Полицейское расследование в Японии

Японияда Сёко Асахара ва унинг сафдошлари дорга тортилди

1022
(Янгиланган 09:52 06.07.2018)
Асахара ва Хаякавадан ташқари, ташкилотнинг яна беш раҳбари дорга осилган - Сэйити Эндо, Томомицу Ниими, Масами Цутия, Томомаса Накагава ва Ёсихиро Иноуэ

ТОШКЕНТ, 6 июл — Sputnik, Ксения Нака. Японияда жума куни "Аум Синрике" диний сектасининг собиқ раҳбари Сёко Асахара дорга тортилди, деб хабар берди NHK телекомпанияси.

Шунингдек, ўлим ҳукми сектанинг еттита раҳбарига нисбатан ижро этилган. Сектанинг собиқ "ҳарбий вазири" Киёхидэ Хаякавага нисбатан ҳам ўлим ҳукми ижро қилинган.

Хаякава 1993 йилда Япониядаги зарин ишлаб чиқарувчи завод қурилишида бўлинмаларнинг бирида раҳбарлик қилган.

1990-йиллар бошида Хаякава ташкилотнинг Россиядаги бўлинмасига тез-тез бориб турар, ва айнан у Калашников автомати ва Ми-8 вертолетларини харид қилиш ҳамда Японияга етказиш билан шуғулланган.

Асахара ва Хаякавадан ташқари, ташкилотнинг яна беш раҳбари дорга осилган — Сэйити Эндо, Томомицу Ниими, Масами Цутия, Томомаса Накагава ва Ёсихиро Иноуэ.

Жиноий секта

"Аум Синрикё"* сектаси ("АУМ чин таълимоти"*) Сёко Асахара (Тидзуо Мацумото) томонидан 1987 йилда ташкил қилинган. Аъзолари сони, турли маълумотларга кўра 30 мингдан 50 минггача бўлган, улар орасида 10 мингдан зиёди — Россияда жойлашган.
1994 йилда секта тарафдорлари Нагано префектурасида, Мацумото шаҳрида зарин газини пуркаганлар, етти киши ҳалок бўлган. 1995 йилнинг мартида сектантлар заринни Токио метросида пуркаши оқибатида, 13 киши ҳалок бўлган, 6,3 минг нафари заҳарланган.

Суд ва ҳукм

Ташкилотнинг жами 30 раҳбари ҳибсга олинган, шулардан 13 нафари, шу жумладан Сёко Асахара ҳам ўлимга маҳкум этилган. Ҳукм шу кунга қадар ижро этилмаган эди.

Бунинг сабаби шундаки, уч етакчи яширинишга муваффақ бўлган ва полиция уларни топишдан, прокуратура эса — айблов қўйишдан умидини узмаган эди. Орадан 17 йил ўтгач, улар ҳибсга олинди, 2015 йилда эса секта раҳбариятига нисбатан сўнгги ҳукм эълон қилинган эди.

Ўтган йилнинг баҳорида ҳукм этилганлар турли қамоқларга бўлиб ташланган эди. Бу эса ҳукмнинг ижро этилишини англатарди. Сёко Асахара Токиода қолдирилади ва ўша ерда дорга тортилади. Охирги йилларда у деменциядан азият чеккан, шу боис ундан аниқ кўрсатмалар олишга муваффақ бўлинмади, маҳбус оиласи ва адвокатлари билан учрашувдан воз кечар эди.

1022
Люди в защитных костюмах проводят церемонию погребения человека умершего от COVID-19

ЖССТ Европада COVID-19 билан боғлиқ вазият ёмонлашиши сабабини айтди

75
(Янгиланган 17:25 20.09.2020)
Европанинг қатор мамлакатларида чеклов чоралари юмшатилгани ва чегаралар қисман очилгандан сўнг COVID-19 билан касалланиш ва ундан ўлим ҳолати ўсиши кузатилмоқда.

ТОШКЕНТ, 20 сен — Sputnik. Европада эпидемиологик вазиятнинг ёмонлашиши коронавирусга қарши ҳимоя чораларига риоя қилмаслик билан боғлиқ. Бу ҳақда РИА Новостига Жаҳон соғлиқни сақлаш ташкилотининг (ЖССТ) Белграддаги офиси маълум қилди.

Албания, Босния ва Герцеговина, Словения, Шимолий Македония, Хорватия, Черногория ва ўзини ўзи мустақил деб эълон қилган Косово республикасида июль ва август ойида касаллик камайганидан, чеклов чоралари юмшатилгани ва чегаралар қисман очилгандан сўнг COVID-19 билан касалланиш ва ундан ўлим ҳолати ўсиши кузатилмоқда.

“Эпидемиологик вазиятнинг ёмонлашиши сабаблари фуқаролар томонидан чораларга, айниқса, дам олишда, стадионларда, тунги клубларда, диний ташкилотларда ва байрамларда ва бошқа оммавий йиғилишда риоя қилинмасликдадир. Инфекциянинг олдини олиш ва унинг устидан назорат айрим давлатлар учун жиддий чақириқ бўлди”,  - дейилган хабарда.

Шунингдек, ташкилот барча мамлакатлар бу вазиятга тегишли чоралар билан ҳамда мувофиқлашган ва қатъий равишда муносабат билдириши зарурлигини таъкидлаган.

Сўнгги маълумотларга кўра, дунё бўйлаб коронавирус юқтириб олганлар сони 31 миллиондан ошиб кетган. Қурбонлар сони 963 мингдан зиёд кишини ташкил этмоқда.

