Сотрудники британских спецслужб на месте отравления Сергея Скрипаля

Скрипаллар оиласи янги исмлар остида АҚШга кўчиб ўтиши мумкин

452
Британиялик жосус Сергей Скрипал кома ҳолатидан чиқди. У тез орада полицияга тергов ишларида ёрдам бериши мумкин, деб хабар қилмоқда Британия ОАВлари. Айни вақтда эса ота-бола Скрипалларни, уларнинг хавфсизлигини таъминлаш учун, қайси мамлакатга кўчириш масаласи муҳокама этилмоқда

ТОШКЕНТ, 8 апр — Sputnik. Британиялик жосус ва Разведка бош бошқармаси собиқ полковниги Сергей Скрипалга ҳамда унинг қизи Юлияга янги исмлар остида АҚШга кўчиб ўтишни таклиф этишади, деб хабар қилмоқда РИА Новости Sunday Times асосида.

Нашр хабарига кўра, бундай чора "янги суиқасдлардан ҳимоя"га йўналтирилган.

Шунингдек, британиянинг Ми-6 махфий хизмати ЦРУдаги ҳамкасбларига мурожаат этишган ва Скрипалларнинг хавфсизлигини таъминлаш учун мамлакатни танлаш масаласида ёрдам сўрашган.

"Уларга янги исмлар остида яшашни таклиф этишади", — деб хабар қилади нашр Британия ҳукуматидаги манбадан олинган хабар асосида.

Маълумотларга кўра, Скрипаллар кўчиб ўтиши мумкин бўлган мамлакатлар орасида шунингдек, Канада, Австралия ва Янги Зеландия ҳам бор.

"Улар кўчиб ўтиши эҳтимолга анча яқин бўлган жой — Америка, чунки у ерда уларни ўлдириш имконияти камроқ ва у ерда уларни ҳимоя қилиш осонроқ", — деб айтган музокаралардан хабардор манба.

Бундан ташқари манба иккала жабрланганлар ҳам ҳушида эканлигини ва тез орада тергов ишларига ёрдам беришлари мумкинлигини маълум қилган.

Илгарироқ тўртинчи март куни Сергей скрипал ва унинг қизи Юлияга Британиянинг Солсбери шаҳарчасида А234 заҳарли моддаси ёрдамида тажовуз уюштирилган эди. Лондон зудлик билан Москва номига айбловлар ёғдирди ва бу билан дипломатик инқирозни юзага келтирди. Россия барча айбловларни асоссиз дея, қатъий рад этиб келмоқда.

452
Теглар:
Новичок, Россия, Британия, Скрипаль иши
Мавзу:
Скрипаль иши (27)
Вид города Эр-Рияд - столицы Саудовской Аравии

ОАВ: америкалик дипломатлар Саудия Арабистонини тарк этади

309
Нашрнинг ёзишича, яқин кунларда яна бир қанча америкалик дипломатлар Саудия Арабистонини тарк этиши кутилмоқда.

ТОШКЕНТ, 5 июл — Sputnik. Ўнлаб америкалик дипломатлар Саудия Арабистонида коронавирус билан касалланиш тобора кўпаяётгани ортидан подшоҳликни ўз оилалари билан бирга тарк этишмоқда. Бу ҳақда The Wall Street Journal нашри ўз манбасига таянган ҳолда хабар қилмоқда.

Таъкидланишича, АҚШ Давлат департаменти ўтган ҳафта бир неча ходимга мамлакатни тарк этишга рухсат берган. Яқин кунларда яна бир қанча дипломатлар Саудия Арабистонини тарк этиши кутилмоқда.

АҚШ вакилларининг сўзларига кўра, АҚШ элчихонасининг камида 30 ходимида коронавирус аниқланган. Улардан кўпчилиги АҚШ фуқаролари эмас. Улар март ойидан буён уйдан ишлаб келаётганларига қарамасдан вирус юқтириб олишган.

