Россия Скрипал иши бўйича КҚТТга ўн учта савол йўллади
(Янгиланган 18:47 03.04.2018)
Россия ташқи ишлар вазирлигини Кимёвий қуролни таъқиқлаш ташкилоти техник котибиятига Лондон томонидан қандай маълумотлар тақдим этилгани, шунингдек, КҚТТ Британияда юз берган ҳодиса бўйича маҳаллий суриштирув ишлари қай тарзда олиб борилаётгани ҳақида маълумотларга эгалиги қизиқтирмоқдаТОШКЕНТ, 2 апр — Sputnik. Москва Кимёвий қуролни таъқиқлаш ташкилотига "Скрипал иши" билан боғлиқ 13та саволни йўллади, деб хабар қилди Россия ТИВ матбуот-хизмати.
Россия ташқи ишлар вазирлигини Кимёвий қуролни таъқиқлаш ташкилоти техник котибиятига Лондон томонидан қандай маълумотлар тақдим этилгани, шунингдек, КҚТТ Британияда юз берган ҳодиса бўйича маҳаллий суриштирув ишлари қай тарзда олиб борилаётгани ҳақида маълумотларга эгалиги қизиқтирмоқда.
Бундан ташқари, Москвани ташкилот техник котибияти Ижроия қўмита(таркибига Россия давлати ҳам киради) билан Британия томонидан олинган маълумотларни ўртоқлашиш нияти бор-йўқлиги қизиқтирмоқда.
Россия томон шунингдек, ҳодиса жойига қандай экспертлар боришгани, намуналар таҳлили қайси лабораторияларда ўтказилиши ва далилларни тўплаш жараёни ташкилотнинг бош тамойилларига мувофиқ бўлганлиги борасида ҳам тушунтиришлар берилишини сўрамоқда.
КҚТТ мажлиси 4 апрел куни бўлиб ўтади. У матбуот учун ёпиқ тарзда ўтказилади.
"Скрипал иши"
Британиянинг Солсбери шаҳарчасида 4 март куни британиялик жосус Сергей Скрипаль ва унинг қизи Юлия заҳарланган эди. Британия томон Скрипалларнинг А234 моддаси билан заҳарланишида Россиянинг алоқаси борлигини таъкидламоқда. Расмий Москва буни қатъий инкор этиб келмоқда.
Ўтган ҳафтада Европа иттифоқининг қатор мамлакатлари, шунингдек, АҚШ, Канада, Норвегия, Украина ва баъзи бошқа давлатлар Солсберидаги ҳодиса туфайли россиялик дипломатларни чиқариб юбориш қарорини қабул қилдилар. Москва худди шундай жавоб чораларини қўллади.
Теглар:
Мавзу:
Европа Иттифоқи “Спутник V” вакцинаси экспертизасини бошлади
ТОШКЕНТ, 4 мар — Sputnik. Европа дори воситалари агентлиги (ЕМА) Россиянинг коронавирусга қарши “Спутник V” вакцинасининг рўйхатга олинган ҳужжатларининг экспертизасини бошлади. Бу ҳақда Россия тўғридан-тўғри инвестициялар жамғармаси хабар қилди.
©
Sputnik / Владимир Трефилов
Қарор катталарда ўтказилган лаборатория ва клиник тадқиқотлар натижаларини инобатга олган ҳолда қабул қилинган.
“EMA “Спутник V” вакцинасининг ЕИ томонидан ўрнатилган самарадорлик, хавфсизлик ва сифат бўйича стандартларга мос келишини баҳолайди”, - дейилган хабарда.
“Спутник V” дунёда фойдаланишга рухсат берилган коронавирусга қарши дунё вакциналарининг етакчи учлигига киради. Вакцинани рўйхатдан ўтказган 42 та мамлакатнинг жами аҳолиси 1,1 миллиарддан зиёдни ташкил этади. ЕИнинг икки мамлакати EMA маъқуллашини кутиб ўтирмасдан уни рўйхатдан ўтказди. Венгрия ва Словакия ҳукумати шундай қарор қабул қилди. Февраль охирида Чехия президенти Милош Земан ҳам мамлакатга “Спутник V”ни етказиб беришни сўраганди.
