Стая саранчи уничтожает растительность

Олимлар нима учун одамлар ҳашарот истеъмол қилишни бошлашлари кераклигини айтишди

1188
Диетологларнинг сўзларига кўра, чигиртка, ипак қурти ва чумолиларнинг танасида кўплаб антиоксидантлар ва бошқа фойдали моддалар мавжуд.

ТОШКЕНТ, 15 июл – Sputnik. Олимлар нима учун одамлар ҳашарот истеъмол қилишни бошлашлари кераклигини айтишди. Бу ҳақда Италиянинг Frontiers in Nutrition журнали ёзмоқда.

Диетологларнинг сўзларига кўра, чигиртка, ипак қурти ва чумолиларнинг танасида кўплаб антиоксидантлар ва бошқа фойдали моддалар мавжуд.

Олимларнинг тушунтиришларича, бу уларни озуқавий ҳамда гўшт ўрнини боса олувчи қилади.

“Ҳамма аллақачон англаб турибдики, ҳашаротлар келажакда биз учун оқсил, тўйинмаган ёғли кислоталар, минераллар, витаминлар ва тўқималарнинг ажойиб манбаи бўлади. Шу билан бирга, ҳеч ким улар апельсин шарбати ва зайтун мойини, шунингдек, энг муҳим антиоксидантларнинг бошқа манбалари ўрнини боса олиш ёки олмаслигини текшириб кўрмаган”, - дейди Италиянинг Терамо университети олими Мауро Серафини (Mauro Serafini).

“Ернинг камида икки миллиард аҳолиси мунтазам равишда ҳашаротларни истеъмол қилади. Қолган олти миллиардни бу ёмон фикр эмас эканлигига ишонтиришимиз керак. Агар одамлар уларни истеъмол қилиш кони фойда эканлигини англаб етишса, биз кўплаб иқлим ва экологик  муаммоларни ҳал қилишимиз учун бирор кишини мажбурлашимизнинг ҳожати қолмайди”, - дея фикрларини давом эттиради олим.

У ҳашаротлар антиоксидантлар мавжудлиги жиҳатидан фарқ қилашини қўшимча қилди.

Маълум бўлишича, тарантулалар ва чаёнлар каби ҳашаротлар Таиланд ва бошқа давлатларда машҳур бўлишига қарамасдан деярли антиоксидант моддасига эга эмас экан.

Оддий чигиртка, чумоли, шунингдек, ипак қуртлари жуда фойдали экан. Улар таркибида апельсин шарбати ва зайтун мойига қараганда икки баробар кўпроқ антиоксидант моддалари борлиги аниқланган.

Олимлар бу ҳали амалда синалмаганини қайд этиб, яқин келажакда кўнгиллилар иштирок ўтказиладиган тадқиқотлар қатор саволларнинг ечимига ёрдам беришига ишонч билдиришган.

1188

Бейрутдаги кучли портлашнинг сабаби аниқланди

75
(Янгиланган 20:22 05.08.2020)
Бейрутда портлашнинг дастлабки сабаби - денгиз портида ўта хавфли моддаларни сақлаш пайтида йўл қўйилган бепарволик ҳолатлари.

ТОШКЕНТ, 5 авг — Sputnik. Бейрут портида юз берган портлаш ҳолатини дастлабки ўрганиш натижалари маълум қилинди. Бу ҳақда Reuters ахборот агентлиги дастлабки тергов ишлари билан таниш бўлган манбага асосан хабар қилди.

Маълумотларга кўра, Бейрутда портлашнинг дастлабки сабаби - денгиз портида хавфли моддаларни сақлаш пайтида йўл қўйилган ҳаракатсизлик ва бепарволик ҳолатлари.

Таъкидланишича, ушбу муаммо билан шуғулланувчи инспекция 6 ой олдин қонунбузарликларга эътибор қаратган. Қўмита ва судьялар томонидан хавфли моддаларни йўқ қилиш бўйича қарор тайёрлаш борасида “ҳеч нарса қилинмаган”.

Ливан ҳуқумати портлаш содир бўлган порт маъмуриятининг барчасини уй қамоғига олиш ҳақида топшириқ берган.

Ливан пойтахти Бейрут шаҳрининг портида куни кеча, 4 августда кучли портлаш содир бўлди. Сўнгги малумотларга кўра, 113 киши ҳалок бўлди, тўрт мингдан зиёд инсон жароҳатланди.

Ливан пойтахти Бейрут шаҳрида юз берган портлаш 3-5 миллиард доллар миқдорида зарар етказди.

Ливан бош вазири Хассан Дияб портда олти йил давомида нотўғри сақланган 2750 тонна аммиак селитрасини портлаш сабаби сифатида келтирган. Фожиа туфайли Ливанда уч кунлик мотам эълон қилинган.

 

75

Россияда COVID-19 га қарши вакцинани яратиш босқичлари маълум бўлди

160
Таъкидланишича, “Вектор” марказининг коронавирусга қарши вакцинаси барча қоидаларига қатъий риоя қилинган ҳолда ишлаб чиқилмоқда.

ТОШКЕНТ, 5 авг - Sputnik. “Вектор” марказининг коронавирусга қарши вакцинаси барча мажбурий талаблар ва меъёрий тавсиялар, шунингдек, клиникка қадар ва клиник синовларни ўтказиш қоидаларига қатъий риоя қилинган ҳолда ишлаб чиқилмоқда. Бу ҳақда Роспотребнадзор матбуот хизматининг РИА Новостига маълум қилди.

Аввалроқ Telegraph газетаси Бутунжаҳон соғлиқни сақлаш ташкилоти вакили Кристиан Линдмаер Россия лицензияни қўлга киритишдан олдин вакцинанинг барча зарурий синовларини ўтказиш зарурлигини айтганини хабар қилган эди.

“Янги коронавирусга қарши “ЭпиВакКорона” вакцинаси Роспотребнадзорнинг "Вектор" ФБУН ГНЦ ВБ томонидан Россия қонунчилигида кўзда тутилган барча мажбурий талаблар ва норматив тавсияларни ҳисобга олган ҳолда ишлаб чиқилмоқда", - дейилади хабарда.

Таъкидланишича, "Вектор" БССТ тавсияларини кузатиб бормоқда, вакцинанининг клиникка қадар ва клиник тадқиқотлар протоколлари ички ва жаҳон тажрибасини ҳисобга олмоқда, тадқиқотлар ўтказиш қоидаларига қатъий риоя қилиш эса "Россия аҳолиси учун хавфсиз ва сифатли вакцина ишлаб чиқилишига ишонч беради".

Гамалея номидаги Миллий тадқиқот маркази директори Александр Гинзбург аввалроқ болаларда коронавирус вакцинаси фақат катталардаги синовлар тугагандан кейингина ўтказилишини маълум қилган эди. Болаларда дори воситаси синовлари фақатгина 2021 йил январь-февраль ойларида бошланиши мумкин.

160