Черника

Инсон хотирасини яхшилайдиган 7 та маҳсулот рўйхати АҚШ олимлари тадқиқоти

3071
Америкалик тўғри овқатланиш олимлари инсон мияси ва хотирасини яхшилайдиган еттита маҳсулот номини маълум қилишди.

ТОШКЕНТ, 5 апр – Sputnik. Америкалик диетологлар инсон хотирасини яхшиловчи маҳсулотларни аниқлашди. Daily Sabah нашри хабарига асосан.

Инсон миясини тўлақонли ишлашини ва хотирасини яхшилаш мақсадида куркума истеъмол қилиш керак. Олимлар фикрига кўра, куркумин ва турмерон туфайли хушбўй таъм инсон хотирасига фойдали таъсир қилади. Бу таркиби антиоксидантларга бой бўлиб, инсон миясида хавфли жараёнларни тўхтатади.

Хотира янада мустаҳкамлаш учун ёнғоқ истеъмол қилиш керак. Тадқиқотчилар фикрига кўра, доимий равишда ер ёнғоғи, фундук, бодом, кешью, пекана, кунжут, Бразилия ёки грек ёнғоғини исътемол қилинса, кўпроқ маълумотларни эслаб қолиш мумкин.

Диетологлар ёнғоқлар хотирани мустаҳкамлайди ва мия фаолиятини яхшилайди. Ушбу маҳсулот оптимал мия ишлаш функциясини сақлаб қолишга ёрдам беради. Бундан ташқари, ёнғоқ инсон асаби ва кайфиятига ижобий таъсир қилади.

Кўкатлар доим ҳар бир инсон рационида бўлиши керак. Петрушка, укроп, шпинат, брокколи А ва К витаминларига жуда бой. Улар инсон мия соғлиғи калити ҳисобланади. Бундан ташқари, кўкатлар мияни  стресс ва ортиқча кучланишдан ҳимоя қилади.

Қатор тадқиқотлар натижасида америкалик мутахассислар черника меваси нафақат кўриш қобилиятни яхшилайди, балки хотира ва эътиборни яхшилайди. Шунингдек, черника яллиғланиш қарши ва антиоксидант моддаларга жуда бой.  

Какао ҳам инсон мия фаолиятни яхшилашга ёрдам беради. Олимларнинг фикрига кўра, дуккакли маҳсулотлар мунтазам истеъмол қилиш натижасида - тонусни оширади, иммун ва асаб тизимларини қўллаб-қувватлайди, қон босимини пасайтиради ва вируслардан ҳимоя қилади. Какаонинг ёшартириш хусусиятлари ҳам мавжуд.

Балиқ - Омега-3 моддасининг энг яхши манбаа ҳисобланади. Бу маҳсулот ҳам хотира ва мияни мустаҳкамлайди. Омега-3 кислоталари нерв ҳужайралари томонидан юборилган сигналларни кучайтиради ва миянинг тезроқ ишлашига ёрдам беради.

Тўғри овқатлашиш мутахассислари сўзларига кўра, талаб қилинадиган Омега-3 миқдорини олиш учун ҳафтасига камида 2-3 марта балиқ истеъмол қилиш керак. Витамин ва фойдали элементларини сақлаб қолиш учун маҳсулотни қовуриш керак эмас.

Хотирани мустаҳкамлайдиган яна бир маҳсулот бу тухум сариғи. Унинг таркибида D ва В витаминлари, фолий кислотаси ва холин моддаларига жуда кўп.

3071

Ҳиндистонда маймун COVID-19 беморларининг қон намуналарини ўғирлаб кетди

24
Ҳиндистоннинг Уттар-Прадеш штатида маймун тўдаси COVID-19’га гумон қилинган беморларнинг қон намуналарини олиб кетаётган лаборантга ҳужум қилди.

ТОШКЕНТ, 28 май — Sputnik. Ҳиндистоннинг Уттар-Прадеш штатида бир нечта маймун COVID-19’га гумон қилинган беморларнинг қон намуналарини олиб кетаётган лаборантга ҳужум қилди.

Маймунлар уч дона тест намуналарини олиб, қочиб кетишди. Бу ҳақда India Today газетаси хабар қилди.

