Сооронбай Жээнбеков

“Атамбаев энди гувоҳ эмас, балки гумон қилинувчи”: Қирғизистон президенти Жээнбеков

1332
Қирғизистон президенти Сооронбай Жээнбеков айбдорлар ўз жазосини тортишига ваъда берди.

ТОШКЕНТ, 8 авг — Sputnik. Қирғизистон президенти Сооронбай Жээнбеков республиканинг собиқ раҳбари Алмазбек Атамбаевнинг мақоми гувоҳдан оғир жиноятда гумон қилинувчига ўзгартирилишини маълум қилди, дея ёзади Sputnik Қирғизистон.

“Агар шу пайтгача Атамбаев терговчи ҳузурига гувоҳ сифатида чақирилган бўлса, эндиликда унга оғир жиноятда гумон қилинувчи сифатида қаралади", - деди Жээнбеков парламентнинг навбатдан ташқари мажлисида.

У мамлакатда қонун устуворлиги, тинчлик ва хавфсизликни сақлаш мақсадида барча чоралар кўрилишини қўшимча қилди. Давлат аҳолининг иккига  ажралиб кетишига ва беқарор вазият юзага келишига йўл қўймаслик учун куч ва воситаларга эга.

Бугун Қирғизистонда парламентнинг навбатдан ташқари мажлиси бўлиб ўтмоқда. Депутатлар собиқ президент Атамбаевни қўлга олишга уриниш билан боғлиқ бўлган вазиятни муҳокама қилишмоқда. Кеча амалга оширилган махсус амалиёт муваффақиятсизлик билан якунланди. Сўнгги маълумотларга кўра, 52 киши жабрланган, спецназлардан бири кўкрагидан олган жароҳати туфайли ҳалок бўлган. Қирғизистон президенти Сооронбай Жээнбеков хавфсизлик кенгашида Атамбоев қуролли қаршилик кўрсатиб, конституция ва қонунларни қўпол равишда бузганини маълум қилган.

1332
Мавзу:
Қирғизистон собиқ президенти Алмазбек Атамбаев қўлга олиниши (48)

Тожикистонлик машҳур гей-блогер жасади Санкт-Петербургда бўғилган ҳолатда топилди

117
Йигитнинг ижтимоий тармоқлардаги саҳифасида 3 мингдан ортиқ кузатувчиси бўлган ва у ЛГБТ-ҳамжамияти аъзоси саналган

ТОШКЕНТ, 4 дек - Sputnik. Тожикистонлик Егор Громов ники остида машҳур бўлган TikTok-блогер Санкт-Петербурда бўғиб кетилган ҳолатда топилди. Бу ҳақда Невские новости нашри хабар бермоқда.

ЛГБТ-ҳамжамияти аъзоси бўлган 22 яшар йигитчанинг шахсий ҳаётини 3 мингдан зиёд кузатувчилар кузатиб боришган. Иккинчи август куни тонг саҳар унинг жонсиз танаси Санкт-Петербургдаги Маршал Казаков кўчасидаги кўп қаватли уй хонадонида топилган.

Соат 12да полицияга 45 яшар эркакдан хабар келиб тушган, у ўз хонадонида танишининг жасадини аниқлаганини айтган.

Эркак томонидан берилган манзил бўйича ҳуқуқни муҳофаза қилиш вакиллари етиб келишгач, ёш блогер ўлимида қотиллик аломатларини кўришган. Йигитнинг бутун юзи қонталаш бўлган, бўйнида эса бўғилганлигидан далолат берувчи излар аниқланган.

Экспертлар таъкидига кўра, Громов асфиксиядан ўлган.

Егор Громов – бу йигитнинг ижтимоий тармоқлардаги ники. Унинг ўзи асли тожикистонлик бўлиб, машҳурликка эришиш учун исмини ўзгартирган. Ўзининг TikTokида ёш йигит қўшиқ кулаши, рақс тушиши акс этган видеоларни жойлаб борган.

Натижада хонадон эгаси - полицияга мурожаат этган эркакнинг ўзи жиноятни содир этганликда гумонланиб қўлга олинган. Ҳозирча жиноий иш қўзғатилмаган. Терговчилар ўлим сабаблари ва реал ҳолатни аниқлаш учун текширув ишларини олиб боришмоқда.

117
Врач во время вакцинации

Коронавирусга қарши қозоқ вакцинаси сентябрда синовдан ўтказилади

88
(Янгиланган 18:18 04.08.2020)
Сентябрда кўнгиллиларда вакцинанинг клиник синовлари бошланиши мумкин, аммо бу босқич аввал Соғлиқни сақлаш вазирлиги томонидан тасдиқланган бўлиши лозим.

ТОШКЕНТ, 4 авг — Sputnik. Коронавирусга қарши вакцинани бешта маҳаллий ишлаб чиқарувчилар ўзларида синаб кўрдилар. Клиник синовларга қадар тажрибалар 20 август куни якунланади, деб хабар берди биологик хавфсизлик масалалари илмий-тадқиқот институтига таянган ҳолда Sputnik Қозоғистон.

Илмий-тадқиқот институти берган хабарга кўра, ишлаб чиқарувчилар кўнгиллилар сафида вакцинани ўзида 26 июль куни синовдан ўтказган.

"Бу жонли вирус билан ишда шахсий хавфсизликни таъминлаш учун амалга оширилди. Орадан бир неча сутка ўтгач ўзини ҳис қилиши яхши, температура ва аллергия йўқ. Клиникга қадар синовлар 20 августга қадар якунланади, натижалар эса Қозоғистон соғлиқни сақлаш вазирлигига топширилади", - дейилади хабарда.