Нашрнинг ёзишича, июнь ойида элчихона ҳайдовчиси коронавирусдан вафот этган. Кейинчалик дипломат оиласи аъзоларидан бири касалхонага қабул қилинмаган. Элчихона аралашишига тўғри келган.

Бир қатор америкалик дипломатлар ҳам Саудия Арабистонидаги коронавирус билан боғлиқ вазиятдан хавотир билдирган ва подшоҳлик ҳукумати янги касалланиш ҳолатлари сонини камайтириб кўрсатиши мумкин деб ҳисобламоқда.

Охирги маълумотларга кўра, Саудия Арабистони дунёда аниқланган коронавирус ҳолати бўйича 13-ўринда қайд этилган. Подшоҳликда 205 мингдан зиёд коронавирус ҳолати аниқланган. 143 мингдан зиёд киши касалликни енгган. 1858 киши вирус қурбонига айланган.

309
Теглар:
Саудия Арабистони, АҚШ, коронавирус
Мавзу:
COVID-19 умумжаҳон пандемияси
Во всех рынках при входе установлены дезинфекционные туннели для посетителей

Коронавирус Марказий Осиёда: Қирғизистон қурбонлар сони бўйича Тожикистонни ортда қолдирди

681
(Янгиланган 18:54 05.07.2020)
Ўзбекистонда ҳафта давомида 12 та ўлим кузатилди, Қозоғистон 14 кунлик қатъий карантин чораларини жорий этди, Қирғизистон ҳолат ва қурбонлар сони бўйича Тожикистонни ортда қолдирди.

ТОШКЕНТ, 5 июл — Sputnik. Сўнгги тақдим этилган маълумотларга кўра, Марказий Осиё давлатларида жами 58 218 та коронавирус билан боғлиқ ҳолат қайд этилган.

Қозоғистон

Қозоғистон ҳукумати республикада эпидемиологик вазият ёмонлашгани туфайли 5 июлдан 14 кунлик қўшимча карантин чеклов чораларини жорий этиш тўғрисида қарор қабул қилди. Мамлакат минтақада ҳолат ва ўлим бўйича ҳамон етакчилик қилмоқда. Қозоғистонда ўтган кун давомида 1452 та янги ҳолат тасдиқланган. Касалланганларнинг умумий сони 47 171 (жумладан, касаллик аломатларисиз ўтаётган беморлар) нафарга етган. Шулардан 15 556 нафари тузалиб кетган. Жами 188 та ўлим ҳолати кузатилган. 29 июндан қайд этилган ўлим ҳолатлари янгиланмаган.

Ўзбекистон

4 июль куни мамлакатда 312 та янги ҳолат аниқланган. Шундан 162 таси карантин муассасаларида, 142 таси аҳоли орасида (шундан 105 таси Тошкент шаҳрида, 36 таси Тошкент вилоятида, 1 таси Бухоро вилоятида), 8 таси халқаро юк ташувчи автомашина ҳайдовчиларида орасида аниқланган. Бир кунда 174 бемор тузалди ва уйларига кузатилди.

2020 йил 5 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 9829 (+121) нафарни ташкил этмоқда.

Республика бўйлаб 6425 нафар (66 фоиз) бемор бутунлай даволаниб чиққан. Мамлакатда эпидемия бошлангандан буён 32 та ўлим ҳолати кузатилган. Ҳафта давомида 12 янги ўлим қайд этилди.

Ўзбекистонда ҳам 1 июлдан карантин чоралари кучайтирилди. Барча ҳудудларида йирик буюм бозорлари ҳамда буюм савдоси билан шуғулланадиган йирик савдо мажмуалари ҳафтанинг шанба ва якшанба кунлари санитария-дезинфекция ишларини амалга ошириш учун ёпилади. “Қизил” ва “сариқ” ҳудудларда соат 07:00 дан 23:00 га қадар жамоат жойларида уч кишидан ортиқ тўпланиш ҳамда 23:00 дан 07:00 га қадар кўчаларда, кўп қаватли уйлар ва ҳовлилар олдида бўлиш тақиқланди. “Қизил” ва “сариқ” ҳудудларда ҳафтанинг шанба ва якшанба кунларида жамоат транспорти ҳаракати камайтирилди.

