиб беришга чекловлар қўйилган.

Северные корейцы наблюдают за новостным сообщением, показывающим запуск ракеты средней дальности - Sputnik Ўзбекистон
Ўзбекистон КХДРнинг навбатдаги ядровий синовларини қоралади
Шимолий Корея шунингдек, конденсатлар ва суюқ газ конденсатларини харид қилиш ҳамда тўқимачилик маҳсулотларини сотиш ҳуқуқидан маҳрум этилган. Барча давлатларга КХДР фуқароларига ишлаш ҳуқуқини берувчи ҳужжатни бериш тақиқланган.

Эслатиб ўтамиз, 3 сентябр куни КХДР минтақалараро баллистик ракеталар учун мўлжалланган водород ўқини муваффақиятли синовдан ўтказганини маълум қилди. Япония ва Жанубий Корея ҳарбийлари синовдан ўтказилган ўқ қувватини 120-160 килотоннга тенг, дея баҳолашмоқда. Бу эса Япониянинг Хиросима ва Нагасаки шаҳарларига 1945 йилда ташланган энг қудратли атом бомбаларидан бир неча баробар кучлироқ деганидир. Ушбу синов Пхеньян томонидан ўтказилган олтинчи синов бўлди. Ундан бир ҳафта олдин эса КХДР Япония ҳудуди устидан баллистик ракетани учирган эди.

Янгиликлар лентаси
0