Бывший президент КР Алмазбек Атамбаев после пресс-конференции на территории своего дома в селе Кой-Таш

Алмазбек Атамбаев учинчи марта Ички ишлар вазирлигига чақиртирилди

492
Милиция ходимлари Атамбаевга учинчи чақирув қоғозини олиб келишди.

ТОШКЕНТ, 18 июл – Sputnik. Қирғизистон собиқ президенти Алмазбек Атамбаев учинчи марта мамлакат Ички ишлар вазирлигига чақиртирилди, деб хабар қилди Sputnik Қирғизистон.

Бугун, милиция ходимлари Атамбаевга учинчи чақирув қоғозини олиб келишди. У энди 19 июль куни соат 10:00 да ИИВга келиши керак.

Биринчи чақирув қоғози 8 июлда олиб келинганди. У ИИВ Тергов хизматига сўроққа гувоҳ тариқасида чақиртирилганди. Бироқ собиқ мамлакат президенти терговчи олдига бормаслигини маълум қилди. Атамбаев иддаосига кўра, “ҳукумат ўзининг ҳуқуқий майдони”дан четга чиқди.

Атамбаевнинг сўзларига кўра, у чақирув қоғозини кўрмаган ва барча ҳужжатларни ўзининг юридик вакили Сергей Слесаревга берган. Слесаров дахлсизлиги борлиги учун эса ҳуқуқ тартибот орган ходимларида Атамбаевни сўроққа чақиртириш ваколати йўқлигини айтди.   

Иккинчи чақирув қоғози 10 июлда олиб келинди. Унда ҳам Атамбаев ИИВга келмади.

Эслатиб ўтамиз, Қирғизистон парламенти 13 июнь куни махсус комиссияни ташкил этган ва у олиб борган иш натижасида Алмазбек Атамбаев олтита жиноятга алоқадор бўлиши мумкинлиги ҳақида хулоса қилинди. Жўқорғу Кенеши хулосани тасдиқлаб, бош прокуратурага юборди.

Хулосага асосан Атамбаевга нисбатан қуйидаги айловлар илгари сурилди: Бишкек ИЭС модернизацияси бўйича коррупция иши ва станцияга ноқонуний тарзда кўмир етказиб берилиши, Тарихий музейни реконструкциясида коррупция иши, жиноий авторитет Азиз Батукаевнинг қонунга зид равишда озод этилиши, Кой-Таш ва Чон Сари-Ой қишлоқларида ер участкаларини ноқонуний эгалланиши.

27 июнь куни мамлакат парламенти депутатлари Алмазбек Атамбаевни собиқ президент мақомини олиб ташлашга овоз беришди. Собиқ президент мақомини олиб ташлашга 103 депутат овоз берди, фақатгина 6 депутат бунга қарши бўлди.

Мақомдан маҳрум этишдан олдин Атамбаевнинг тарафдорлари унинг уйида “халқ штабини” тузишган ва у ҳозирги кунгача фаолият кўрсатмоқда.

492
Мавзу:
Қирғизистон собиқ президенти Алмазбек Атамбаев қўлга олиниши (48)

Лукашенко Россия ва Украина бош прокурорларини таклиф қилиш ҳақида топшириқ берди

106
(Янгиланган 14:52 06.08.2020)
Беларусь президенти Александр Лукашенко Россия ва Украина бош прокурорларини таклиф қилиш ҳақида топшириқ берди.

ТОШКЕНТ, 6 авг — Sputnik. Беларусь президенти Александр Лукашенко Минск яқинида россияликлар қўлга олиниши ҳолати юзасидан мамлакатга Россия ва Украина бош прокурорларини таклиф қилиш тўғрисида топшириқ берди.

Куни кеча Лукашенко Украина президенти Владимир Зеленский билан бу ҳолатни телефон орқали муҳокама қилди. Киев қўлга олинганларни Украина жануби-шарқидаги ҳарбий ҳаракатларда иштирок этганликда гумон қилмоқда.

Беларусда россияликларни қўлга олиниши

Беларусь ҳукумати 29 июлда 33 нафар россиялик қўлга олинганини маълум қилди. Минск уларни хусусий ҳарбий компаниянинг  “жангарилари” деб ҳисобламоқда. Россияликлар Беларусда сайлов олдидан оммавий тартибсизликларни ташкиллаштиришга тайёргарлик кўришда гумон қилинмоқда.

