На мечеть, построенную Атамбаевым, наложен арест

Атамбаев қурдирган масжидга тақиқ қўйилди

593
(Янгиланган 16:18 03.09.2019)
Бишкек суди томонидан Қирғизистон собиқ президенти Алмазбек Атамбаев қурдирилган масжидга тақиқ солинди.

ТОШКЕНТ, 3 сен – Sputnik. Бишкек суди томонидан Қирғизистон собиқ президенти Алмазбек Атамбаев қурдирган масжидга тақиқ қўйилди, деб хабар қилди Sputnik Қирғизистон.

Ҳарбий прокуратура тергов жараёнида “7 апрель қаҳрамонларига” деб номланган масжид Атамбаев томонидан барпо этилгани маълум бўлди. Масжид жойлашган ер участкаси “Форум” илмий-саноат фирмаси номига расмийлаштирилган.  

“Первомайск туман суди қарорига кўра ушбу мулк ҳибс қилинди”, - дейилган хабарда.

Ҳозирги вақтда масжид қурилишига сарфланган маблағ манбалари аниқланмоқда.

Эслатиб ўтамиз, бундан аввал мамлакат бош прокуратураси қарорига асосан Атамбаев ва унинг оиласига тегишли бўлган 135 та мол-мулк хатлаб қўйилганди.

593
Мавзу:
Қирғизистон собиқ президенти Алмазбек Атамбаев қўлга олиниши (48)
Голосование на избирательном участке в Минске на выборах президента Беларуси

Беларусда президент сайловлари дастлабки натижалари эълон қилинди

76
(Янгиланган 11:43 10.08.2020)
Беларусь Марказий сайлов комиссияси президент сайловларининг дастлабки натижаларини эълон қилди. Амалдаги президент Александр Лукашенко 80,23 фоиз овоз олган.

ТОШКЕНТ, 10 авг — Sputnik. Беларусь Марказий сайлов комиссияси президент сайловларининг дастлабки натижаларини эълон қилди. Бу ҳақда Sputnik Беларусь нашри хабар қилмоқда.

Маҳаллий вақт билан соат 9:00 ҳолатига кўра дастлабки натижалар қуйидагича:

  • Александр Лукашенко 80,23%
  • Светлана Тихановская 9,90%
  • Анна Канопацкая 1,68%
  • Сергей Черечень 1,13%
  • Андрей Дмитриев 1,04%

МСК маълумотларига кўра, сайловчиларнинг 6,02 фоизи ҳаммага қарши овоз берган. Сайловда сайловчиларнинг 84,23 фоизи иштирок этган.

Эслатиб ўтамиз, мустақилликка эришган Беларусь тарихидаги олтинчи президент сайловлари 9 август куни бўлиб ўтди.

76
Пара на скутере перед ОМОНом во время акции протеста после закрытия избирательных участков на президентских выборах в Беларуси

Беларусда намойишчилар ва ОМОН ўртасида тўқнашувлар юз берди - видео

64
(Янгиланган 11:44 10.08.2020)
Ўтган тунда Беларусь пойтахтида ва бир қатор вилоят марказларида тартибсизликлар юз берди. Полиция намойишчиларни тарқатиш учун шовқинли гранаталар қўллади.

ТОШКЕНТ, 10 авг — Sputnik. Ўтган тунда Беларусда қатор тартибсизликлар юз берди.

Минскда exit poll’нинг биринчи натижалари эълон қилингандан сўнг оппозицион етакчилар чақирувига биноан аҳоли  “овозларни санаш жараёнини назорат қилиш учун” сайлов участкаларига келишни бошлади.

Сайлов участкалари ёпилишидан олдин ҳам, полиция кучлари Мустақиллик саройи, президент қароргоҳи яқинида ўрнатилган стела олдида тўплана бошлаган эди.

Соат 22ларда Минск марказидаги Ғалаба майдонида намойишчилар ўртасида тўқнашув юз берди.

Ҳуқуқ-тартибот идоралари ходимлари ноқонуний намойиш қўлга олишни бошладилар. Ўша вақтда мингга яқин одам тўпланганди.

Полиция намойишчиларни тарқатиш учун шовқинли гранаталар қўллади. Намойишчилари полиция томон файер ёндириб улоқтиришди.

Минск кўчаларида турли портлаш овозлари эшитилди. Намойишчилар тўпланган жойларга ташланган милиция уларни куч билан тинчитишга уринди.

Бир нечта намойишчи ва журналист жароҳат олди.

Полиция юк машинаси намойишчи устига ҳаракатланди

Минск марказида полиция намойишчиларни тарқатиш учун махсус машиналардан фойдаланди. Бир неча киши, улардан бири жиддий жароҳат олди.

Тарқалган видеолардан бирида юк машинаси намойишчилар устига ҳаракатлангани ва бир киши унга ёпишиб олгани, кейин эса ерга йиқилгани кўринган.

Беларуснинг бошқа вилоятларда ҳам нотинч эди. Витебск марказидаги Ленин майдонида ҳам намойишчиларни қўлга олинди. Майдон яқинидаги кўчалар тўсиб қўйилди.

Брест, Грондо марказида ҳам намойиш акцияларига тўпланган кишилар ОМОН кучлари томонидан тарқатилди, қўлга олинганлар бор. Полиция намойишчиларга қарши кўздан ёш оқиздирувчи газ қўллади.

Айни вақтда Минск маркази намойишчилардан бўшаб қолди. Кўчаларда махсус техника, ОМОН кучлари қолмоқда. Кўчаларда қолган намойишчилар ушланмоқда.

Республика Тергов қўмитаси хабар беришича, тартибсизликлар ва зўравонлик ҳолатлари бўйича жиноят ишлари қўзғатилди. Тартибсизликлар ташкилотчилари ва иштирокчилари 8 йилдан 15 йилгача озодликдан маҳрум этиш жазоси берилиши мумкин.

64

Доллар, евро яна кўтарилди

28
Марказий банк хорижий валюталарнинг сўмга нисбатан янги қийматини белгилади. Доллар курси ўтган ҳафтага нисбатан 21,85 сўмга кўтарилди.

ТОШКЕНТ, 10 авг — Sputnik. Марказий банк хорижий валюталарнинг сўмга нисбатан 11 августдан бошлаб янги қийматини белгилади.

Доллар курси ўтган ҳафтага нисбатан 21,85 сўмга кўтарилиб, 10 231,71 сўм ташкил қилди.

Евро ҳам 38,00 сўмга ошди ва 12 059,09 сўмни ташкил қилди.

Россия рубли 1,19 сўмга юқорилаб, 138,65 cўмни ташкил қилди.

28