75
Теглар:
Европа, коронавирус, ЖССТ
Мавзу:
COVID-19 умумжаҳон пандемияси
Бомбардировщик-ракетоносец Ту-160 Владимир Судец Военно-космических сил России

Россия Ту-160 самолётлари янги жаҳон рекордини ўрнатди

288
Ту-160 бомбардимончи самолётлари парвози йўналиши Шимолий Муз океани, Тинч океани, Карск денгизи, Лаптевлар, Шарий-Сибирь, Чукотка, Баренцево денгизларининг нейтрал ҳудудлари бўйлаб ўтган.

ТОШКЕНТ, 20 сен — Sputnik. Россиянинг Ту-160 стратегик бомбардимончи самолётлари 19 сентябрь куни янги жаҳон рекордини ўрнатди. Бу ҳақда РИА Новости хабар қилди.

“Бугун узоқ парвозлар икки экипажи Ту-160 стратегик ракета ташувчиларида узоққа парвоз қилиш ва парвоз давомийлиги бўйича янги рекорд ўрнатишди. Россия ҲКК учувчилари 25 соатдан кўпроқ вақт ҳавода бўлиб, 20 минг километрдан ортиқ масофани учиб ўтишди”, - Россия Ҳаво-космик кучлари узоқ парвозлар қўмондони, генерал-лейтенант Сергей Кобилаш.  

Кобилаш ушбу тоифа самолётларда ҳали ҳеч ким бундан узоққа учмаганлигини қўшимча қилди.

2010 йилдаги аввалги рекордни ҳам Ту-160 ўрнатган. Ўшанда парвоз 24 соату 24 дақиқа давом этган.

Ту-160 бомбардимончи самолётлари парвози  йўналиши Шимолий Муз океани, Тинч океани, Карск денгизи, Лаптевлар, Шарий-Сибирь, Чукотка, Баренцево денгизларининг нейтрал ҳудудлари бўйлаб ўтган.

Америка журнали Россиянинг энг хавфли жанговар самолётини айтди

Парвоз ва қўниш Саратов вилоятидаги Энгельс аэродромида содир бўлди. Тўхтовсиз парвоз пайтида Ту-160 самолёти олти ва Ил-78 самолёти уч маротаба ҳавода ёнилғи қуйишни амалга оширди. Маршрутнинг айрим босқичларида ракета ташувчиларга Су-35 қирувчилари, шунингдек, хорижий давлатларнинг самолётлари ҳамроҳлик қилди. Россия бомбардимончиларининг парвози ҳаво ҳудудидан фойдаланиш бўйича халқаро қоидаларга қатъий риоя қилинган ҳолда амалга оширилган.

288

ХТВ телевизион дарсдаги хатолик учун узр сўради

15
16 сентябрь куни эфирга узатилган инглиз тили фани видеодарсида Нью-Йорк АҚШнинг пойтахти деб айтилган эди. Аслида Вашингтон АҚШнинг пойтахти ҳисобланади.

ТОШКЕНТ, 20 сен — Sputnik. Халқ таълими вазирлиги мактаб ўқувчилари учун телевизион дарсда қўйилган хатолик учун узр сўради ва чет тили ўқитувчиларининг таркиби қайта кўриб чиқилганини маълум қилди.

Жорий йилнинг 14 сентябрь кунидан бошлаб мактаб ўқувчилари учун телевизион дарслар узатила бошланди.

Таъкидланишича, “Онлайн-мактаб” лойиҳаси доирасида ҳар куни 100 дан ортиқ (30-35 соат) дарслар тасвирга олинмоқда. Мазкур дарсларда имкон қадар хатолик ўтмаслигига ҳаракат қилинмоқда.

“Бироқ, 16 сентябрь куни эфирга узатилган чет тили фани видеодарсида айрим хатоликларга йўл қўйилди. Энг аввало, мазкур ҳолат учун барчадан узр сўрамоқчимиз. Халқ таълими вазирлиги томонидан дарсларда йўл қўйилган хато ва камчиликларни бартараф этиш мақсадида чет тили ўқитувчиларининг таркиби қайта кўриб чиқилди, дарс муҳаррири алмаштирилди ҳамда дарсларда тажрибали ўқитувчилар жамоасини янада кенгайтириш мақсадида маҳоратли педагоглар учун танлов эълон қилинди”, - дейилган хабарда.

Вазирлик кенг жамоатчилик ва ижтимоий тармоқ фаолларидан “Онлайн-мактаб” лойиҳасида иштирок этаётган ўқитувчиларни камситмасликни сўраб қолган.

“Ҳар биримиз хатоликка йўл қўйишимиз мумкин, иш бор жойда хатоликлар ҳам учраб туради. Лекин, бу хатоликларни олдини олиш ва келгусида йўл қўймаслик чоралари кўрилмоқда”, - дея қўшимча қилган вазирлик.

ХТВ бу вазият барчани ўз вазифаларини бажаришда эътиборлироқ бўлишга ва ишга профессионал ёндашишга ундашига умид билдирган.

Вазирлик ҳозирги шароитда ўз соғлиғини хавф остига қўйиб ҳам анъанавий ҳам масофавий шаклда фаолият олиб бораётган ҳамда видеодарсларни тасвирга олиш жараёнларига жалб қилинган ўқитувчиларга миннатдорчилик билдирган.

15