Қирғизистон

Қирғизистонда сўнгги кунларда коронавирус юқтириб олиш ҳолати кескин кўпайган. Энди мамлакат коронавирус қурбонлари сони бўйича Тожикистонни ортда қолдириб, минтақада иккинчи ўринга кўтарилган.

Касалланганларнинг умумий сони 7377 нафарни ташкил этмоқда. Шулардан 2802 нафари (37,9 фоизи) COVID-19ни енгган. Жами 88 та ўлим ҳолати кузатилган.

Касаллик кундан кунга авж олаётгани боис Бишкек мэрияси ҳозирда маълум сабабларга кўра ишламаётган тиббиёт ходимларидан кўмак беришни сўраган.  

Тожикистон

Тожикистонда минтақада энг охирида (30 апрель куни) коронавирус аниқланган эди. Сўнгги маълумотларга кўра, аниқланаётган кунлик ҳолатлар 50-55 тани ташкил этади. Қайд этиш жоизки, бу минтақадаги бошқа мамлакатларда касаллик авж олаётган вақтда бир неча бараварга камроқ.

Ўтган кун давомида 51 кишида коронавирус аниқланган бўлса, 47 киши дарддан фориғ бўлган.

Коронавирус билан касалланганларнинг умумий сони 6159 нафарга етган. Шулардан 4809 нафари (78,1 фоизи) тузалиб кетишга муваффақ бўлган. Қурбонлар сони эса 52 кишини ташкил этмоқда. Ҳафта давомида қурбонлар сони ўзгармаган.

Туркманистонда эса ҳозирга қадар коронавирус расман қайд этилмаган ва у минтақадаги инфекциядан холи мамлакат бўлиб турибди.

Бутун дунё бўйлаб 11 миллиондан зиёд киши коронавирус юқтириб олган. 6 миллиондан ортиқ киши шифо топган. Қурбонлар сони 530 мингдан ошган.

681
Теглар:
карантин, Туркманистон, Тожикистон, Қирғизистон, Қозоғистон, Ўзбекистон, Марказий Осиё, коронавирус
Двое задержаны при приготовлении наркотическо средства

Қабристон ёнида гиёҳванд моддасини тайёрлаган икки йигит қўлга тушди

260
Икки йигит Юқори Чирчиқ туманидаги қабристон ёнида наша ўсимлигига ўхшаш гиёҳвандлик моддасини қозонда қовураётган вақтда ушланди.

ТОШКЕНТ, 5 июл — Sputnik. Тошкент вилоятида гиёҳванд моддасини тайёрлаган икки йигит қўлга тушди.

ИИВ ҳузуридаги Тергов департаменти хабарига кўра, 27 июнь куни Юқори Чирчиқ тумани ИИБ ходимлари “Қора дори-2020” тадбирини ўтказган. Унда 22 ёшли Б.Ш. ва С.И.лар Юқори Чирчиқ тумани Балиқчи маҳалласидаги қабристон ёнида жойлашган дала майдонида наша ўсимлигига ўхшаш гиёҳвандлик моддасини қозонда қовураётгани аниқланган.

Судга оид кимёвий экспертизаси хулосасига кўра, олинган  модда гиёҳвандлик воситаси. У вазни 1506 грамм бўлган марихуана. 

Тергов ҳаракатлари давомида Б.Ш. ва С.И.лар ушбу  гиёҳвандлик воситасини ўзлари бир ҳафта давомида истеъмол қилишлари учун тайёрлаётганликлари аниқланган.

Жиноят кодексининг 276-моддаси 2-қисми “а” банди билан жиноят иши қўзғатилган.

Тергов ҳаракатлари олиб борилмоқда.

260
Теглар:
гиёҳванд моддалар, Тошкент вилояти