Ёқутистонлик аёлни зўрлашда айбланаётган шахс ҳибсга олинди

© Sputnik / Константин РодиковЗадержанный на заседании суда
Задержанный на заседании суда - Sputnik Ўзбекистон
Oбуна бўлиш
Кеча Марказий Осиё республикаларидан биридан бўлган фуқаро ўз танишлари ёрдамида ёқутистонлик аёлни ўғирлаб кетиб зўрлагандан сўнг Якутск шаҳри марказий майдонида 200 га яқин маҳаллий аҳоли норозилик намойишига чиққан.

ТОШКЕНТ, 19 мар – Sputnik. Ёқутистонлик аёлни зўрлашда айбланаётган шахс ҳибсга олинди. Бу ҳақда РИА Новости хабар қилмоқда.

Хабарда қайд этилишича, яна иккита гумон қилинувчи шахс ҳам қўлга олинган.

Сильные морозы в Якутии - Sputnik Ўзбекистон
Якутскда маҳаллий аҳоли мигрантларга қарши намойишга чиқди

Россия Тергов қўмитасининг тергов бошқармасининг хабар қилишича, ёқутистонлик аёл 17 март куни кечаси жиноятчиларнинг қурбонига айланган. У ишдан уйга қайтаётган пайтда Toyota Corolla русумли машина ҳайдовчиси уни мажбуран машинага ўтқазиб, гаражлар жойлашган томонга олиб кетади. У ерда автомобиль салонида аёлни зўрлайди. Шундан сўнг у аёлни автомобиль тузатиш устахонасига олиб бориб, уни иккита дўстининг ихтиёрида қолдиради. Кейинчалик аёл ариза билан Тергов қўмитасига мурожаат қилади.

Эслатиб ўтамиз, аввалроқ Марказий Осиё республикаларидан биридан бўлган фуқаро ўз танишлари ёрдамида ёқутистонлик аёлни ўғирлаб кетиб ва зўрлагандан сўнг Якутск шаҳри марказий майдонида 200 га яқин маҳаллий аҳоли норозилик намойишига чиққани ва митинг иштирокчилари ҳукуматдан мигрантларга қарши қонунчиликни кескинлаштиришни ва айбдорларни жазолашни талаб қилишгани ҳақида хабар қилган эдик.

Янгиликлар лентаси
0