Министерство иностранных дел России

Қарши жавоб: Россия 60 нафар америка дипломатларини чиқариб юбормоқда

420
Лавров Ғарб мамлакатларининг Скрипал заҳарланганидан кейинги ҳаракатларини халқаро ҳуқуқ устидан кулиш, дея баҳолади

ТОШКЕНТ, 30 мар — Sputnik. Москва Вашингтоннинг ҳаракатларига қарши жавоб йўллади ва 60 нафар америкалик дипломатларнинг чиқариб юборилиши ҳамда Санкт-Петербургдаги АҚШ Бош консуллиги фаолиятига розиликни чақириб олаётгани ҳақида эълон қилди, деб хабар бермоқда РИА Новости

Россия ТИВ раҳбари Сергей Лавров Москвадаги Америка элчихонасининг 58 нафар ходими ҳамда Екатеринбургдаги икки ходим чиқариб юборилаётганини таъкидлаган. Дипломатларга 5 апрел санасига қадар Россия ҳудудини тарк этиш мажбурияти эълон қилинган. Петербургдаги консуллик биносини эса 31 март санасига қадар тарк этишлари лозимлиги айтиб ўтилган.

Россия дипломатияси раҳбари, шунингдек, Москва Вашингтон сингари ҳаракат қилган барча мамлакатларга нисбатан худди шу тарзда чоралар қўлланилишини айтган.

Лавров Ғарб мамлакатларининг Скрипал заҳарланганидан кейинги ҳаракатларини халқаро ҳуқуқ устидан кулиш, дея баҳолади.

У шунингдек, Скрипал ҳодисасида "Москва қўли" борлиги ҳақидаги хулосаларни "ачинарли" ва "шошма-шошар" дея атади ва яна бир марта Разведка Бош бошқармаси собиқ полковниги билан боғлиқ ҳолатга Россиянинг бирон бир алоқаси йўқлигига ишора қилди.

"Шундай қилиб, нормал суҳбатга эришиш учун, ҳақиқатни аниқлаш учун, 4 апрел куни Кимёвий қуролни таъқиқлаш бўйича ташкилот (ОЗХО)нинг навбатдан ташқари сессиясини чақиришни расман таклиф қилдик", — деган Россия ТИВ раҳбари.

Ташқи ишлар вазири шунингдек, Ғарб "рўй рост суҳбатдан" қочмаслигига ишонч билдирди ва акс ҳолатда уларнинг ҳаракатлари "ўта қўпол провокация" сифатида баҳоланишини айтди.

Скрипал заҳарланиши

Тўртинчи март куни РББ собиқ офицери ва британиялик жосус Сергей Скрипал ва унинг қизи Юлияни Солсбери шаҳарчаси марказида ҳушсиз ҳолатда топишади. Лондоннинг таъкидига кўра, собиқ агентини А234 моддаси билан заҳарлашган, ушбу ҳодисага эса гўёки Москва дахлдор. Россия Британия томоннинг айбловларини инкор этиб келмоқда. 

Аммо айбловлар ўз исботини топмаганлигига қарамай, Британия Россиянинг 23 дипломати чиқариб юборилиши ва Россия билан олий даражадаги муносабатлар музлатиб қўйилганини эълон қилди.

Москва бунга қарши жавоб қайтарди: Британиянинг 23 дипломати мамлакатни тарк этиши, Санкт-Петербургда Британия элчихонаси очилишига розиликни чақириб олиниши ва Британия кенгашининг фаолияти тўхтатилиши маълум қилинди.

Буюк Британияни Европа Иттифоқининг 16 мамлакати, шунингдек АҚШ, Канада, Норвегия, Австралия, Молдавия, Албания, Македония ва Украина қўллаб-қувватлади.

ЕИнинг ҳамма давлатлари ҳам россиялик дипломатларни чиқариб юбориш ғоясини қўллаб-қувватлагани йўқ.

Хусусан, бу каби чораларни қўллашдан Австрия кескин бош тортган. Австрия Россия билан диалог тарафдори эканлигини маълум қилган.

Австрия ТИВ раҳбари Карин Кнайсль Австрия ЕИдаги нейтрал давлат эканлигини таъкидлаб ўтган. 

Америка томонга келадиган бўлсак, АҚШнинг таъкидига кўра, дипломатларнинг оммавий чиқариб юборилишига қарши жавоб қайтараётган Россия ўзини-ўзи яккалашга уринмоқда.

"Менинг тушунишимча, Россия Буюк Британия билан ҳамжиҳат бўлган 28 давлатга қарши жавоб чораларини қўллашни режалаштирмоқда. Кимёвий қурол билан ҳужум қилганлик фактини ҳаёсизларча инкор этиб келаётган Россия ўзини-ўзи яккалаб қўяди", — деб айтган АҚШ дипломатик муассасаси расмий вакили Хезер Науэрт.

АҚШ Давлат департаменти вакилининг фикрига кўра, Санкт-Петербургда Бош консулликнинг ёпилишидан Қўшма Штатларга бориш учун визага эҳтиёж сезган россияликлар жабр чекиши мумкин.

