Первый заместитель председателя комитета Совета Федерации РФ по международным делам Владимир Джабаров

Жабаров: "Скрипаль иши" можароси Мэйнинг карьерасига нуқта қўйиши мумкин

1238
"Агар бу британиянинг ички жанжали бўлганида майли эди, лекин Тереза Мэй бунга АҚШни ҳам, Европани ҳам жалб қилди. Бу унинг карьерасига нуқта қўйиши мумкин", - дейди Жабаров

ТОШКЕНТ, 4 апр — Sputnik. Янги тафсилотлар очиқланган "Скрипаль иши" суриштируви билан боғлиқ жанжаллар Буюк Британия Бошвазири Тереза Мэйнинг карьерасига якун ясаши мумкин, деб таъкидлади РИА Новостига ФСБ генерали, Россия Федерация Кенгашининг халқаро қўмитаси раҳбари биринчи ўринбосари Владимир Жабаров.

Илгарироқ Британия Мудофаа вазирлиги маҳфий лабораторияси раҳбари Sky Newsга берган интервьюсида экспертлар Британия томон таъкидлаётгани каби, собиқ Разведка Бош бошқармаси, британиялик жосус Скрипаль ва унинг қизини заҳарлашда ишлатилган "Новичок" моддасининг келиб чиқиши манбасини аниқлаштира олмаганликларини айтди.

Шундан сўнг Буюк Британия ТИВ британия томонга ишлаган собиқ полковник Сергей Скрипалнинг заҳарланишида Россия томоннинг айбдорлиги ҳақида хулоса Россия кимёвий қуролни қотилликларга ишлатиш имконини қидираётганини, ва разведка хизматининг собиқ ходимлари бу учун нишон сифатида тўлиқ мос келишлари ҳақидаги ахборотларга таянган ҳолда чиқарилганини маълум қилган эди.

"Агар бу британиянинг ички жанжали бўлганида майли эди, лекин Тереза Мэй бунга АҚШни ҳам, Европани ҳам жалб қилди. Бу унинг карьерасига нуқта қўйиши мумкин", — деди Жабаров.

Жабаровнинг фикрича, лейбористлар Вазирлар Маҳкамаси раҳбарининг истеъфосини талаб қилишлари мумкин, консерваторлар учун эса Солсберидаги ҳодиса улар ўзлари шакллантирган катта муаммога айланмоқда.

"Буюк Британия ТИВ раҳбари Борис Жонсон ёки Бош вазири бу вазиятдан қандай чиқишларини ва тўкилиб бораётган суриштирув доирасида Европа қандай юзини сақлаб қолишини томоша қиламиз", — деб таъкидлади у.

Жабаровнинг фикрича, Россия ушбу ҳолатда биринчи ўринда кечирим талаб қилиши, шунингдек, гап Россия фуқаролари борасида кетаётган экан ва Скрипал ва унинг қизи заҳарланиши ҳодисасида ўтказилаётган суриштирув ишларида иштирок этишни талаб қилиши керак. Бундан ташқари, Россия томон иш материаллаританишиб чиқиш имкониятини тақдим этишларида қатъий туриши лозим, дейди парламентарий.

"Европа учун бу яна бир дарс, АҚШ ва Буюк Британия таъсирида иш қишил керакмас, мустақил бўлиш керак", — деб таъкидлади Жабаров.

Тўртинчи март куни Британиянинг Солсбери шаҳарчасида британиялик жосус Скрипаль ва унинг қизи Юлия заҳарланган эди. Британия томон А234 моддаси билан заҳарланган Скрипаллар ишига Россия давлатининг алоқадорлигини таъкидлаб келмоқда, Москва эса буни кескин рад этмоқда.

Европанинг қатор мамлакатлари, шу жумладан Франция, Германия ва Польша, Болтиқбўйи мамлакатлари, Украина, Молдавия, ҳамда АҚШ ва Канада Скрипал иши туфайли 100 дан зиёд россиялик дипломатларни чиқариб юбориш қарорини қабул қилдилар.

1238
Теглар:
Мэй, Скрипаль иши, Британия, Россия
Мавзу:
Скрипаль иши (27)

Космосдан ҳужум: Апофис астероиди Ерга қулаши мумкинми?

450
Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради.

ТОШКЕНТ, 5 мар — Sputnik. Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради. Бундай маълумотлар 2029 ва 2068 йилларда Ер билан тўқнашув эҳтимолини рад этиш ёки тасдиқлаш учун зарур. Апофиснинг сайёрага қулаши ҳалокатли оқибатларга олиб келиши мумкин. РИА Новости хабарига асосан.

2004 йилда Сонора чўлида (Аризона, АҚШ) жойлашган Китт-Пик миллий расадхонаси ходимлари Ерга нисбатан яқин бўлган номаълум астероидни аниқлашди. Ёмон об-ҳаво ва техник муаммолар астероидни яхшилаб кўриб чиқишни қийинлаштирди. Бироқ, бу самовий жисмнинг диаметри тахминан 400 метр эканлигини маълум бўлди.

Бир неча ойдан сўнг, Сайдинг-Спринг расадхонаси (Австралия) мутахассислари астериодни ўрганиб чиқди. Улар америкалик ҳамкасбларининг маълумотларини тасдиқлади ва орбита параметрларини аниқлади.

