Такой помощи не надо — Атамбаев высказался о $100 млн от Казахстана

Атамбаев ўзи фигурант бўлган жиноят иши мажлисига келишдан бош тортди

442
(Янгиланган 12:35 11.10.2019)
Айнан шу жиноят иши туфайли Қирғизистонда катта тартибсизликлар содир бўлган эди. Унда 130 дан ортиқ киши жабрланди ва бир нафар спецназ яраланиб ҳалок бўлди.

ТОШКЕНТ, 11 окт - Sputnik. Қирғизистоннинг собиқ президенти Алмазбек Атамбаев “жиноий авторитет” Азиз Батукаевнинг ноқонуний озод этилиши иши бўйича суд мажлисига келишдан бош тортди. Бу ҳақда РИА Новости хабар қилмоқда.

Бугун Бишкекнинг Первомайск туман судида қонундаги ўғри Азиз Батукаевнинг ноқонуний озод этилиши иши бўйича суд мажлиси бошлади. Ушбу жиноят ишида Атамбаев асосий фигурантлардан бири ҳисобланади.

“Қўриқчилар бошлиғи Алмазбек Шаршенович судга боришдан бош тортганини айтди. Ўзимдан шуни қўшимча қиламанки, у (Атамбаев – таҳр.) илгари ҳам ушбу барча қонунга хилоф ҳаракатларда иштирок этмоқчи эмаслигини айтганди”, - деган собиқ президентнинг адвокати Сергей Слесарев.

Адвокатнинг сўздарига кўра, кейинги суд мажлиси 14 октябрь кунига тайинланган. Ҳозирча кейинги суд мажлисларида собиқ президентнинг иштирок этиши ёки этмаслиги номаълум.

Батукаев иши

Азиз Батукаев 2006 йилнинг август ойида Аламудин туман суди ҳукми билан 16 йилу 8 ойга озодликдан маҳрум қилинган. Шунингдек, унинг  молу мулки мусодара қилинган. Батукаев 2006 йилда Бишкек шаҳри яқинида колонияда оммавий тартибсизлик уюштирганликда ва ҳужум пайтида Қирғизистон парламенти депутати Тиничбек Акматбаев, жазони ижро этиш бошқармаси раҳбари Икматулла Полотов ва парламентнинг икки нафар ходимини ўлдиришда айбланган.

Азиз Батукаев 2013 йил 9 апрелда “оғир касаллик” туфайли шартли равишда озод қилинган. У бундан фойдаланиб, Қирғизистон ҳудудини тарк этган.

Қирғизистон ИИВ маълумотига кўра, Батукаев ҳозирда Чеченистонда ноқонуний қурол сақлагани учун жазо муддатини ўтамоқда.

“Жиноий авторитет”га нисбатан жиноий ишни қайта қўзғатилганини 17 апрель куни Қирғизистон бош прокурори Откурбек Жамшитов маълум қилди.

Алмазбек Атамбаевга мазкур жиноят иши юзасидан сўроққа келиш тўғрисида уч марта чақирув қоғози юборилган эди. Қирғизистон ИИВ таъкидига кўра, айнан Атамбаев Азиз Батукаевни озод қилиш тўғрисида фармон берган. Собиқ президентнинг сўроқ келишдан бош тортиши, уни куч билан қўлга олиш махсус амалиёти билан якунланди.

442
Мавзу:
Қирғизистон собиқ президенти Алмазбек Атамбаев қўлга олиниши (45)
Телефон Samsung Galaxy Note 7

Смартфонларни “ўлдирадиган” расм интернетда тарқалди

407
(Янгиланган 20:45 01.06.2020)
Samsung смартфонларини ишдан чиқарадиган расм твиттерда тарқалди. Компания айни вақтда бу муаммони ўрганиб чиқмоқда.

ТОШКЕНТ, 1 июн — Sputnik. Ice Universe никли твиттер фойдаланувчиси Samsung сматфонларини ишдан чиқаришга қодир бўлган суратни чоп этди.

“Бу суратни ҳеч қачон “заставка”га ўрнатманг, айниқса Samsung смартфонларига”, - деб огоҳлантирди у.

Расмда қуёшнинг ботиши фонида тоғлар ва кўл манзараси тасвирланган.

Фойдаланувчилар фотосурат ўрнатгандан сўнг, уларнинг гаджетлари қайта ишга тушиш, милтиллаш ва ўчириб қолишни бошлади. Смартфон эгаларининг баъзилари барча маълумотларни ўчиб кетганини айтишди.

Кейинчалик пост муаллифи Samsung компанияси ушбу муаммога муносабат билдиргани ва махсус “янгиланиш” тайёрланишини маълум қилди.

407

Косачёв АҚШдаги намойишларга Россия алоқадорлиги ҳақидаги сўзларни ёлғон деб атади

205
АҚШ президентининг миллий хавфсизлик масалалари бўйича собиқ маслаҳатчиси Сюзан Райс илгарироқ АҚШдаги норозиликлар ортида Россия турган бўлиши мумкинлигини айтди.

ТОШКЕНТ, 1 июн - Sputnik. АҚШда норозилик намойишларини уюштирганликда Россияни айблаш, ҳам доимгидек, сохта хабарларга асосланган яна бир Россияга қарши кампаниянинг бир қисми бўлиши мумкин, деди Россия Федерация Кенгаши халқаро қўмитаси раҳбари Константин Косачёв.

