Лидеры КНДР и Южной Кореи Ким Чен Ын и Мун Чжэ Ин

Жанубий Корея раҳбари Ким Чен Инга ичида янги иқтисодиёт лойиҳаси бўлган флешкани топширди

325
27 апрел куни икки мамлакат тарихида биринчи маротаба КХДР етакчиси Ким Чен Ин Корея яриморолининг Шимол ва Жануб ўртасидаги қуролсизлантирилган ҳудуднинг Жанубга тегишли қисмига ташриф уюштирди ва Жанубий Корея президенти Мун Чже Ин билан учрашув ўтказди

ТОШКЕНТ, 1 май — Sputnik. Жанубий Корея президенти Мун Чжэ Ин КХДР етакчиси Ким Чен Ин билан учрашувда унга ўз қўли билан ичида янги иқтисодий тузилма лойиҳаси бўлган флешкани ва брошюрани топширди, деб хабар қилди РИА Новости мухбири Ксения Нака.

Мухбирга кўра бу ҳақда Чунан ильбо нашри Жанубий Корея президенти маъмуриятига таянган ҳолда хабар тарқатган.

Электрон ташувчида Корея яриморолининг иқтисодиёти Шимол ва Жанубнинг биргаликдаги саъи-ҳаракатлари билан қай тарзда ривожланиши мумкинлиги борасида презентация ёзилганлиги айтилмоқда.

Нашр хабарига кўра, гап бу ерда, Шимолий Корея ядровий қуролдан холи ҳудудга айланган тақдирда, Жануб ва Шимолнинг ҳамкорлиги ҳақида бормоқда.

Лойиҳа тафсилотлари очиқланмаган, аммо унинг бир қисми электр станцияларияга бағишлангани маълум. Бу эса Жанубий Кореянинг КХДР энергетикасини ривожлантириш бўйича таклифларини англатиши мумкин.

Эслатиб ўтамиз, икки мамлакат тарихида биринчи маротаба 27 апрел куни КХДР етакчиси Ким Чен Ин Корея яриморолининг Шимол ва Жануб ўртасидаги қуролсизлантирилган (демилитаризация қилинган) ҳудуднинг Жанубга тегишли қисмига ташриф уюштирди. Ким Чен Ин Жанубий Корея президенти Мун Чже Ин билан учрашув ўтказди.

Май ойининг охири — июнь ойи бошларига Ким Чен Иннинг АҚШ президенти Дональд Трамп билан учрашуви белгиланган.

325
Теглар:
КХДР, Корея, Ким Чен Ин
Мавзу:
Корея яриморолидаги вазият: зиддият, келишув, тинчлик сари йўл (84)
День рождения основателя ювелирного дома De Grisogono

Bloomberg: Гулнора Каримова Швейцарияда судда ютиб чиқди

396
(Янгиланган 20:31 04.12.2020)
Гулнора Каримованинг адвокати Грегуар Манжга кўра, бу унинг учун муҳим ғалаба. Тафсилотлар билан хабаримизда танишинг

ТОШКЕНТ, 4 дек - Sputnik. Гулнора Каримова Швейцарияда судда ғолиб чиқди, деб ёзади Bloomberg.

Қарорга биноан Федерал Апелляция суди Каримованинг Гибралтар компанияси Takilant Ltd нинг қонуний бенефициари бўлганлиги тўғрисидаги даъвосини қондирди, унинг маблағлари 2018 йилги жиноят иши бўйича Швейцария банк ҳисобварағида музлатиб қўйилган.

Шу билан бирга, суд қарори билан аллақандай Ўзбекистон фуқароси Б.га нисбатан суд қарори қабул қилинган. Аёл Гулнора Каримова номидан ҳужжатларни сохталаштириш ва пулни юқишда айбдор деб топилган. Б.нинг бу қилмишларидан мақсад Гулнора Каримова пул маблағларининг ҳақиқий эгаси эканлиги тўғрисидаги фактни яшириш бўлган.

Каримованинг адвокати Грегуар Манжнинг сўзларига кўра, бу Гулнора учун муҳим ғалаба, Швейцария прокуратурасида эса 350 миллион долларнинг ноқонуний келиб чиқишини исботловчи далиллар етарли эмас.

Адвокатнинг аниқлик киритишича, ушбу қарор Швейцариянинг пулларни Ўзбекистонга қайтаришдан олдинроқ Гулнора Каримовага қайтариш имконини беради.

Эслатиб ўтамиз, 2012 йилда Швейцария прокуратураси Гулнора Каримованинг 800 млн швейцария франкига тенг активларини музлатиб қўйган эди. Ушбу маблағларнинг бир қисми — 131 млн долларга яқини — 2019 йилда қайд этилган.

2015 йил август ойида Каримова товламачилик ва солиқ тўлашдан бўйин товлашда айбланиб, 2017 йилнинг декабрида яна бир жиноий иш доирасида унга 10 йилга озодликдан маҳрум этиш кўринишида жазо тайинланган эди. 18 март куни суд янги жиноий иш доирасида унинг қамоқ муддатини 13 йил тўрт ойгача узайтирди.

396

ТИВ Латвияда Sputnik ва Baltnews журналистларининг ҳибсга олинишини кескин қоралади

138
(Янгиланган 15:25 04.12.2020)
Россия ташқи ишлар вазирлиги Baltnews ва Sputnik Латвия порталларининг рус тилида сўзлашадиган журналистларига нисбатан Латвия ҳукуматининг хатти-ҳаракатларини кескин қоралади.

