Президент Кыргызстана Алмазбек Атамбаев

Қирғизистонда халқ Атамбаев уйида тўпланмоқда

1741
(Янгиланган 18:58 22.06.2019)
Қўй-Тошда тўпланаётганларнинг аксарияти мамлакат Жўқорғу Кенеши фаолиятидан норозилигини билдирмоқда

ТОШКЕНТ, 22 июн — Sputnik. Бугун, 22 июнь куни Қўй-Тош қишлоғида Қирғизистоннинг собиқ президенти Алмазбек Атамбаевнинг тарафдорлари йиғилиши бўлиб ўтмоқда, деб хабар берди Sputnik Қирғизистон.

Тадбир Атамбаевнинг дала ҳовлисида ўтказилмоқда.

Хабарда айтилишича, дача ҳовлисидаги катта ўтовда Чуй вилоятининг турли қишлоқларидан келган 200га яқин киши тўпланган. Оқсоқоллар ва собиқ президентнинг яқин дўстлари мамлакатдаги сиёсий вазиятни муҳокама қилишга йиғилганлар.

Тўпланганлар навбатма-навбат микрофон қаршисига чиқиб, Атамбаевни қшллаб-қувватлашларини билдирмоқда. Йиғилганлар Жоқорғу Кенеш депутатлари фаолиятидан норози, дейилган хабарда.

Қирғизистон парламенти 13 июн куни махсус комиссияни ташкил этган ва у олиб борган иш якунида Атамбаев олтита жиноятга алоқадор бўлиши мумкинлиги баёнот қилинган. Мамлакат парламенти 20 июнь куни махсус комиссия хулосасини маъқуллаган ва ҳужжатни Бош прокуратурага йўллаган. Бош прокуратура етти кун давомида жиноий иш қўзғатилиши учун асос бор-йўқлигини аниқлаштириши керак. Агар прокуратура бор, деган хулосани берса, парламент Атамбаевдан дахлсизликни олиб ташлаш масаласини кўриб чиқади.

Маълум бўлишича, ушбу йиғилиш Алмазбек Атамбаев тарафдорлари ташаббуси билан ўтказилмоқда. Дала ҳовли ёнида милиционерлар йўқ бўлсада, Қўй-Тош қишлоғида кўплаб патрул машиналари ҳаракати кузатилмоқда, Атамбаев куч ишлатиш органлари ходимлари кузатувида эканлиги эҳтимолдан ҳоли эмас, деб ёзган нашр.

1741
Города мира. Бишкек

Бишкекдаги боғлардан бири пандемия вақтида жасорат кўрсатган ҳамшира номини оладиган бўлди

30
Давлат раҳбари пойтахт жанубидаги янги боғга ташриф буюриб, унга COVID-19 билан касалланганларни даволашда ёрдам берган кўнгилли-ҳамшира номини беришни таклиф қилди.

ТОШКЕНТ, 11 авг - Sputnik. Қирғизистон президенти Сооронбай Жээнбеков Бишкек шаҳри жанубидаги боғга коронавирус эпидемиясига қарши курашишда катта ҳисса қўшган барча шифокорлар ва кўнгиллилар хотираси шарафига Адинай Мирзабекова номини беришни таклиф қилди.

Давлат раҳбари матбуот хизмати у барпо этилган боғга ташриф буюриб, ҳар бир даврнинг ўз қаҳрамонлари бўлишини таъкидлади. Жээнбековнинг сўзларига кўра, бугунги кун қаҳрамонлар - бу шифокорлардир.

"Замондошлар ўз қаҳрамонлари хотирасини абадийлаштиришга ҳаракат қиладилар. Шунингдек, биз ҳам Адинайнинг хотираси кўп йиллар давомида сақланиб қолишини хоҳлаймиз. Ушбу боғга келган ҳар бир киши бу қизга ва бизнинг қаҳрамон шифокорларимизга ҳурмат бажо келтириши керак. Шифокор бўлишни орзу қилган Адинай касаллик билан курашда кўнгилли бўлиб олд планда ҳаётини қурбон қилди. Мен бундай қизни тарбиялаган ота-онаси олдида бош эгаман", - президент сўзларидан матбуот хизмати иқтибос келтирган.