АҚШ президентининг миллий хавфсизлик масалалари бўйича собиқ маслаҳатчиси Сюзан Райс илгарироқ АҚШдаги норозиликлар ортида Россия турган бўлиши мумкинлигини айтди. Райс бирон бир исбот ёки аниқ далил келтирмади.

“Амалга ошди. Американинг сохта хабарлар машинаси узоқ кутилган ҳаракатларга ёғсираб ғичираб, шанғиллаб киришди”, -  деб ёзди Косачёв фейсбукда.

“Бу жуда кулгили бўлган бўлар эди. Бироқ бу жуда қайғули бўлади, чунки қарғалар учишидан олдин биринчи қалдирғоч бўлиши мумкин”, - деди сенатор.

Парламент аъзосининг сўзларига кўра, расмий Вашингтон онгига "бу сафар Америка шаҳарларида содир бўлаётган барча даҳшатлар етиб боради – жабрланаётганларнинг барчасига ва бўлажакларига самимий ҳамдардлик сўзлари, ҳамда, миллий фожиа устидан сиёсий ўйинларга йўл қўймаслик учун оддийгина  ўзини ўзи асраш инстинкти етарлича бўлишига ишонч билдирган.

Косачёв, шунингдек, Райснинг баёноти тўғридан-тўғри ҳақорат эканини таъкидлади –  бу нафақат бу ҳолатда умуман аралашмаган Россияга, балки ўз ҳалқи ва АҚШ фуқароси Жорж Флойднинг хотирасига нисбатан ҳақоратдир.

Афро-америкалик Жорж Флойд полиция қўлидан ҳалок бўлганидан кейин Миннеаполис ва бошқа бир қатор шаҳарларда тартибсизликлар авж олди. Интернетда полициячилар Флойдни кишанлаб, уни йиқитиб, учтаси унинг устига чиқиб олгани, улардан бири эса томоғини тиззаси билан эзиб тургани тасвирланган видеолар пайдо бўлди. Видеода Флойд бир неча бор нафас ололмаётганини айтади, сўнгра тинчланиб қолади. У жонлантириш бўлмида вафот этди. Тартибсизликлар бошланганидан кейин тўрт нафар полициячи ишдан бўшатилди, улардан бири эҳтиётсизлик натижасида одам ўлдиришда айбланмоқда.

205

Ўзбекистонда коронавирус: сўнгги хабарлар

733
(Янгиланган 22:58 01.06.2020)
Бугуннинг ўзида 22 нафар бемор тузалиб, реабилитацияга кузатилди. Республика бўйлаб жами соғайганлар сони 2 859 нафарга етди.

ТОШКЕНТ, 1 июн — Sputnik. Sputnik Ўзбекистон республикада коронавирус билан боғлиқ бўлган асосий хабарларни тўплади.
Бир сутка давомида 50 кишида коронавирус аниқланди, охирги маълумотларга кўра, Ўзбекистонда коронавирус инфекцияси қайд этилганлар сони 3 673 нафарни ташкил қилмоқда.

Даволаниш кўрсаткичи

Бугуннинг ўзида 22 нафар бемор тузалиб, реабилитацияга кузатилди. Жами соғайганлар сони 2 859 нафар.

Айни пайтда 799 нафар беморга белгиланган стандартлар бўйича даво чоралари кўрилмоқда. Аҳволи оғир —  8 нафар. Ўта оғир — 1 нафар.

Бозордаги янги ҳолат

“Ўрикзор"даги яна бир сотувчи ва Юнусободдаги дўкон сотувчиси, уларнинг оила аъзоларида коронавирус аниқланган. Жумладан, "Ўрикзор" савдо мажмуасида дўкон сотувчиси ва унинг қизида, шунингдек, сотиш учун маҳсулотларни ушбу савдо мажмуасидан олиб, Юнусобод туманида жойлашган дўконида фаолият кўрсатувчи сотувчи ва унинг турмуш ўртоғида ҳам  коронавирус тасдиқланган.

Хорижий давлатлардан ёрдам

Хитой Ўзбекистонга навбатдаги умумий оғирлиги 21,5 тоннадан (тиббий комбинезонлар, КН95 ниқоблари ва қўлқоплар) иборат бўлган инсонпарварлик ёрдамини юборди.  

Шунингдек, Ўзбекистоннинг Сеулдаги элчихонаси томонидан жалб этилган 97 минг 240 доллар миқдоридаги инсонпарварлик ёрдами Тошкентга етиб боради.

Ёрдам рўйхатидан замонавий шприцли насослар, 15 минг қадоқда антисептик воситалар, 12 дона тиббий кровать ва автоматик механизмга эга бўлган кўп функцияли кўрпалар жой олган.

Стикерсиз ҳаракатланиш

Бугундан бошлаб Самарқанд шаҳри ҳудуди бўйлаб стикерсиз ҳаракатланишга рухсат берилади. 

Қайд этилишича, автотранспорт воситаларининг махсус рухсатномасиз (стикерсиз) ҳаракатланишига фақатгина куннинг муайян вақтида (07:00 дан – 10:00 гача, 17:00 дан – 20:00 гача) рухсат берилади.

Фуқаролар автотранспортда иш жойига бориб-келиши, тиббий буюмлар, дори воситалари, озиқ-овқат ва биринчи галдаги маҳсулотларни харид қилиш учун ҳаракатланиши керак.

Дунё саломатлиги

COVID-19 дунёнинг деярли барча давлатга етиб борди. БССТнинг сўнгги маълумотларига кўра, дунёда янги коронавирус инфекциясини юқтириб олган кишиларнинг сони 5,9 миллиондан ошди, 367 минг киши вафот этди.

733