Декабрда, маълумотларни таҳлил қилгандан сўнг, NASA Ерга яқин объектларни ўрганиш маркази мутахассислари ҳисоблаб чиқдилар: Ер билан тўқнашув эҳтимоли тахминан 2 фоизни ташкил қилади ва табиий офатнинг тахмин қилинган санаси 2029 йил 13 апрел. 2004 MN4 астероиди (кейинчалик қадимги Миср зулмат ва ёвузлик худоси шарафига Апофис деб номланди) - астрономик объектга Турин шкаласи бўйича 4 балла берилган.

Кузатувлар туфайли олимлар деярли ҳар ҳафта потенциал хавфли объектларни аниқлайди. Уларнинг орбиталари сайёра орбитасини кесиб ўтади ва шунинг учун тўқнашув эҳтимоли жуда кичик. Апофис кашф этилганидан бери 20 мингга яқин бундай осмон жисмлари - астероидлар ва кометалар аниқланди. Бироқ, Апофис ҳануз энг жиддий таҳдидлардан бири ҳисобланади.

450
Теглар:
NASA (АҚШ аэронавтика ва космикни ўрганиш миллий идораси), Россия, АҚШ, Астероид, Қуёш, Ой, космос

Европа Иттифоқи “Спутник V” вакцинаси экспертизасини бошлади

410
Европада Россиянинг коронавирусга қарши “Спутник V” вакцинасининг экспертизаси бошланди. Ҳозирча ЕИнинг икки мамлакати EMA маъқуллашини кутиб ўтирмасдан вакцинани рўйхатдан ўтказган.

ТОШКЕНТ, 4 мар — Sputnik. Европа дори воситалари агентлиги (ЕМА) Россиянинг коронавирусга қарши “Спутник V” вакцинасининг рўйхатга олинган ҳужжатларининг экспертизасини бошлади. Бу ҳақда Россия тўғридан-тўғри инвестициялар жамғармаси хабар қилди.

Қарор катталарда ўтказилган лаборатория ва клиник тадқиқотлар натижаларини инобатга олган ҳолда қабул қилинган.

“EMA “Спутник V” вакцинасининг ЕИ томонидан ўрнатилган самарадорлик, хавфсизлик ва сифат бўйича стандартларга мос келишини баҳолайди”, - дейилган хабарда.

“Спутник V” дунёда фойдаланишга рухсат берилган коронавирусга қарши дунё вакциналарининг етакчи учлигига киради. Вакцинани рўйхатдан ўтказган 42 та мамлакатнинг жами аҳолиси 1,1 миллиарддан зиёдни ташкил этади. ЕИнинг икки мамлакати EMA маъқуллашини кутиб ўтирмасдан уни рўйхатдан ўтказди. Венгрия ва Словакия ҳукумати шундай қарор қабул қилди. Февраль охирида Чехия президенти Милош Земан ҳам мамлакатга “Спутник V”ни етказиб беришни сўраганди.

410
Теглар:
Европа дори воситалари агентлиги (ЕМА), вакцина, Спутник V, Россия тўғридан-тўғри инвестициялар жамғармаси, Европа Иттифоқи

Россия ва Франция махфий тарзда дипломатларни чиқариб юборишди

18
Экспертлар Les Echos билан суҳбатда, дипломатларнинг чиқариб юборилгани ҳақидаги факт Россия ва Франция ўртасидаги шундоқ ҳам зиддийлашиб турган муносабатларни мураккаблаштирмаслик учун оммага ошкор қилинмаганлигини тахмин қилишди.

ТОШКЕНТ, 6 мар - Sputnik. Россия ва Франция 2020 йилнинг охирида бир нафардан дипломатни махфий тарзда чиқариб юборишган, деб хабар бермоқда Les Echos.

Нашрнинг ёзишича, Россиянинг Париждаги элчихонаси иқтисодий бўлим ходимини жосусликда гумонлаб, Франциядан чиқариб юборишган. Россия акс жавоб чораларини қўллаган ва Франциянинг Москвадаги элчихонаси иқтисодий бўлим ходимини чиқариб юборган.

Россия ТИВ ва Франциянинг Москвадаги элчихонаси нашрга ушбу хабар юзасидан изоҳ бермаган.

Экспертлар Les Echos билан суҳбатда, дипломатларнинг чиқариб юборилгани ҳақидаги факт Россия ва Франция ўртасидаги шундоқ ҳам зиддийлашиб турган муносабатларни мураккаблаштирмаслик учун оммага ошкор қилинмаганлигини тахмин қилишди.

Сал аввал РФ ТИВ Россияда санкцияланмаган акцияларда иштирок этган Швеция, Польша ва Германия дипломатлари "ушбу мамлакатда бўлиши хуш кўрилмаган" шахслар сифатида эълон қилингани ва яқин вақт ичида мамлакатни тарк этишларини эълон қилган эди.

Бунга жавобан Германия, Польша ва Швеция ташқи ишлар вазирликлари ҳар бир мамлакатда бир нафардан россиялик дипломатларни "персона нон-грата" дея эълон қилишди.

18