Янги боғнинг майдони саккиз гектардан ошади. Бу ерда спорт майдончалари, велосипед йўлаклари, 300 ўринли амфитеатр ва тез ёрдам пункти мавжуд. Барча ишлар якунига етди, яқин кунларда боғ фойдаланишга топширилади, деб хабар беради давлат раҳбарининг матбуот хизмати.

21-ёшли Адинай Мирзабекова пойтахтдаги вақтинчалик касалхоналарнинг бирида кўнгилли ҳамшира бўлиб ишлаган. У 13 июл куни вафот этди. Ўлим сабаблари тўлалигича ўрганилмади, аммо Соғлиқни сақлаш вазирлиги дастлабки сабаб сифатида икки томонлама пневмонияни маълум қилди. Президент қизни вафотидан кейин "Эрдик" медали билан тақдирлади.

30
Здание Генеральной прокуратуры РТ. Архивное фото

Тожикистон транспорт вазири ўз жонига қасд қилишга уринди

75
(Янгиланган 17:04 11.08.2020)
Ҳозир Худоёр Худоёрзоданинг ҳолати барқарор, унинг ҳаётига ҳеч нарса хавф солмаяпти. Жиноий иш қўзғатилди.

ТОШКЕНТ, 11 авг - Sputnik. Тожикистон транспорт вазири Худоёр Худоёрзода ўз квартирасида жонига қасд қилишга уринган, деб хабар беради республика бош прокуратураси.

Матбуот хизматининг хабар беришича, ҳодиса 11 август куни эрталаб соат 5ларда рўй берди. Бунга сабаб оилавий жанжал бўлди. Вазирга биринчи ёрдамни уйда бўлган қариндошлари кўрсатди. Худоёрзода билан бирга рафиқаси А. Каландарова, ўғли, қизи ва келини яшаб келади.

Пойтахтнинг "Истиқлол" касалхонасида амалдорда жарроҳлик амалиёти ўтказилди, унинг ҳаётига хеч нарса хавф солмаяпти.

Ушбу ҳолат бўйича жиноят иши қўзғатилди, тергов ҳаракатлари олиб борилмоқда.

75
Граждане Узбекистана идут на посадку в терминале аэропорта Внуково

Терроризмда гумон қилинган 820 нафардан зиёд мигрант Россияга киритилмади

0
Миллий терроризмга қарши курашиш қўмитаси вакиллари йиғилиш ўтказиб, унда террорчиларнинг Россияга меҳнат мигрантлари сифатида кириб келишига қарши кураш чораларини муҳокама қилишди.

ТОШКЕНТ, 11 авг - Sputnik. Москвада Россия ФХХ директори А.В. Бортников бошчилигида Миллий терроризмга қарши курашиш қўмитаси йиғилиши бўлиб ўтди. Унда террорчиларнинг Россияга кириб келишига тўсқинлик қилиш масалалари муҳокама қилинди.

2019 йил бошидан бери террорчилик ва экстремистик фаолиятда гумон қилинган 820 дан ортиқ шахснинг Россияга кириб келишига йўл қўйилмаган.

Шунингдек, Бортников халқаро террорчилик ташкилотларнинг миграция оқимидан фойдаланишига йўл қўйилмаслик кераклигини таъкидлади.

Йиғилиш давомида томонлар радикал ҳаракат тарқалишининг олдини олиш учун миграция муҳитида профилактика тадбирларини кучайтириш чораларини муҳокама қилдилар.

Шунингдек, чет эл фуқаролари ўртасида терроризмнинг олдини олиш бўйича хизматлар ва идораларнинг самарадорлигини ошириш зарурлиги таъкидланди.

0