Эрдўғон Су-57 қирувчиларини сотиб олиш бўйича музокара олиб борилаётганини айтди

731
(Янгиланган 18:33 30.08.2019)
Москва ва Анқара Су-57 қирувчиларини етказиб бериш бўйича музокара олиб бормоқда.

ТОШКЕНТ, 30 авг – Sputnik. Москва ва Анқара Су-57 қирувчиларини етказиб бериш бўйича музокара олиб бормоқда, бу ҳақда Туркия президенти Ражаб Таййип Эрдўғон маълум қилди.

“Музокаралар олиб борилмоқда, улар давом этади. Вазирлик вакиллари МАКС-2019 дан кейин Россияда қолиб ишлашмоқда. Биз музокаралар столига кредит ва биргаликда ишлаб чиқариш бўйича шартларни қўйган ҳолда ҳаракат қиламиз”, - деди Туркия президенти.

Агар Вашингтон F-35 қирувчиларни Туркияга етказиб бериш бўйича позициясини ўзгартирмаса, Анқара “бу вазиятдан чиқиш йўлинии қидиради” деб қўшимча қилди Эрдўғон.

Ўтган сешанба куни Россия ва Туркия президентлари МАКС-2019 халқаро авиасалонга ташриф буюрди. Эрдўғонда Су-35 ва Су-57 самолётлари катта қизиқиш уйғотди.

Эрдўғон Владимир Путиндан “бу самолёт учадими, уни сотиб олиш мумкинми?” деб сўради. Россия президенти эса “Ҳа, сотиб олишингиз мумкин” деб жавоб қайтарди. 

Анқаранинг Россиянинг С-400 зенит-ракета тизимини сотиб олиши Туркия ва АҚШ ўртасида жанжални келтириб чиқарди. Вашингтон келишувдан воз кечишни ва эвазига Patriot комплексларини сотиб олишни талаб қилди. Акс ҳолда, Қўшма Штатлар Анқаранинг сўнгги F-35 қирувчи самолётларини сотишни кечиктириш ёки ҳатто бекор қилиш мумкинлигини истисно қилмади.

Июл ойи охирида Доналд Трамп Анқара Россиянинг ҳаво мудофаа тизимини сотиб олишда айбламаслиги, аммо унга мўлжалланган F-35 қирувчи самолётлари бошқа мамлакатларга сотилиши мумкинлигини айтди.

Туркиянинг F-35 дастуридаги иштирокини тўхтатди.

731

"Аллақандай машқлар": Бош штаб Россия чегараси яқинидаги хавфли ҳолатлар ҳақида

593
(Янгиланган 14:42 26.09.2020)
Сўнгги ойда Россия давлат чегаралари ёнида НАТОнинг 30тага яқин стратегик авиациялари самолётлари қайд этилган. НАТО бирлашмалари РФга бевосита яқин ҳудудларда "ўзларининг аллақандай машқлари устида ишламоқдалар".

ТОШКЕНТ, 26 сен - Sputnik. РФ Мудофаа вазирлиги Қуролли кучлари Бош штаби қўмондони Валерий Герасимов RTга берган интервьюсида НАТО ва АҚШнинг ёпиқ ҳарбий машқларнинг ёпиқлиги ҳақида гапирди. Унинг айтишича, НАТО ва Қўшма Штатлар Москванинг ҳавода ва денгизда хавфли ҳарбий фаолиятнинг олдини олиш бўйича битим юзасидан аниқлик киритиш таклифини ҳам мутлақо эътборсиз қолдирмоқда.

Герасимовнинг сўзларига кўра, "Кавказ-2020" стратегик машқлари 2019 йилнинг декабрида Мудофаа вазирлиги коллегиясида эълон қилинган, машқлар бошлангунига 10 кун қолганида эса бошқа давлатлар ҳарбий атташеларига ўқув машқлари мақсадларри, вазифалари ва таркиби ҳақида маълумот берилган.