Ҳодиса жума куни Меерута тиббиёт коллежида юз берди.

Шифокорлар, агар намуналарда коронавирус бўлса, у маймунларга юқиши мумкин, деб қўрқишмоқда. Шифокорлар, илгари маймунлар ушбу марказдан турли нарсаларни ўғирлашганини таъкидлашди.

Ҳиндистон оммавий ахборот воситаларида пайдо бўлган видеода маймунлардан бири ўғирланган намуна тўпламини чайнаётгани акс этган.

Штат полицияси маймунларнинг COVID-19 бемор қон намуналарини ўғирлаганлигини ва ўрмон бўлимига хабар бергандан кейин ҳам маймунлар қўлга олинмаганлигини тасдиқлади.

Ҳукумат ҳодиса юзасидан текширув бошлади.

24
Мавзу:
COVID-19 умумжаҳон пандемияси
Падение метеорита

Туркияда метеорит парвози тасвирга олинди

95
(Янгиланган 17:05 29.05.2020)
Туркия осмонида сирли тарзда милтиллаб кўринган объект парвози қайд этилди. Антиқа ҳодиса бир неча ҳудудларда кўринди.

ТОШКЕНТ, 28 май — Sputnik. Туркия осмонида сирли тарзда милтиллаб кўринган объект парвози қайд этилди. Номаълум жисм кучли портлаш билан парвозни якунлади. Бу ҳақда Daily Sabah хабар қилди.

Пайшанба куни кечаси маҳаллий аҳоли бу антиқа табиий ҳодисанинг гувоҳи бўлди. Бирданига бир нечта ҳудудда - Артвин, Эрзурум, Сивас, Тунжели, Трабзон, Эрзинжан ва Ардаҳанда ёруғлик ва кучли портлаш қайд этилди.

Олимларнинг фикрига кўра, эҳтимол бу навбатдаги метеорит бўлган.

Фавқулодда вазиятларни бошқариш агентлиги ходимлари атмосферада "ёруғлик чақнаши" ҳақидаги хабардан кейин текширув бошладилар.

95
Флаг Узбекистана

Ўзбекистон ташаббуси билан "Тикланиш йўли" халқаро онлайн туризм конференцияси ўтказилади

22
Тадбирда Марказий Осиё мамлакатлари, шунингдек Озарбайжон, Арманистон, Грузия, Россия, Белорусия ва Молдова давлатларининг туризм администрациялари раҳбарлари иштирок этиши кутилмоқда.

ТОШКЕНТ, 29 май - Sputnik. 2020 йил 1 июнь куни Ўзбекистон ташаббуси билан Бутунжахон туризм ташкилоти (БТТ) бошчилигида коронавирус пандемияси таъсири натижасида туризм соҳасига етказилган зарарларни бартараф этиш ва бирдам ҳаракатланиш режаларини муҳокама этиш мақсадида "Тикланиш йўли" халқаро онлайн туризм конференцияси ўтказилади.

Бу тўғрисида аввалроқ Ўзбекистон Бош вазирининг ўринбосари Азиз Абдухакимов ва БТТ Бош котиби Зураб Пололикашвили ўртасида бўлиб ўтган телефон мулоқоти давомида келишиб олинган эди.

Тадбирда Марказий Осиё мамлакатлари, шунингдек Озарбайжон, Арманистон, Грузия, Россия, Белорусия ва Молдова давлатларининг туризм администрациялари раҳбарлари иштирок этиши кутилмоқда.

Мазкур конференция иштирокчилари COVID-19 пандемиясининг туризм соҳасига бўлган салбий оқибатларини юмшатиш бўйича самарали чора-тадбир ишлаб чиқиш юзасидан ўзаро фикр ва тажриба алмашадилар.

Шу билан бирга, мазкур давлатлар ҳукуматлари томонидан сайёҳлик ва туризм саноатининг жадал қайта тикланиши ва ривожланишини рағбатлантиришга қаратилган саъй-ҳаракатларини бирлаштириш йўллари, пандемиядан кейинги даврда туристлар учун қулай ва ҳавфсиз шароитларни таъминлаш, шунингдек, туристлар оқимини ёшартириш ва кўпайтириш ишларини тизимли ташкил этиш  масалалари муҳокама қилинади.

22