Янги Зеландия парламент раиси қўлида чақалоқ билан йиғилишни олиб борди - видео
(Янгиланган 13:26 23.08.2019)
Янги Зеландия парламент раиси Тревор Маллард қўлида чақалоқ билан йиғилишни ўтказди.ТОШКЕНТ, 23 авг – Sputnik. Янги Зеландия парламент раиси Тревор Маллард қўлида чақалоқ билан йиғилишни ўтказди.
Бу ҳолат ижтимоий тармоқлар фойдаланувчиларини жуда қувонтирди.
The Guardian ёзишича парламент йиғилиши 21 августда ўтказилди. Унда 65 ёшли спикер Маллард йиғилишда олти ҳафталик болага қаради.
Малларднинг сўзларига кўра, чақалоқнинг отаси - депутат хотиржам равишда ўз вазифасини бажариши учун буни амалга оширди.
Мажлислар залида турли қонунчилик ташаббуслари муҳокама қилинган вақтда парламент раиси болани сутли аралашма билан озиқлантирди ва у билан ўйнади.
“Одатда, спикер курсида фақат парламент раиси ўтиради, лекин бугун мен билан VIP-меҳмон ўтирди. Оилани янги аъзоси билан табриклайман”, - деб ёзди Маллард Twitter’ саҳифасида.
Россияда ўтсочар дрон яратилади
(Янгиланган 12:09 28.09.2020)
Таъкидланишича, бу техника Россиянинг радиацион, кимёвий ва биологик муҳофаза қўшинлари (РХБЗ) манфаатлари учун яратилмоқда.ТОШКЕНТ, 28 сен — Sputnik. Россияда ўтсочардан нишонни уришга қодир учувчиcиз учиш қурилмаси ясалмоқда. Бу ҳақда РИА Новости хабар қилмоқда.
“Ростех-Доверенные платформы – Робототехнические комплексы” компанияси ўринбосари Максим Скоковнинг сўзларига кўра, бу техника Россиянинг радиацион, кимёвий ва биологик муҳофаза қўшинлари (РХБЗ) манфаатлари учун яратилмоқда.
“Бизнинг компания РХБЗ қўшинлари учун иш олиб борди – биз ўтсочар воситаларини учувчисиз учиш қурилмалари билан қўллаш имкониятини намойиш этдик. Синов натижаларига кўра тажриба конструкторлик иши очилди”, - деди у.
Унинг сўзларига кўра, зарурий тайёргарликсиз ўтсочар дронни уриб тушириш “амри маҳол”.
Тоғли Қорабоғда 30дан ортиқ аскар қурбон бўлди
(Янгиланган 10:38 28.09.2020)
Озарбайжон ва Арманистон орасидаги можаро 28 сентябрь кун яна қайта бошланди. Томонлар бир бирини ўққа тутиши оқибатида ҳарбийлар ва тинч аҳоли қурбон бўлди. ТОШКЕНТ, 28 сен – Sputnik. Тан олинмаган Тоғли Қорабоғ республикаси ҳукумати яна 15 нафар ҳарбийлар қурбон бўлганини хабар қилди. Бир кун олдин улар 16 нафар аскар қурбон бўлганини маълум қилишган эди. РИА Новости хабарига асосан.
"28 сентябрь куни жанглар вақтида яна 15 нафар аскар қурбон бўлди", - дейилган Тоғли Қорабоғ Мудофаа вазирлиги хабарида. Вазирлик, шунингдек, қурбон бўлган аскарлар исми шарифини келтириб ўтган.
Якшанба куни эрталаб Озарбайжон Мудофаа вазирлиги Арманистон ҳарбийлари томонидан Қорабоғ чегара яқинидаги аҳоли пунктлари ўққа тутилганини хабар қилган эди. Арманистон хабарига кўра, Озарбайжон Қорабоғ республикасига ҳаво ва ракета ҳужуми уюштирган. Жумладан, тоғли республиканинг пойтахти - Степанакерт ҳам ўққа тутилган. Қорабоғ ва Арманистонда ҳарбий вазият киритиб, мобилизация эълон қилинган.
©
Sputnik / Рамиз Бахтияров
Эслатиб ўтамиз, Қорабоғдаги дастлабки ҳарбий тўқнашувлар 1988 йилда бошланган эди. Ўшанда Озарбайжон таркибига кирувчи Тоғли-Қорабоғ автоном вилояти Республика таркибидан чиқишини эълон қилган эди. 1992 - 1994 йилларда бўлиб ўтган жанговор тўқнашувлардан сўнг Озарбайжон Қорабоғ ва унинг атрофидаги 7та туман устидан назоратни йўқотган эди. Шу вақтдан бери ушбу ҳудудда тинчлик ўрнатиш музокаралари олиб борилмоқда. Озарбайжон ўз ҳудуддий яхлитлигини сақлаб қолишни, Арманистон эса Тоғли Қорабоғни ҳимоя қилишни истайди.
Ўзбекистонга 26 давлатдан телевизор импорт қилинди
ТОШКЕНТ, 28 сен — Sputnik. Ўзбекистонга хориждан 230,6 минг дона телевизор ва унинг қисмлари импорт қилинди, деб хабар қилди Давлат статистика қўмитаси матбуот хизмати.
1 сентябрь ҳолатига кўра, республикага қиймати 5,3 миллион долларга тенг бўлган 230,6 минг дона телевизор ва унинг қисмлари импорт қилинган.
Ўтган йилнинг мос даврига нисбатан бу йил телевизор ва унинг қисмлари импортига 2,8 миллион доллар кам сарфланган.
Ўзбекистон 26 та давлатдан телевизор ва унинг қисмлари импорт қилган. Импорт ҳажми юқори бўлган давлатлар орасида Хитой (3,2 млн.), Корея (820 минг), Қозоғистон (435,6 минг) ва 87 минг доллар билан Германияни кўриш мумкин.
Республикада ўтган йили қиймати 946,3 млрд. сўмлик 951 минг дона телевизор ишлаб чиқарилган.