"Россия Мудофаа вазирлиги умуман олганда очиқ сиёсатни юритади… Биз Қўшма Штатлар ва уларнинг НАТО блоки бўйича шерикларидан жавобан худди шундай ҳаракатларни кўрмаяпмиз. Хусусан, уларнинг машғулотларига ҳеч қачон таклифлар бўлмаган", - деган Валерий Герасимов.

У шунингдек, сўнгги ойда Россия давлат чегаралари ёнида НАТОнинг 30тага яқин стратегик авиациялари самолётлари қайд этилганини эслатди. Бундан ташқари, НАТО бирлашмалари РФга бевосита яқин ҳудудларда "ўзларининг аллақандай машқлари устида ишламоқдалар".

"Биз жанжалли ҳолатларга олиб келиши мумкин бўлган қандайдир ҳодисалар рўй беришини истамаймиз. Шу боис, бизнинг ҳарбий учувчиларимиз ва ҳарбий-денгиз флоти кемаси командирлари ўзларини амалдаги ҳалқаро-ҳуқуқий ҳужжатларга мувофиқ босиқ тутмоқдалар", - деб қайд этган Россия Бош штаби раҳбари.

593
Виноградная лоза и вино в бокале на винодельческом предприятии Массандра в Крыму.

Маст қилувчи фонтан: Испанияда завод қизил вино кўлмаги остида қолди видео

227
Испаниядаги бу корхона эллик минг литр қизил винодан маҳрум бўлган. Ҳодиса сабаблари ҳозирча номаълум.

Авария Испаниядаги Вильямалеа вино тайёрлаш ҳудудида рўй берган, деб хабар қилади LAD Bible.

Таъкидланишича, вино завод ҳудудига ёйилиб кетган. Ичимлик сақланиши учун мўлжалланган цистернада ёриқ юз берган ва қимматбаҳо ичимлик айнан шу туйнук орқали оқиб кетган.

Видеодаги кадрларда қизил винодан иборат фонтаннинг қандай вужудга келгани акс этган: ичимлик темир цистерналардан фотнан бўлиб отилиб, саноқли дақиқаларда завод ҳудудида каттагина кўлмак ҳосил қилди.

Ҳодиса оқибатида корхона умумий ҳисобда 50 минг литр алкогол ичимликни йўқотган.

Бахтсиз ҳодиса сабаблари ҳозирча маълум эмас.

227
Задержание подозреваемого

Қидирувдаги урганчлик аёл БААда қўлга олинди

29
26 ёшли З.М. уч йил илгари БААнинг Ажман шаҳрига фоҳишалик билан шуғулланиш учун борган. Кейин бир танишини БАА давлатига фоҳишалик билан шуғулланиш учун ёллаган.

ТОШКЕНТ, 27 сен — Sputnik. Жорий йилнинг 5 апрель куни БАА давлатининг Ажман шаҳрида фоҳишалик билан шуғулланиб юрган Ўзбекистон фуқароси З.М. қўлга олинган. 25 сентябрь куни Дубай-Тошкент авиарейси орқали мамлакат ҳудудига олиб келинди. Бу ҳақда Ўзбекистон ИИВ матбуот хизмати хабар қилмоқда.

Маълум бўлишича, 26 ёшли З.М. 2017 йилда БААнинг Ажман шаҳрига фоҳишалик билан шуғулланиш учун борган. 2018 йилда Янгиариқ туманида яшовчи 26 ёшли Э.Г. исмли танишини БАА давлатига фоҳишалик билан шуғулланиш учун ёллаган.

Шу боис унга нисбатан 2018 йилнинг 23 август  кунидан Ўзбекистон ЖКнинг 135-моддаси 2-қисми (Одам савдоси) билан  жиноят иши қўзғатилиб, қидирувга берилган эди.  

Ҳозирда З.М.ни Урганч шаҳри бўйича ИИО ФМБ ТБга топшириш чоралари кўрилмоқда.

29