420
Теглар:
Россия ТИВ, Лавров, Скрипал воқеаси, дипломатлар, АҚШ, Россия
Комплекс ПВО

С-500 космосда гипертовушли қуролларни яксон қилиши мумкин - Россия Ҳаво-космик кучлари

275
С-500 “Прометей” космосда гипертовушли қуролларни йўқ қилиш имкониятига эга бўлади - Ҳаво-космик кучлар бош қумондони Сергей Суровикин.

ТОШКЕНТ, 3 июл - Sputnik. С-500 “Прометей” Ерга яқин фазода гипертовушли қуролларни йўқ қилиш имкониятига эга бўлади, деди Ҳаво-космик кучлар (ВКС) бош қумондони Сергей Суровикин “Красная Звезда” нашрига берган интервьюсида.

Аввалроқ, С-500 Ердан юзлаб километр масофадаги нишонни яксон қилиш имкониятига эга эканлигини ишлаб чиқарувчи – “Алмаз-Антей” концерни бош конструктори Павел Созинов маълум қилган.

Суровикиннинг сўзларига кўра, С-500ни техник хусусиятлари, уни космосдаги мудофаа тизимларининг биринчи авлодига қўшиш имконини беради.

“С-500 зенит ракета тизими таркибига киритилган ҳусусиятлар аэродинамик ва баллистик нишонлардан ташқари барча модификациядаги гипертовушли қуролларни, шу жумладан яқин космосда ҳам йўқ қилишга имконини беради”, - деди бош қўмондон.

Шунингдек, у ушбу тизимнинг аналоглари умуман мавжуд эмаслигига ишонч билдирди.

С-500 “Прометей” (ОКР “Триумфатор-М”) зенит-ракета тизимларининг янги авлодига киради. Бу ракетага қарши мудофаанинг кучайтирилган қобилияти узоқ масофаларда ҳаракатланувчи ва баландликларда тутиш имкониятига эга универсал комплексдир. Ушбу истиқболли тизим нафақат баллистик, балки аэродинамик нишонларни (самолёт ва вертолётлар) ва қанотли ракеталарини ҳам йўқ қилишга қодир.

275
Национальный парк Чобе в Ботсване

Олимлар шокда! Африкада сирли тарзда 350 бош фил ўлди

525
(Янгиланган 16:52 02.07.2020)
Африканинг Ботсвана шимолида бир неча ҳафта давомида сирли тарзда 350 бош фил ўлди. Филлар ўлими ҳақида биринчи марта май ойининг ўрталарида хабарлар пайдо бўлди.

ТОШКЕНТ, 2 июл — Sputnik. Африкада Ботсвана шимолида бир неча ҳафтада сирли тарзда 350 бош фил ўлди, деб хабар қилди The Guardian.

Филлар ўлими ҳақида биринчи марта май ойининг ўрталарида хабарлар пайдо бўлди.

Ҳайвонларнинг қолдиқлари мамлакат шимолидаги Окаванго дарёси яқинида топилган. Июнь ўрталарига келиб 170 бош филнинг танаси топилди.

Бир кун аввал Британия Миллий Паркни қутқарув хайрия ташкилотининг табиатни муҳофаза қилиш бўйича директори Найл Макканн ОАВларга сирли тарзда ўлим ҳолатлари сони 350 тага етганини маълум қилди.

"Камида 350 фил ўлди – бу жуда ҳайратланарли. Ботсванада Африка филларининг учдан бирида яшайди, уларнинг 10 фоизи шу ҳудудда жойлашган, шунинг учун вазият филларнинг умумий популяциясига сезиларли таъсир кўрсатиши мумкин", деди Маккен.

Аэросуратларда филларнинг жасади деярли 70 фоизи ҳайвонлар сув ичадиган жойда бўлгани акс этган.

Ҳайвонларнинг оммавий ўлиши сабаблари номаълум. Тахминларга кўра, бу тажовузкор патоген ёхуд заҳарлаш. Куйдирги инфекцияси билан боғлиқ версия тасдиқланмади.

“Фил таналарида браконьерлар томонидан бу иш қилингани ҳақида излар йўқ”, - деди  Ботсвана ҳукуматининг ёввойи табиат бўйича минтақавий директори Димакатсо Нтшебе.

Филларнинг оммавий ўлиши сабабларини аниқлаш бўйича тадқиқот ишлари давом этмоқда.

525

Тошкентда янги йўллар қурилиши: пойтахт қандай ўзгаради

0
Яқин йиллар давомида Ўзбекистон пойтахтида нафақат бир нечта магистралларни реконструкция қилиш, балки керакли участкаларда янги йўл ўтказгичларни қуриш ҳам режалаштирилган.
Тошкентда янги йўл ўтказгичлар қурилиши

Режага кўра, 2021 йилга қадар олтита йўл ўтказгич қурилиши режалаштирилган, лойиҳанинг умумий қиймати 600 миллиард сўмдан ошади.

Қарийб 372 миллиард сўмни пойтахтнинг тўртта кўчасини реконструкция қилишга йўналтириш кўзда тутилган.

Велосипедчилар ҳам эсдан чиқмади - шаҳарда умумий узунлиги тахминан 136 километр велосипед йўлаги пайдо бўлади.

Лойиҳа ҳақида батафсил Sputnik Ўзбекистон инфографикасида билиб олишингиз мумкин.

0