Кутилишича, сентябр ойидан вакцинанинг клиник синовлари бошланади. Синовлар Алмати шаҳрида коронавирусга антитаначалари бўлмаган 44 нафар кўнгиллиларда ўтказилади. Бунинг учун аввало соғлиқни сақлаш вазирлиги рухсатномасини олиш керак бўлади.

Куз фаслининг ўрталарига келиб, олимлар вакцинанинг иккинчи фазасини синовдан ўтказишни режалаштирмоқда. Кўнгиллиларнинг тахминий миқдори - 200 киши. Олимлар прогнозларига кўра, иккинчи фаза жорий йил декабр ойида якунланади.

"Агар БССТ томонидан номзод вакцина клиник синовлари натижаларини тасдиқланса, Қозоғистон НИИПББ қошидаги иммунобиологик дориларни ишлаб чиқарадиган завод негизида вакцинани ишлаб чиқаришни амалга оширишга тайёр бўлади ", - дея таъкидлади институт.

Декабр ойида қуриб битказиладиган завод йилига 60 миллион дозага қадар вакцина ишлаб чиқаришга қодирлигини таъкидлаш керак.

Sputnik Қозоғистон хабарига кўра, янги турдаги коронавирус инфекцияси COVID-19га қарши биринчи қозоқ вакцинаси 9 май куни ишлаб чиқарилган, орадан бир неча кун ўтиб у клиник синовларга қадар тестдан ўтказилиши лозим бўлган вакцина сифатида Бутунжаҳон соғлиқни сақлаш вазирлигида рўйхатдан ўтказилган.

Сал вақт ўтиб, COVID-19га қарши иккинчи қозоқ вакцинаси БССТда рўйхатга олингани маълум бўлди.

88
Мавзу:
COVID-19 умумжаҳон пандемияси
Президент Узбекистана Шавкат Мирзиёев

Мирзиёев коронавирусга қарши вакцинация қилиш йўлларини пухта ўрганиш топшириғини берди

35
Мамлакатда охирги бир ҳафтада 5 мингдан ортиқ янги касал аниқланиб, жами вирус юқтирганлар сони 27 мингтага яқинлашди. Энг ёмони, корановирусга қўшимча тарзда, асорати оғирроқ бўлган пневмония ҳолатлари ҳам кўпаймоқда.

ТОШКЕНТ, 4 авг - Sputnik. Шавкат Мирзиёев навбатдаги видеоселектор йиғилиши ўтказмоқда. Тадбирда Ўзбекистон бўйлаб коронавирус пандемиясини жиловлаш борасида амалга оширилаётган ишлар чуқур таҳлил қилинмоқда, деб хабар берди президент матбуот-хизмати.

Жумладан, охирги пайтда дунёда COVID-19 инфекциясининг тарқалиши кескин тезлашиб, жами касаллар сони 19 миллионга яқинлашгани, қурбонлар ҳам кўпайгани афсус билан таъкидланди. Вазият ғоят жиддийлигини 31 июлда Жаҳон соғлиқни сақлаш ташкилоти пандемия билан боғлиқ халқаро фавқулодда ҳолатни яна 3 ойга узайтиргани ҳам кўрсатиб турибди.

Мамлакатда охирги бир ҳафтада 5 мингдан ортиқ янги касал аниқланиб, жами вирус юқтирганлар сони 27 мингтага яқинлашди. Энг ёмони, корановирусга қўшимча тарзда, асорати оғирроқ бўлган пневмония ҳолатлари ҳам кўпаймоқда.

Ушбу ҳолатни инобатга олиб, қўшимча чоралар кўрилди. Жумладан, охирги 20 кунда коронавирусни даволаш ўринлари 3,5 баробарга кўпайтирилди ва қарийб 65 мингтага етказилди. Жойларга қўшимча равишда қарийб 800 та тез тиббий ёрдам машиналари етказиб берилди.

Қўшимча 4 мингта нафас бериш ускуналари (ЎСВ, портатив сунъий нафас бериш аппарати, кислород концентратори) олиб келиниб, уларнинг сони 6,5 мингтага етди.

"Аҳоли ўртасида вирус тарқалишининг олдини олиш ва беморларни даволаш бўйича олиб борилаётган тизимли ишларни янада кучайтирган ҳолда давом эттиришимиз зарур", – деди давлат раҳбари.

Хусусан, Соғлиқни сақлаш вазирлиги, ҳокимлар ва секторлар раҳбарлари коронавирус ва пневмонияни даволаш бўйича ҳар томонлама тайёр бўлиши, ҳар бир беморга керакли тиббий ёрдам кўрсатилиши, уларнинг ҳолатидан келиб чиқиб шифохонага ётқизилиши ва даволаниши учун шахсан жавобгар бўлиши қайд этилди.

Жойлардаги бирламчи тиббий хизмат кўрсатиш тизими ишини янада жонлантириш кераклиги таъкидланди.

 

Маълумки, бугун қатор мамлакатлар соғлиқни сақлаш ва фармацевтика тизимларида коронавирус давосини топиш йўлида тинимсиз изланишлар олиб борилмоқда. Мисол учун, Хитой, Ҳиндистон, Буюк Британия, Россия фармацевтика компаниялари яқин вақт ичида вакцина ишлаб чиқаришни бошлаши ҳақида хабар қилиняпти.

Бош вазир ўринбосари Беҳзод Мусаевга бир ҳафта муддатда етакчи олимлар ва тажрибали шифокорлар билан маслаҳатлашган ҳолда, вакцинани харид қилиш ва мамлакатимиз аҳолиси вакцинациясини амалга ошириш йўлларини пухта ўрганиб чиқиш топшириғи берилди.

 

35
Мавзу:
COVID-19 умумжаҳон пандемияси