Ремонтные работы на станциях Филевской линии московского метрополитена

Қозоғистонда минглаб ишчилар хорижий бошлиқларни дўппослади

1181
(Янгиланган 08:40 30.06.2019)
Қозоғистон чўлидаги конлардан бирида маҳаллий ишчилар хорижий компания вакилларини дўппослашди.

ТОШКЕНТ, 30 июн – Sputnik. Қозоғистоннинг Атирау вилояти чўлида жойлашган Тенгиз посёлкасида 3GI корхонасининг минглаб ишчилар корхонанинг хорижий фуқаролардан иборат раҳбариятига қарши намойишга чиқди, Sputnik Қозоғистон хабарига асосан.

Мингдан ортиқ агрессив кайфиятдаги ишчилар корхонага тегишли бўлган автобуслар ойналарини синдириб, хорижий фуқароларни дўппослашди. Хабарда айтилишига кўра, хорижий пудратчи CCEP компаниясининг бир неча ишчиси жароҳат олган. Жароҳат олганларнинг умумий сони 30 кишига етган.

Ушбу тартибсизликларга логистика бўлими бошлиғи вазифасида ишлаётган ливиялик Эли Дауд (Eli Daoud) исмли фуқаронинг ижтимоий тармоқларда жойлаштирган сурати сабаб бўлган. Шов-шувга сабаб бўлган суратда у қўлида рация ушлаб турибди. Рациянинг антеннаси унинг орқасида турган қозоғистонлик ишчи қизнинг лаблари тўғрисида акс этган.

Айни дамда Тенгиз посёлкаси Қозоғистон энергетика вазирнинг ўринбосари Махамбет Досмухамбетов, Миллий хавфсизлик қўмитаси вакили, полиция ва суд вакиллари йўл олишган.   

Эли Дауд ижтимоий тармоқларда қозоғистонликлардан кечирим сўраб қолдирган видеосини ёзиб қолдирди.

1181
Европейский парламент.

Европарламент депутати иштонсиз видеоалоқага чиқиб, кулгига қолди

79
(Янгиланган 16:12 03.06.2020)
Европарлемент депутати иштонсиз видеоконференцияда иштирок этди ва ҳамкасбларининг кулгусига қолди.

ТОШКЕНТ, 3 июн — Sputnik. Европарламентининг ирландиялик депутат Люк Флэнаган видеоконференция вақтида ҳамкасблари олдига ноодатий кўринишда пайдо бўлди.

The Guardian ёзишича, Европарламент йиғилиши қишлоқ хўжалик муаммоларини муҳокама қилишга бағишланганди.

Депутат Флэнаган тўқ рангли кўйлакда, иштонсиз онлайн эфирда пайдо бўлди.

Видеода депутат тўшак устида ўтиргани, вақти-вақти билан оёғини силаётганини кўриш мумкин.

Депутат фермерлик ҳақида ҳисобот бераётган эди.

Уни тинглаган ҳамкасблар кулишдан ўзини тутолмадилар. Охирида қишлоқ хўжалиги қўмитаси раиси ирландиялик депутатга табассум билан нутқи учун миннатдорчилик билдирди.

Парламент аъзоси бу хижолатли ҳолат ҳақида билгач, бунга унчалик аҳамият бермаганлигини айтди.

79
Иностранные граждане в очереди на дактилоскопическую регистрацию, архивное фото

Россияда чет эл фуқароларига ҳам хорижликларни рўйхатдан ўтказишга рухсат берилиши мумкин

59
(Янгиланган 15:34 03.06.2020)
Яқин вақт ичида Россияда хусусий мулк эгалари бўлган чет эл фуқароларига ўз уйларида бошқа хорижликларни рўйхатга олиш ҳуқуқи берилиши ҳамда рўйхатга олиш жараёни электрон кўринишга ўтиши мумкин.

ТОШКЕНТ, 3 июн - Sputnik. Россияда хусусий уй-жойга эга бўлган чет эл фуқароси бошқа хорижий фуқарони рўйхатдан ўтказишга рухсат бериши мумкин. Давлат Думаси ушбу ҳақидаги янги қонунни қабул қилди.  

Шу пайтга қадар, Россияда чет элликларни қабул қилиувчи томони фақат Россия фуқароси ёки Россияда рўйхатдан ўтган юридик шахс бўлиши мумкин эди. Чет эл фуқаролари бошқа хорижликларни яшаш манзили бўйича рўйхатдан ўтказиши мумкин эмасди.

"Қонундаги ушбу ўзгаришлар, чет эл фуқаролари ва фуқаролиги бўлмаган шахсларнинг миграция ҳуқуқларини қўллаш амалиётини мониторинг қилиш асосида ишлаб чиқилди", деди сенатор ва Федерация Кенгаши Мудофаа ва хавфсизлик қўмитаси раисининг биринчи ўринбосари Александр Ракитин.

Янги қонунга кўра, мезбонлик қилиш ҳуқуқи турар-жой биноларига эга бўлган барча тоифадаги чет эл фуқароларига берилади.

"Бундан ташқари, миграция рўйхатга олиш агентлиги ёки кўп функтсияли марказга хабарномани нафақат шахсан, балки" Давлат ва муниципал хизматларнинг ягона портали "федерал давлат ахборот тизимидан фойдаланган ҳолда электрон шаклда юбориш мумкин. Бу маъмурий процедураларни сезиларли даражада соддалаштиради ва Россия Ички ишлар вазирлиги ходимлари меҳнат  юкламасини камайтиради", - деди сенатор.

 

59

Миннеаполисда губернатор қароргоҳи олдида юзлаб одамлар тўпланди видео

0
Меннесота штати губернатори Тим Уолцнинг қароргоҳи ёнида бир неча юзлаб кишилар тўпланиб, норозилик намойиши ўтказишди.

Намойишчилар афроамерикалик Жорж Флойднинг ўлимига алоқадор полиция ходимларини ҳибсга олишни талаб қилишмоқда.

Уларнинг кўпчилиги “Адолат йўқ. Тинчлик йўқ” ва “Мен нафас ололмаяпман” деб ёзилган плакатларни кўтариб олишган.

Жорж Флойд Миннеаполисда полиция ходимлари уни қўлга олгандан сўнг вафот этди. Унинг ўлими бутун мамлакат бўйлаб тартибсизликларни келтириб чиқарди. Мана нечадир кунки бу ҳолат давом этиб келмоқда.

Норозилик намойишлари полиция ходимлари билан тўқнашишгача олиб келди. Айрим йирик шаҳарларда намойишчилар дўконларга ўт қўйиб, талон-тарожликка қўл урди. АҚШ Миллий гвардияси тартибсизликларнинг олдини олишга сафарбар қилинган.

0