Глава МИД Турции Мевлют Чавушоглу на встрече с главой внешнеполитического ведомства РФ Сергеем Лавровым в Москве

Чавушоглу журналист Хашогги мусиқа садолари остида бурдаланган, деган фикрда

977
"Туркияга келган одамлар ўз билганича ҳаракат қилишган, деб ўйламайман. Уларнинг бунга журъати етмасди. Аммо далилсиз бирон нарса дея олмайман", - деб қўшимча қилди вазир

ТОШКЕНТ, 27 ноя — Sputnik. Туркия ТИВ раҳбари Мевлют Чавушоглу журналист Жамол Хашоггининг танасини мусиқа садолари остида бурдалашган, деб ҳисоблайди. РИА Новости хабарига асосан.

"Мен уларнинг (аудиоёзувларини — таҳр.) эшитдим. Уни етти дақиқада ўлдиришди. Бу олдиндан режалаштирилган қотиллик эди… Суд тиббий эксперти қай тарзда бошқаларга йўриқнома бераётганини эшитиш мумкин: улар журналист танасини бурдалаётган вақтларида мусиқа тинглашлари керак. Бундан у гўё роҳатланганини сезиш мумкин", - деди Чавушоглу Suddeutsche Zeitung нашрига берган интервьюсида.

"Туркияга келган одамлар ўз билганича ҳаракат қилишган, деб ўйламайман. Уларнинг бунга журъати етмасди. Аммо далилсиз бирон нарса дея олмайман", - деб қўшимча қилди вазир.

Американинг Washington Post нашрида фаолият юритган Жамол Хашогги 2017 йилдан АҚШда истиқомат қилган, 2 октябр куни Туркияда Саудия Арабистони элчихонаси бош консуллиги биносига кирганидан сўнг ғойиб бўлган. Саудия Арабистони маҳаллий ОАВлари 20 октябрга ўтар кечаси мамлакат бош прокуратурасининг хабарини тарқатишди, хабарга кўра, дастлабки маълумотларга кўра Хашоггининг ўлгани, унинг ўлимига эса консуллик вакиллари билан жанжал сабаб бўлгани айтилган эди.

Туркия томони Саудия Арабистонидан жиноятда айбдорларни Анқарага топширишни, шунингдек, Хашогги танаси кўмилган жой ҳақида маълумотни ошкор этишни талаб қилмоқда.

977
Мавзу:
Саудиялик журналист Жамол Хашоггининг ўлдирилиши (10)

Сиртқи кредит? Тихановская Европа иттифоқидан ёрдам пакети хусусида келишувга эришди

15
(Янгиланган 14:14 22.09.2020)
Тихановская душанба куни Брюсселда бўлиб, ЕИ мамлакатлари ташқи ишлар вазирлари, шу жумладан Европарламент аъзолари билан учрашувлар ўтказган эди.

ТОШКЕНТ, 22 сен – Sputnik. Беларус президенти лавозимига собиқ номзод Светлана Тихановская Брюсселда республикада юз берадиган "демократик ўзгаришлардан сўнг" Евроиттифоқ томонидан ёрдам пакети хусусида келишувга эришди, деб хабар қилди сешанба куни Тихановская матбуот-хизмати.

Тихановская душанба куни Брюсселда бўлиб, ЕИ мамлакатлари ташқи ишлар вазирлари, шу жумладан Европарламент аъзолари билан учрашувлар ўтказган эди.

"Светлана Тихановская Брюсселга ташрифини якунлади, у ерда Евроиттифоқ ТИВ раҳбарлари, шунингдек, ЕИ дипломатияси раҳбари Жозеп Боррел, Европарламент президенти Давид Сассоли билан учрашди, евродепутатлар олдида чиқиш қилди... Шунингдек, Светлана Тихановская Беларусга демократик ўзгаришлардан кейин ёрдам пакети кўрсатилиши хусусида келишувга эришди", - дейилади Тихановская матбуот-хизмати Telegram-каналида.

Ўтган ҳафтада Беларус мувофиқлаштириш кенгаши президиуми аъзоси Павел Латушко муҳолифат Евроиттифоқдан республикада ҳукумат ўзгариши ва у демократизация йўлига турганида 4 миллиард доллар олишга умид қилаётгани ҳақида маълум қилган эди.

Сал аввал республикада бўлиб ўтган президент сайловлари якунларидан норози бўлган Беларус муҳолифат вакиллари ҳукумат транзити бўйича мувофиқлаштириш кенгашини тузган эдилар. Улар Тихановскаяни сайланган етакчи сифатида тан олишмоқда ва мамлакатда янги сайловлар ўтказилишини талаб қилишмоқда. Беларус Бош прокуратураси МК ташкил этилиши муносабати билан ҳукуматни босиб олишга даъват моддаси бўйича жиноий иш қўзғади. Айни вақтга келиб МК президиумининг етти аъзосидан беш нафари ҳибсга олинган ёки чет элда бўлиб турибди. Муфовиқлаштириш кенгаши ташаббускори бўлган Тихановская, сайловлардан сўнг хавфсизлик мақсадида Литвага чиқиб кетган.

Беларусда оммавий норозилик акциялари 9 августдан кейин, бўлиб ўтган президент сайловларида амалдаги етакчи Александр Лукашенко ғолиб чиққанидан сўнг бошланган эди. МСК маълумотларига кўра Лукашенко 80,1 % овоз олган. Биринчи кунларда акциялар куч тузилмалари томонидан бостирилди, норозичиларга нисбатан кўз ёш келтирувчи газ, шовқин гранаталари, водометлар, резинали ўқлар қўлланилди. Расмий маълумотларга кўра, биринчи кунларда 6,7 минг киши қўлга олинган. Республика ИИВ маълумотларига кўра, тартибсизликлар давомида юзлаб инсонлар жабрланган, шу жумладан, 130 нафар ҳуқуқ-тартибот ходимлари ҳам. Сайловлар якунлангач бир ой давмида акциялар ҳам иш ҳам дам олиш кунлари ўтказилди. Лукашенконинг тарафдорлари ҳам уни қўллаб-қувватлаб тадбирлар ўтказиб келмоқдалар.

15
Изображение нового коронавируса атипичной пневмонии SARS-CoV-2. Также известный как 2019-nCoV

Коронавирусга иммунитет ҳосил қилувчи касаллик айтилди

175
Олимнинг сўзларига кўра, агар унинг тахмини тасдиқланса, инсонлар денге безгагига қарши эмланиб, коронавирусга муайян иммунитет олишлари мумкин.

ТОШКЕНТ, 22 сен — Sputnik. Денге безгаги касаллигини бошдан кечирганларда COVID-19 га иммунитет ҳосил бўлиши мумкин. Бу ҳақда “Reuters” агентлиги Дьюк Университети профессори Мигель Николелиснинг ҳали эълон қилинмаган тадқиқотига таянган ҳолда хабар қилмоқда.

Америкалик олим сўнгги йилларда денге безгаги авж олиши қайд этилган жойларда коронавирус секинлик билан тарқалишини аниқлаган.

Таъкидланишича, бу кашфиёт денге флавивируси ва SARS-CoV-2 серотиплари ўртасидаги иммунологик ўзаро реактив имкониятини билдириши мумкин.

Николелиснинг сўзларига кўра, агар унинг тахмини тасдиқланса, инсонлар денге безгагига қарши эмланиб, коронавирусга муайян иммунитетга эга бўлишлари мумкин.

175