глава МИД Казахстана Кайрат Абдрахманов

Қозоғистоннинг Қуддус бўйича позицияси айтилди

1006
(Янгиланган 18:18 19.05.2018)
Ислом Ҳамкорлик ташкилотининг амалдаги раиси Туркия президенти Ражаб Тойиб Эрдўғон ташаббуси билан чақирилган фавқулодда саммитда Қозоғистон Ташқи ишлар вазири ҳам иштирок этди

ТОШКЕНТ, 19 май — Sputnik. Турли этник ва диний гуруҳлар учун ота уйи бўлиб кетган Қуддуснинг тарихий мақомини ўзгартиришга ҳаракат қилиш, Яқин Шарқдаги барқарорликка таҳдид солади, деб баёнот қилди Қозоғистон ТИВ раҳбари Кайрат Абдрахманов.

Қозоғистон ТИВ раҳбари 2018 йил 14 май куни Ғазо секторида юз берган ҳодисалар туфайли Ислом Ҳамкорлик ташкилотининг амалдаги раиси Туркия президенти Тойиб Эрдўғон ташаббуси билан чақирилган ИҲТ фавқулодда саммитида иштирок этди.

Қозоғистон ТИВ матбуот-хизмати томонидан шанба куни тарқатилган пресс-релизга кўра, Қозоғистон томон Фаластинда ҳолатнинг зиддийлашувидан ташвишдалигини билдирган. Шунингдек, тинч аҳолига нисбатан қуролланган кучнинг ишлатилишини номувофиқ деб атаган ва халқаро ҳамжамиятни ушбу зўравонликни зудлик билан тўхтатиш учун бор чораларни кўришга даъват қилган.

"Қозоғистон Ташви ишлар маҳкамаси Қуддус турли этник ва диний қарашлар вакиллари учун ота уйи эканлигини, бу ерда фаластинликлар ва исроилликлар бир-бирининг яшашга бўлган ҳуқуқини ҳурмат қилишлари лозимлигини таъкидлаб ўтган", — деб қайд этилган пресс-релизда.

Вазирнинг сўзларига кўра, "ушбу ҳуқуқни шубҳа остига қўйишга, шунингдек, шаҳарнинг тарихий мақомини ўзгартиришга бўлган ҳаракат Яқин Шарқда тинчлик ва барқарорликни таҳдид остига қўяди"

Қозоғистон ТИВ раҳбари мамлакат БМТ Бош Ассамблеяси ва Хавфсизлик Кенгаши томонидан чиқарилган қарорлар ва резолюциялар бажарилиши тарафдори эканлигини яна бир бор эслатиб ўтган ҳамда Қозоғистон Яқин Шарқдаги вазият конструктив сиёсий мулоқот доирасида тез фурсатда, тўлақонли ва кенг қамровли тартибга солиниши тарафдори эканлиги таъкидлаган.

Вазир Исроил ва Фаластин раҳбариятини ҳамда барча манфаатдор томонларни икки давлатнинг тинч тотув яшашига имкон яратадиган сиёсий ечимни топишда аниқ қадамларни таъминлашга чорлаган.

1006
Теглар:
Фаластин, Қуддус, Эрдўғон, Исроил, Қозоғистон
Мавзу:
АҚШ ўз элчихонасини Қуддусга кўчиргани туфайли юзага келган норозиликлар (24)

Космосдан ҳужум: Апофис астероиди Ерга қулаши мумкинми?

314
Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради.

ТОШКЕНТ, 5 мар — Sputnik. Бугунги кунда Апофис астероиди 8 йил ичида энг яқин масофага Ерга яқинлашади. Бу олимларга унинг орбита параметрларини аниқлаштиришга, унинг нимадан иборатлигини тушунишга имкон беради. Бундай маълумотлар 2029 ва 2068 йилларда Ер билан тўқнашув эҳтимолини рад этиш ёки тасдиқлаш учун зарур. Апофиснинг сайёрага қулаши ҳалокатли оқибатларга олиб келиши мумкин. РИА Новости хабарига асосан.

2004 йилда Сонора чўлида (Аризона, АҚШ) жойлашган Китт-Пик миллий расадхонаси ходимлари Ерга нисбатан яқин бўлган номаълум астероидни аниқлашди. Ёмон об-ҳаво ва техник муаммолар астероидни яхшилаб кўриб чиқишни қийинлаштирди. Бироқ, бу самовий жисмнинг диаметри тахминан 400 метр эканлигини маълум бўлди.

Бир неча ойдан сўнг, Сайдинг-Спринг расадхонаси (Австралия) мутахассислари астериодни ўрганиб чиқди. Улар америкалик ҳамкасбларининг маълумотларини тасдиқлади ва орбита параметрларини аниқлади.

