Омурбек Бабанов, архив сурат.

Ўзбеклар ҳуқуқи поймол этилган, деган сўзлари учун Бабановга нисбатан жиноий иш қўзғатилди

2157
(Янгиланган 16:50 06.11.2017)
Илгарироқ электрон ОАВларда Омурбек Бабанов томонидан сайловолди учрашувларда айтилган "Тиз чўкиб юргандан кўра, тик туриб ўлган маъқул", "Агар бирор бир милиционер ўзбекларни тегинса, у ишдан ҳайдалади" сингари "ёрқин" иборалари чоп этилган эди

ТОШКЕНТ, 6 ноя — Sputnik. Қирғизистон Республикаси Бош прокуратураси Жоқорғу Кенеш депутати Омурбек Бабановга нисбатан жиноий иш қўзғатилгани ҳақида маълум қилди, деб хабар қилди Sputnik Ўзбекистон мухбири прокуратура матбуот-хизматига таянган ҳолда.

Мухбирга кўра, Жоқорғу Кенеш депутати Омурбек Бабанов ва бошқа шахсларга нисбатан Қирғизистон Жиноят кодексининг "оммани конституциявий тизимни куч ишлатиш йўли билан ўзгартиришга даъват қилиш" ва "миллий, ирқий ва диний адоватни қўзғатиш" моддалари бўйича жиноий иш қўзғатилган.

Бу ерда гап Бабановнинг Ўш шаҳри "Амир Темур" микрорайони аҳолиси билан 28 сентябр куни ўтказган сайловолди ташвиқотлари ҳақида бормоқда, дейди мухбир.

Бош прокуратура изоҳига кўра, "Йиғилганлар олдида нутқ сўзлар экан, Омурбек Бабанов, аҳоли орасида ўзбеклардан кўпроқ овоз олиш мақсадида, ўзбек миллатига мансуб шахсларнинг ҳуқуқлари поймол этилаётгани, мамлакатда мавжуд миллатлараро тенгсизлик ҳамда давлат органлари томонидан ўзбек миллатига мансуб шахсларга нисбатан бўлаётган босимлар тўғрисида фикрларини билдирган ва шундан сўнг йиғилганларни ушбу ҳолатга нисбатан фаол тарзда қаршилик кўрсатишга чақирган".

Қайд этилишича, филологик-сиёсий экспертиза Бабановнинг омма олдида сўзлаган ушбу нутқида миллатлараро низо қўзғаш, одамларни амалдаги ҳокимиятга итоатсизлик қилишга ундаш ва уни ағдаришга қаратилган даъватлар борлигини аниқлаган.

Бундан ташқари, Давлат суд-эксперт хизмати хулосасига мувофиқ, Омурбек Бабановнинг электрон оммавий ахборот воситаларида чоп этилган ушбу чиқишида монтаж ҳолатлари аниқланмаган.

Илгарироқ электрон ОАВларда Омурбек Бабанов томонидан сайловолди учрашувларда айтилган "Тиз чўкиб юргандан кўра, тик туриб ўлган маъқул", "Агар бирор бир милиционер ўзбекларни тегинса, у ишдан ҳайдалади" сингари "ёрқин" иборалари чоп этилган эди.

Бабановнинг тарафдорлари, "Тиз чўкиб юргандан кўра, тик туриб ўлган маъқул" деган жумла Омурбек Бабанов томонидан маълум бир номзодга овоз беришда юзага келиши мумкин бўлган мажбурлаш ҳолатларидан қўрқмасликка чақириш мақсадида айтилган, деган фикрни билдиришганига қарамай, фуқароларнинг маълум қисми Бабановнинг ушбу сўзларидан дарғазаб бўлишган.

Бабановнинг штаби эса ижтимоий тармоқлардаги ушбу видеолавҳа монтаж маҳсули экани ҳақида баёнот беришган эди.

Омурбек бабанов иши айни вақтда қўшимча тергов қилиш учун Қирғизистон Республикаси Миллий Хавфсизлик давлат қўмитасига юборилган.

2157
Теглар:
Бабанов, Қирғизистон

Индонезияда “одам қиёфасидаги” акула овланди

13
(Янгиланган 12:58 25.02.2021)
Индонезиялик балиқчининг тўрига ғайриоддий акула илинди. Акула ичида уч боласи бор эди, улардан бири инсон қиёфасига эга.

ТОШКЕНТ, 25 фев — Sputnik. Индонезиялик балиқчи Роти ороли соҳилида ғайриоддий акула овлади. Бу ҳақда “Daily Mail” нашри хабар қилмоқда.

Абдулла Нурен исмли балиқчининг тўрига тасодифан катта акула илинган ва у овни уйига олиб келган.

Эркак уни сотиш учун майдалаётган вақтда акула ичида унинг уч боласини борлигини кўрган. Уларнинг иккитаси оддий акулага ўхшарди, учинчисининг эса турқи қийшайган эди ва бу уни одамга ўхшатарди.

Посмотреть эту публикацию в Instagram

Публикация от Daily Mail (@dailymail)

“Иккитаси онасига ўхшарди, учинчисининг эса одам қиёфаси бор эди”, - деган Нурен.

Балиқни қўшнилар унинг балиғини сотиб олиш истагини билдиришгани, лекин у рад жавобини берганини қўшимча қилган.

“Уйим акулани кўрмоқчи бўлган кишиларга тўлиб кетди. Мен балиқни ўзимда сақлайман. Ўйлайманки, у менга бахт олиб келади”, - деди балиқчи.

13

Қозоғистонда қишлоқ хўжалиги ерларини хорижликларга сотиш тақиқланади

38
(Янгиланган 12:20 25.02.2021)
Тоқаев ер масаласи қозоғистонликлар учун жуда муҳимлиги, ер улар учун давлатчилик рамзи эканини қайд этди.

ТОШКЕНТ, 25 фев — Sputnik. Қозоғистонда қишлоқ хўжалиги ерларини чет эллик жисмоний ва юридик шахсларга ижарага бериш ва сотиш тақиқланади. Мамлакат президенти Қасим-Жомарт Тоқаев тегишли қонун лойиҳасини тайёрлаш бўйича топшириқ берди.

Тоқаев Миллий жамоат ишонч кенгаши йиғилишида чиқиш қилаётиб, ер масаласи қозоғистонликлар учун жуда муҳимлиги, ер улар учун давлатчилик рамзи эканини қайд этди.

“Мен бир неча марта ер хорижликларга сотилмаслигини айтганман. Бу борадаги миш-мишларга чек қўйиш даркор. Биринчидан, мен қишлоқ хўжалиги ерларини хорижликларга ва хорижлик юридик шахсларга сотиш, ижара беришни қонун билан тақиқлаш бўйича топшириқ бераман. Бу хорижлик улуши бор юридик шахслага ҳам тааллуқли”, - деди Тоқаев. Унинг сўзларидан Sputnik Қозоғистон келтирган.

Давлат раҳбари бу масалага оид қонун лойиҳасини президент девони ишлаб қилиши шартлиги қўшимча қилди.

38
Теглар:
Қасим-Жомарт Тоқаев, Қозоғистон