Аввалроқ Sputnik яқин хориж портали маълум қилишича, ОАВ ходимлари Латвия Жиноят қонунининг 84-моддаси бўйича - Европа Иттифоқининг санкциялар режимини бузганликда айбланмоқда. Сўроқлардан сўнг, улардан мамлакатни тарк этмаслик тўғрисида тилхал олинган. Уларга нисбатан жаримадан тортиб қамоқгача бўлган жазо қўлланилиши мумкин.

“Латвия давлат хавфсизлик хизматининг 3 декабрь куни Рига шаҳридаги Sputnik бюроси ходимлари ва русийзабон журналистларга қарши олиб борган тажовузкор ҳаракатларини - демократик жамият асослари - оммавий ахборот воситалари ва сўз эркинлигини бузишнинг, чидаб бўлмайдиган намунаси, деб ҳисоблаймиз. Эслатиб ўтамиз, журналистлар қўлга олинган, сўроқ ва тинтув амалга оширилиб, жиноий айбловлар қўйилган", - дейилган ТИВ веб-сайтидаги баёнотда.

Вазирликда таъкидланишича, Sputnik Латвия жамоасини Европа Иттифоқининг санкциялар режимини бузганликда айблаш қатъиян номақбул.

"Ушбу чекловлар шахсий характерга эга, "Россия сегодня" ХАА бош директори Дмитрий Киселевга шахсан тегишли ва медиахолдинг билан ҳамкорлик қилаётган барча кишиларга тааллуқли бўлиши мумкин эмас", - дейилган вазирликда.

Шунингдек, "бир вақтнинг ўзида Baltnews ахборот агентлигининг рус тилида сўзлашадиган журналистлари ва Латвиядаги бир қатор жамоат арбоблари таъзиққа учради”.

"Бунинг ҳаммаси ҳақиқий жазолаш акцияси, уйдирма айбловларнинг тубмаъносида русофоб қарашлар бўлганлигига ҳеч қандай шубҳа йўқ. Бу масала ЕХҲТ вазирлар кенгашида кўтарилади", - дейилган хабарда.

Вазирлик ЕХҲТнинг ОАВ эркинлиги бўйича янги вакили бўлаётган воқеаларни эътиборсиз қолдирмаслигига ва ОАВларига нисбатан "бундай ҳужумларга йўл қўйиб бўлмаслик", шунингдек "сўз эркинлигини таъминлаш бўйича халқаро мажбуриятларни бажариш зарурлиги"ни Латвияга кўрсатиб ўтишига умид билдирди.

"Биз Европа Иттифоқи томонидан ҳам адекват баҳо берилишига умид қиламиз", - деб хулоса қилди Россия вазирлиги.

Ўз навбатида, “Россия сегодня” ва RT бош муҳаррири Маргарита Симонян ўзининг Telegram-каналида Россия Baltnews ва Sputnik Латвия ходимларига нисбатан жиноий таъқибга жавоб беришига умид билдирди.

Худди шунга ўхшаш вазият ўтган йили Эстонияда ҳам юз берганди. Мамлакат полицияси ва чегара хизмати бошқармаси раҳбарияти Sputnik Эстония ходимларини, агар улар бош ташкилот билан ишлашни тўхтатмаса, уларга қарши жиноий иш қўзғатиш билан қўрқитганди. Ушбу ҳаракатлар Европа Иттифоқининг 2014 йил 17 мартдаги бир қатор жисмоний ва юридик шахсларга қарши санкциялари билан изоҳланди. Бироқ, ЕИ чекловлари “Россия Сегодня” ХААга (унинг таркибида Sputnik) эмас, балки шахсан агентликнинг бош директори Дмитрий Киселевга қарши қаратилган.

ЕХҲТнинг ОАВ эркинлиги бўйича вакили Арлем Дезир аввал таъкидлаганидек, Таллин Европа Иттифоқининг шахсий санкцияларини Sputnik Эстония бутун жамоасига қўллаш истаги оммавий ахборот воситалари эркинлиги соҳасида муаммо туғдирмоқда.

Президент Владимир Путин Sputnik Эстония атрофида юзага келган вазият бўйича изоҳ берганда, “Россия ҳукумати Sputnik’нинг бошқа мамлакатларда ишлашини қўллаб-қувватлаш борасида барча чораларни кўрмоқда”, деб таъкидлаганди.

138

Қрим сабабли: НАТО Россия армиясини тақиқлашни орзу қилмоқда

0
(Янгиланган 21:32 04.12.2020)
НАТО Қора денгиздаги ҳарбий кучини кўпайтирмоқда, бу Россиянинг ҳаракатларига жавобан амалга оширилмоқда, деб айтди Йенс Столтенберг.

Бироқ, Шимолий Атлантика алянси бош котиби ҳарбий блокнинг кучлари Россия чегаралари яқинида нима қилаётганига аниқлик киритмади.

Сўнгги пайтларда альянснинг Россия чегаралари яқинидаги тажовузкор ҳаракатлари сони сезиларли даражада ошди, шу сабабли Россия ўз хавфсизлигини таъминлашга мажбур бўлмоқда.

0