Флаг КНДР

Пенс КХДРга қарши куч ишлатиш билан таҳдид қилди

362
(Янгиланган 11:19 22.05.2018)
Америка Шимолий Кореяга нисбатан ҳеч қачон ҳарбий куч ишлатиш вариантидан воз кечмаган, деб баёнот қилди АҚШ вице-президенти Майк Пенс

ТОШКЕНТ, 22 май — Sputnik. АҚШ ҳеч қачон КХДРга нисбатан ҳарбий вариантни кун тартибидан олиб ташламаган, деб баёнот қилди сешанба куни Fox News телеканали эфирида АҚШ вице-президенти Майк Пенс.

"Ҳарбий вариант ҳеч қачон рад этилмаган", — деди у.

Илгарироқ АҚШ президенти Дональд Трамп мабодоШимолий Корея етакчиси Ким Чен Ин билан 12 июнда Сингапурда ўтказиладиган музокараларда келишувга бора олмаса, КХДРга нисбатан "Ливия сценарийси" қўлланилишини айтган эди.

"Агар сиз Каддафий билан боғлиқ сценарийни кўздан кечирсангиз, бу бузғунчилик бўлган. Биз у ерга у ерда бўлиш учун кириб борганмиз. Агар келишувга бора олмасак, шу сценарийни қўллаймиз. Лекин агар келиша олсак, у ҳолда Ким Чен Ин жуда-жуда мамнун бўлади", — деган эди Трамп.

Эслатиб ўтамиз, илгарироқ Ренхап агентлиги Вашингтон ва Сеулнинг ҳамкорликда ўтказган ҳарбий машғулотлари туфайли КХДР 12 июн санасига Сингапурда белгиланган Трамп ва Ким Чен Иннинг учрашувини бекор қилиш билан таҳдид қилаётгани ҳақида хабар тарқатган эди.

КХДР шунингдек, Жанубий Корея билан вазирлар даражасида ўтказилиши белгиланган музокаралардан ҳам бош тортган эди.

АҚШ президенти Дональд Трамп эса бу орада АҚШ ва КХДР саммитга тайёргарлик кўришда давом этаётгани ҳақида тинмай таъкидлаб келмоқда. Трампга кўра, АҚШ томон олий даражадаги иккиёқлама саммитни бекор қилиш бўйича КХДРдан билдириш олмаган.

Хусусан, Трамп бу ҳақда Ўзбекистон президенти Шавкат Мирзиёев билан учрашуви олдидан журналистларга маълум қилган эди.

362
Мавзу:
Корея яриморолидаги вазият: зиддият, келишув, тинчлик сари йўл (84)
Евро. Иллюстративное фото.

Россияда евро курси кескин кўтарилди

232
Москва биржаси маълумотларига кўра, Россияда евро курси 2016 йилдан бўён биринчи марта 92 рублдан ошди.

ТОШКЕНТ, 28 сен — Sputnik. Москва биржаси маълумотларига кўра, рубл асосий хорижий валюталарга нисбатан пасайишни тезлаштирди.

Хусусан, евро курси 2016 йил январидан бери биринчи марта 92 рублдан ошди. Москва вақти билан соат 16: 01дан бошлаб "эртага" ҳисоб-китоби билан доллар курси 53 копейкага ошиб, 78,74 рублни ташкил қилди.

Шу ўринда, Brent маркали нефтнинг бир баррели 0,92 фоизга ўсиб, 42,8 долларни ташкил этди.

Бундан аввал экспертлар ташқи сиёсий вазият, жумладан янги санкциялар таҳдиди, Алексей Навальний билан боғлиқ вазият, шунингдек, COVID-19 пандемиясининг иккинчи тўлқини рублга қўшимча босим ўтказаётгани ҳақида огоҳлантирган эди.

Мутахассисларнинг фикрига кўра, бу нефт ва газга бўлган талабга зарба бериш хавфи мавжуд ва бу ўз навбатида Россияда валюта тушумини камайтиради.

232
Пресс-секретарь президента РФ Дмитрий Песков

Кремль Тоғли Қорабоғдаги можарога муносабат билдирди

459
Россия президенти матбуот котибининг сўзларига кўра, Тоғли Қорабоғдаги можаро Россия ва бошқа мамлакатларнинг жиддий хавотирланишига сабаб бўлади.

ТОШКЕНТ, 28 сен — Sputnik. Тоғли Қорабоғдаги можаро Россия ва бошқа мамлакатларнинг жиддий хавотирланишига сабаб бўлади.  Бу ҳақда Россия президенти матбуот котиби Дмитрий Песков маълум қилди.

“<...> Ҳозир ким ҳақ, ким айбдор эканини аниқлашда эмас, балки биринчи навбатда айнан ҳарбий ҳаракатларни тўхтатиш жуда муҳим. Россия ҳамиша тенг тарозига солинган позицияни эгаллаб келган. Айнан бу позиция Россияга бу можарони тартибга солиш учун ўзининг таъсиридан ва ва ҳар икки мамлакатлар, ҳам Арманистон, ҳам Озарбайжон билан анъанавий яхши муносабатларидан фойдаланиш имконини беради”, - деди Песков. Унинг сўзларидан РИА Новости иқтибос келтирган.

Тоғли Қорабоғдаги кескинлик

Тоғли Қорабоғдаги туташув чизиғидаги вазият якшанба, 27 сентябрь куни эрталаб кескинлашди. Тан олинмаган республика Озарбайжон ҳарбийлари унинг ҳудудини, жумладан, пойтахт Степанакертани ўққа тутганини маълум қилди. Тинч аҳоли орасида қурбонлар бор.

Боку ва Ереван вазиятни кескинлаштиришда бир-бирини айламоқда. Озарбайжон Мудофаа вазирлиги арман томони ўт очгани, озарбайжон томони эса ҳужумга қарши амалиётни бошлаганини таъкидламоқда. Арманистон Мудофаа вазирлиги Қорабоғ Озарбайжон томонидан ҳаво ва ракета ҳужумига учраганини маълум қилмоқда.

Арманистон ҳукумати Тоғли Қорабоғдаги ҳодисалар туфайли мамлакатда ҳарбий ҳолат ва умумий сафарбарлик жорий этди. Тан олинмаган Тоғли Қорабоғ республикаси раҳбарияти ҳам шундай қарор қабул қилган.

Озарбайжон ҳам Тоғли Қорабоғда вазият кескинлашгани туфайли қатор шаҳарлар ва ҳудудларда ҳарбий ҳолат жорий этишга қарор қилди.

Дунё ҳамжамияти томонларни босиқликка ва музокараларга чорламоқда. Жумладан, Россия ва Ўзбекистон Ташқи ишлар вазирликлари Боку ва Ереванни зудлик билан ўт очишни бас қилишга ва музокаралар ўтказишга чақирди.

459