Декабрда, маълумотларни таҳлил қилгандан сўнг, NASA Ерга яқин объектларни ўрганиш маркази мутахассислари ҳисоблаб чиқдилар: Ер билан тўқнашув эҳтимоли тахминан 2 фоизни ташкил қилади ва табиий офатнинг тахмин қилинган санаси 2029 йил 13 апрел. 2004 MN4 астероиди (кейинчалик қадимги Миср зулмат ва ёвузлик худоси шарафига Апофис деб номланди) - астрономик объектга Турин шкаласи бўйича 4 балла берилган.

Кузатувлар туфайли олимлар деярли ҳар ҳафта потенциал хавфли объектларни аниқлайди. Уларнинг орбиталари сайёра орбитасини кесиб ўтади ва шунинг учун тўқнашув эҳтимоли жуда кичик. Апофис кашф этилганидан бери 20 мингга яқин бундай осмон жисмлари - астероидлар ва кометалар аниқланди. Бироқ, Апофис ҳануз энг жиддий таҳдидлардан бири ҳисобланади.

314
Теглар:
NASA (АҚШ аэронавтика ва космикни ўрганиш миллий идораси), Россия, АҚШ, Астероид, Қуёш, Ой, космос

Европа Иттифоқи “Спутник V” вакцинаси экспертизасини бошлади

404
Европада Россиянинг коронавирусга қарши “Спутник V” вакцинасининг экспертизаси бошланди. Ҳозирча ЕИнинг икки мамлакати EMA маъқуллашини кутиб ўтирмасдан вакцинани рўйхатдан ўтказган.

ТОШКЕНТ, 4 мар — Sputnik. Европа дори воситалари агентлиги (ЕМА) Россиянинг коронавирусга қарши “Спутник V” вакцинасининг рўйхатга олинган ҳужжатларининг экспертизасини бошлади. Бу ҳақда Россия тўғридан-тўғри инвестициялар жамғармаси хабар қилди.

Қарор катталарда ўтказилган лаборатория ва клиник тадқиқотлар натижаларини инобатга олган ҳолда қабул қилинган.

“EMA “Спутник V” вакцинасининг ЕИ томонидан ўрнатилган самарадорлик, хавфсизлик ва сифат бўйича стандартларга мос келишини баҳолайди”, - дейилган хабарда.

“Спутник V” дунёда фойдаланишга рухсат берилган коронавирусга қарши дунё вакциналарининг етакчи учлигига киради. Вакцинани рўйхатдан ўтказган 42 та мамлакатнинг жами аҳолиси 1,1 миллиарддан зиёдни ташкил этади. ЕИнинг икки мамлакати EMA маъқуллашини кутиб ўтирмасдан уни рўйхатдан ўтказди. Венгрия ва Словакия ҳукумати шундай қарор қабул қилди. Февраль охирида Чехия президенти Милош Земан ҳам мамлакатга “Спутник V”ни етказиб беришни сўраганди.

404
Теглар:
Европа дори воситалари агентлиги (ЕМА), вакцина, Спутник V, Россия тўғридан-тўғри инвестициялар жамғармаси, Европа Иттифоқи

Ўзбекистон ҳаётида аёллар ҳиссаси

0
Ўзбекистон ижтимоий ва иқтисодий ҳаётида аёллар ҳиссаси йил сайин ортиб бормоқда. Бошқарув тизимида аёллар ишлаётган корхоналар улуши 26%дан ошган. 
© Sputnik

Бугунги кунда Ўзбекистонда 17 миллиондан ортиқ аёллар яшайди. Сўнгги йилларда аёллар ўртача умр давомийлиги ўсиб, ўртача 77,4 ёшни ташкил қилди. 

Айтиш жоизки, соғлиқни сақлаш ва таълим соҳалари, маошлар нисбатан паст бўлишига қарамасдан, аёлларнинг фидокорона меҳнати туфайли муваффақиятли кун кечирмоқда. Ушбу соҳаларда банд бўлган фуқароларнинг 75%дан ортиғи аёллардир. Хизмат кўрсатиш ва савдо соҳаси ходимларининг ҳам ярмидан кўпи аёллардир.  

Ўзбекистонда сўнгги йилларда яққол кўзга ташланаётган тенденциялардан бири бу - бошқарув соҳаларида аёллар сони ошиб бораётганидир. Статистик маълумотларга кўра, аёллар таъсисчи бўлган хусусий фирмалар улуши 24 %дан ва бошқарув тизимида ишлаётган корхоналар улуши 26%дан ошган. Шунингдек Олий Мажлис палаталарида ҳам аёллар улуши 24 (Сенат) ва 33(Қонунчилик палатаси) фоизни ташкил қилмоқда. 

Батафсил инфографикамизда танишинг.

0