Россия Ташқи ишлар вазирлиги Беларусь томонининг россияликлар ҳибсга олиш ҳолатини нотўғри талқин қилиши ҳеч қандай танқидга бардош бермаслигини таъкидлаб, кераксиз салбий ҳис-туйғулар кескинлигини оширишни тўхтатишга чақирди.

Бундан аввал Россия президенти матбуот котиби Дмитрий Песков Минскда қўлга олинганлар “катта эҳтимол билан” хусусий хавфсизлик компаниясининг ходимлари эканлиги, Минскда транзит тартибида бўлиб, рейсга кеч қолганликларини айтганди.

Песковнинг сўзларига кўра, Кремлда улар қонунга зид иш қилишгани ҳақида ҳеч қандай маълум йўқ. Унинг таъкидлашича, Россия Беларуснинг ички ишларига ҳеч қачон аралашмаган ва аралашмаяпти.

106
Водопад. Иллюстративное фото

Хитойда кучли тўфон шаршарани тескари оқишга мажбур қилди - видео

204
(Янгиланган 14:10 06.08.2020)
"Хагупит" тўфони 190 метр баландликдаги Линфэн тоғ шаршарасини тескари йўналишда оқишга мажбур қилди.

ТОШКЕНТ, 6 авг — Sputnik. "Хагупит" тўфони 190 метр баландликдаги Линфэн тоғ шаршарасини тескари йўналишда оқишга сабаб бўлди. Бу ҳақда Daily Mail хабар қилди.

Видеода кучли шамол шаршара сувини учириб юбориши акс этган. Кучли “Хагупит” тўфони Хитойнинг Чжэцзян провинциясига ёпирилиб келди.

Шамол тезлиги соатига 136 километргача етди, айрим шарқий соҳилбўйи туманларида 4 метр баландликдаги тўлқинлар қайд этилди. 380 мингдан ортиқ киши хавфсиз жойларга эвакуация қилинди.

Поезд ҳаракати тўхтатилди, баъзи автомагистраль йўллари ёпилди, кўпгина уйлар электр энергиясиз қолди.

204

“Миллий тикланиш” тонировкани бепул қилишни таклиф қилмоқда

13
(Янгиланган 17:28 06.08.2020)
Партия томонидан Вазирлар маҳкамасига автомобилларнинг ойналарини қорайтириш учун рухсатнома ва тўловларни бекор қилиш тўғрисида таклиф йўлланди.

ТОШКЕНТ, 6 авг — Sputnik. “Миллий тикланиш” демократик партияси Ўзбекистонда автомобиль ойналари тусини ўзгартириш (тонировка) учун белгиланган тўловларни бекор қилиш таклифи билан чиқди.

Тошкент шаҳар Мирзо Улуғбек тумани халқ депутатлари Кенгаши депутати Жаҳонгир Зияевнинг партия сайтида эълон қилинган мурожаатида таъкидланишича, рухсатноманинг қимматлиги сабабли 2019 йил статистикасига кўра, қорайтирилган ойнага рухсат берилган машиналар сони 0,1% дан кам бўлган.

“Ўзбекистон “Миллий тикланиш” демократик партияси юртдошларимизга қулайлик яратиш ҳамда мутахассисларнинг хулосасига кўра фуқароларнинг қуёшнинг ультрабинафша нурларидан тери саратони касалига чалинишларининг олдини олиш, автомобиль кондиционерларини камроқ ишлатилишига ва бунинг натижасида ёнилғи камроқ сарфланиб, атроф-муҳитга зарарли моддаларнинг камроқ чиқишига, пировардида экологияни асрашга эришиш мақсадида автомобиль ойналари тусини ўзгартириш учун белгиланган тўловларни бекор қилиш, зарур деб ҳисоблайди”, - дея ёзган депутат.

Партиянинг Қонунчилик палатасидаги фракцияси ва партиянинг Мирзо Улуғбек вилоятидаги халқ депутатлари Кенгашидаги депутатлик гуруҳи ҳукумат қарорига тегишли ўзгартириш киритиш бўйича таклиф тайёрлаган.

Эслатиб ўтамиз, аввалроқ Ўзбекистон Олий Мажлиси депутатлари Ҳукуматга тонировка нархини пасайтириш таклифи билан чиқишган эди.

Айни дамда Ўзбекистонда тонировка учун йиллик тўлов 11 млн 150 минг сўмни ташкил қилади.

13