Коробки с конфетами

Соғлом бўлиш учун қанча шоколад истеъмол қилиш зарур мутахассис тавсиялари

621
(Янгиланган 14:41 11.07.2019)
Шифокорлар соғлиққа зиён бўлмаслиги учун қанча шоколад истеъмол қилиш зарурлигини маълум қилишди.

ТОШКЕНТ, 11 июл – Sputnik. Ҳар куни қора шоколад плиткасининг ярмини истеъмол қилинса соғлиқ учун зиён бўлмайди. Бироқ уни куннинг биринчи ярмида истеъмол қилиш мақсадга мувофиқ. Чунки у жуда калорияли маҳсулот бўлиб, унинг таркибида ухлашга халақит берадиган моддалар бор. Бу ҳақда россиялик экспертлар маълум қилишди.  

Бугун бутунжаҳон шоколад куни нишонланади. Илк бор буни францияликлар нишонлашни бошлашди. Кейинчалик бу байрам оммалашиб, Европанинг бошқа давлатларда тантана қилишга ўтилди.

“Таркибида камида 50 фоиз какао бўлган қора шоколадни оладиган бўлсак, одам ҳар куни 50 граммга яқин шоколадни истеъмол қилиши мумкин. Оғир меҳнат ёки спорт билан шуғулланадиган инсонлар кўпроқ ейиши мумкин”, - дейди Сеченов университети поликлиника терипаяси кафедраси профессори, тиббий фанлар доктори Алексей Буеверов.

Олимнинг сўзларига кўра, шоколадни энг яхшиси куннинг биринчи ярмида истеъмол қилиш керак. Чунки унда шакар бор. Бундан ташқари, бу севимли ширинликда тетиклантирувчи, ухлашни қийинлаштирадиган –алкалоид моддаси мавжуд.

"ФИЦ питания и биотехнологии" клинкаси шифокори, тиббий фанлар номзоди Елена Ливанцова фикрига кўра, сутли ва қора шоколад калорияси бўйича деярли бир хил.

Ошқозон ости бези касалликлар бўлганда шоколадни истеъмол қилиш тавсия қилинмайди.

Меъёридан ортиқ шоколад истеъмол қилиш ортиқча вазн тўплаш, углевод алмашинуви бузилиши хавфини ошириши мумкин. Шунингдек, тишларда кариес ривожланишини келтириб чиқариши мумкин.

Бундан аввал “Соғлом овқатланиш” миллий тадқиқот маркази томонидан тақдим этилган энг фойдали нонушталар топ-3 рўйхати ҳақида хабар берилган.

621

АҚШда 17 йиллик мораторийдан сўнг биринчи афроамерикалик қатл қилинди

74
Федерал ўлим жазосининг қайта тикланиши АҚШ учун рамзий маънога эга, чунки бу ерда аксарият қатллар федерал ҳукумат эмас, балки алоҳида штатлар юрисдикцияси остида ўтар эди

ТОШКЕНТ, 25 сен - Sputnik. АҚШ ҳукумати федерал даражада ўлим жазосига киритилган 17 йиллик мораторий бекор қилингач илк афроамерикаликни қатл этди, деб хабар қилади маҳаллий WTHI канали.

Кристофер Виалва 1999 йил Техасда насроний фаоллар бўлган ёш эр-хотин қотиллиги учун олий жазога ҳукм қилинган эди. Ҳалок қилувчи инъекция ёрдамидаги қатл Индиана штатидаги Терре-Хот қамоқхонасида амалга оширилган.

Жорий йил июл ойида АҚШ Олий суди сал олдин қуйи инстанция судлари томонидан жорий этилган мораторийни бекор қилиб, 17 йил деганда биринчи марта АҚШ федерал судларида қатллар амалга оширилиши мумкинлиги ҳақида қарор эълон қилганди.

Биринчи ўлим жазосига ҳукм қилинган америкалик - 47 яшар Дэниел Льюис Ли бўлди. У ҳам Индиана штатидаги Терре-Хот федерал қамоқхонасида сақланиб келган.

