Назарбоевнинг қизи Қозоғистон президенти сайловига ўз номзодини қўядими?

292
Дарига Назарбоеванинг ёрдамчиси собиқ президентнинг қизи давлат раҳбари лавозими учун ўз номзодини илгари сурадими, деган саволга жавоб берди.

ТОШКЕНТ, 9 апр – Sputnik. Қозоғистон Парламенти Сенатининг спикери, мамлакат биринчи президенти Нурсултон Назарбоевнинг катта қизи Дарига Назарбоева 2019 йил 9 июнь куни бўлиб ўтадиган навбатдан ташқари президент сайловларида ўз номзодини қўймоқчи эмас. Бу ҳақда РИА Новости kursiv.kz порталига таяниб хабар қилмоқда.

“Йўқ, Дарига Нурсултановна ўз номзоди қўймоқчи эмас”, - дея маълум қилган Назарбоеванинг ёрдамчиси Сауле Мустафаева.

Эслатиб ўтамиз, аввалроқ Қозоғистон президенти Касим-Жомарт Токаев қозоғистонликларга мурожаат қилиб, шу йилнинг 9 июнь куни навбатдан ташқари президент сайлови бўлиб ўтиши тўғрисида қарор қабул қилгани ҳақида хабар қилган эдик.

292