Теглар:
Хитой Арктика туфайли Россия ва НАТО ўртасида уруш бўлишини башорат қилди
(Янгиланган 17:54 04.03.2021)
Хитой таҳлилчиларига кўра, НАТО Арктикада Россия учун ёқимсиз сюрприз тайёрламоқда. Стратегик аҳамиятга эга бўлган архипелаг - Шпинцбергендан Россия сиқиб чиқарилиши мумкин.ТОШКЕНТ, 4 мар — Sputnik. НАТО Арктикада Россия учун ёқимсиз сюрприз тайёрламоқда, деб тахмин қилмоқда хитойлик таҳлилчилар. Бу ҳақда Sohu нашри хабари қилди.
©
Sputnik / Sergey Mamontov
Экспертларга кўра, катта стратегик аҳамиятга эга бўлган архипелаг - Шпинцбергендан Россия сиқиб чиқарилиши мумкин. Маълумки, минтақа устидан суверенитет Норвегияга тегишли, аммо Россия Федерацияси унда иқтисодий фаолият олиб бориши мумкин.
Халқаро келишувга кўра, Шпицберген ва қирғоқ бўйи сувлари демилитаризация қилинган ҳудуд ҳисобланади. Архипелаг шимолий кенгликларда жойлашган кўплаб транспорт йўналишларини назорат қилади.
Хитойлик таҳлилчилари таъкидлашича, Шпицберген нафақат катта нефт ва газ захиралари, балки балиқ ресурсларидан фойдаланиш имкониятини очади.
Sohu нашрига кўра, Россия архипелагда фаолият олиб бориш ҳуқуқидан маҳрум бўлиши мумкин. Бунга НАТО доирасида Норвегия ва АҚШ ўртасидаги яқин ҳамкорлик ёрдам беради.
Аввалроқ Американинг стратегик бомбардимончилари Орланд авиабазасида (Норвегия) жойлаштирилди, деб таъкидлади экспертлар. Бу Осло Вашингтон билан биргаликда Москва билан геосиёсий қарама-қаршиликка қарор қилганидан далолат беради. Вужудга келган вазият туфайли Россия янги чақирувларга, шу жумладан Шпицберген учун курашга тайёр туриши керак. НАТО ва АҚШ бошчилигидаги Норвегиянинг бошқа шериклари Россия Федерациясини архипелагдан сиқиб чиқарилишидан манфаатдор. Бироқ, ҳарбий экспертларнинг фикрига кўра, Москва узоқ вақтдан бери бундай воқеа ривожига тайёр.
Теглар:
Қозоғистон авиакомпанияси Ўзбекистонга парвозларни бошлайди
ТОШКЕНТ, 5 мар — Sputnik. Қозоғистон саноат ва инфратузилмани ривожлантириш вазирлигининг фуқаролик авиацияси қўмитаси матбуот хизмати келаси душанба, 8 мартдан бошлаб маҳаллий SCAT авиакомпанияси самолётлари “Актау-Урганч” йўналишида ҳафтасига икки маротаба парвозларни йўлга қўйишини маълум қилди.
Рейслар душанба ва чоршанба кунлари Боинг-737 самолётларида амалга оширилади.
Шу билан бирга, парвозлар барча санитария-эпидемик талабларни ҳисобга олган ҳолда ва авиакомпания сайтида эълон қилинган жадвалга мувофиқ амалга оширилишини таъкидланди.
Эслатиб ўтамиз, ўтган ҳафтада Ўзбекистон Транспорт вазири – “Uzbekistan airways” АЖ бошқарув раиси Илхом Маҳкамов Қозоғистон Республикаси Индустрия ва инфратузилмаларни ривожлантриш вазири Бейбут Атамкулов билан телефон орқали мулоқот ўтказганди.
Унда эпидемиологик вазиятдан келиб чиқиб, Ўзбекистон ва Қозоғистон ўртасида йўловчи автобуслари қатновларини тезроқ тиклаш муҳимлиги қайд этилди. Шунингдек, икки мамлакат ўртасида мунтазам авиапарвозлар сонини ошириш, янги қатнов йўналишларини очиш масалалари муҳокама этилди.