Федерал ўлим жазосининг қайта тикланиши АҚШ учун рамзий маънога эга, чунки бу ерда аксарият қатллар федерал ҳукумат эмас, балки алоҳида штатлар юрисдикцияси остида ўтар эди.

74

WhatsApp’да янги функция пайдо бўлди

207
Янгилик билан фойдаланувчиларга иккинчи томон очиб кўриши ва ёзишмалардан чиқиши билан ўчиб кетадиган фото, видео ва анимациялар юбориш имконини беради.

ТОШКЕНТ, 24 сен — Sputnik. WhatsApp᾽да вақтинчалик медиафайллар юбориш имконини берувчи янги Expiring Media функцияси пайдо бўлди. Бу ҳақда “WeBetaInfo” хабар қилди.

Янгилик билан фойдаланувчиларга иккинчи томон очиб кўриши ва ёзишмалардан чиқиши билан ўчиб кетадиган фото, видео ва анимациялар юбориш имконини беради. Бундай имконият фойдаланувчи ўта шахсий медиафайлларини юбормоқчи бўлганда асқотиши тахмин қилиняпти.

Фойдаланувчилар чалғиб кетмаслиги учун йўқолиб кетувчи хабарлар одатийларидан график жиҳатдан фарқ қилади.

Функция дастурнинг Android-смартфонлар учун мўлжалланган бета-версиясида мавжуд. Кейинроқ дастур янгилангандан кейин асосий дастурда ҳам пайдо бўлиши керак.

207
В Москве стартовали профкурсы для мигрантов из Узбекистана

Ўзбекистонда меҳнат мигрантларига 10 миллион сўмгача микроқарзлар берилади

114
(Янгиланган 09:09 25.09.2020)
Микроқарзлар хорижда ишга жойлашиш билан боғлиқ харажатларни қоплаш учун 10 миллион сўмгача миқдорда 1 йил муддатга берилади

ТОШКЕНТ, 25 сен - Sputnik. Ўзбекистонда меҳнат мигрантларига 10 миллион сўмгача микроқарзлар берилади. Бу ҳақда Sputnik Ўзбекистон мухбирига Ташқи меҳнат миграцияси агентлиги Самарқанд вилояти минтақавий филиали бошлиғи Абдуазиз Хафизов маълум қилди.

"Хавфсиз, тартибли ва қонуний меҳнат миграцияси тизимини жорий қилиш чора-тадбирлари тўғрисида" президент қарори қабул қилинди. Қарорга мувофиқ, хавфсиз, тартибли ва қонуний меҳнат миграцияси тизими жорий этилади", - дейди Хафизов.

Таъкидланишича, 2021 йил 1 январдан:

"Ижтимоий ҳимоя ягона реестри ахборот тизими"га киритилган кам таъминланган оила аъзоси ташкиллаштирилган меҳнат миграцияси йўли билан вақтинчалик ишлаш учун хорижга чиқаётганда уларга микроқарзлар бериш тартиби жорий қилинади;

микроқарзлар хорижда ишга жойлашиш билан боғлиқ харажатларни қоплаш учун 10 миллион сўмгача миқдорда 1 йил муддатга берилади;

микроқарз фоиз ставкасининг Марказий банк асосий ставкасидан ошадиган, лекин асосий ставканинг 1,5 бараваридан кўп бўлмаган қисми компенсация қилинади.

Эслатиб этамиз, бунгача вақтинчалик меҳнат фаолиятини амалга ошириш учун хорижга жўнаб кетаётган Ўзбекистон фуқароларига хорижда ишга жойлашиш харажатларини қоплаш мақсадида бир йил муддатга 2 миллион сўм миқдорида микроқарзлар тақдим этилади.

Бунда микроқарзларни расмийлаштириш жараёни бир банк кунида амалга оширилиб, бунинг учун паспорт, ариза каби минимал ҳужжатлар талаб қилинади.

114