ТОШКЕНТ, 18 окт – Sputnik. Америкалик ҳарбийларнинг салкам ярми яқинда йирик масштабли уруш бошланишига ишонч билдирмоқда. Бу ҳақида Military Times нашри томонидан ўтказилган сўров далолат бермоқда, деб ёзади РИА Новости.
Ўтказилган сўров натижаларига кўра, америкалик ҳарбийларнинг 46% келгуси йил давомида АҚШ йирик урушда иштирок этишига ишонч билдирган. Ўтган йилда айнан шундай сўровда фақат 5% ҳарбийлар уруш бошланишига ишонч билдирган эди.
Шунингдек, жамоатчилик орасида ўтказилган сўровга кўра, Америка хавфсизлигига энг катта таҳдид солаётган мамлакатлар орасида биринчи ўринда Россия (71 %), иккинчи ўринда Хитой (69%) деб айтилган. Ўтган йил айнан ушбу сўровда Россия хавф даражаси 53 %, Хитой - 45 % дейилган эди.
Ундан ташқари, ушбу сўровда америка хавфсизлигига энг катта таҳдид солаётган хавф - кибержиноятчилик (89%) деб аниқланган. Америкаликлар фикрига кўра, уларнинг мамлакати ушбу хавфдан салбий ҳимояланган.
