Мисс Москва 2015 Оксана Воеводина и экс-король Малайзии Мухаммад V Фарис

Собиқ қирол Москва гўзалига фарзанди учун жуда катта пул таклиф қилди

2422
(Янгиланган 19:54 07.11.2019)
Малайзия собиқ қироли Муҳаммад V Оксана Воеводинага фарзанди Леон учун ишонч жамғармасини очишни таклиф қилди.

ТОШКЕНТ, 7 ноя – Sputnik. Малайзия собиқ қироли Муҳаммад V ўзининг собиқ рафиқаси, “Мисс Москва” унвони соҳибаси Оксана Воеводинага фарзанди Леон учун ишонч жамғармасини очишни таклиф қилди, деб хабар қилди РИА Новости Daily Mail нашрига асосан.

Ҳисобдаги маблағ 250 минг долларни ташкил этади. Бироқ бунинг эвазига собиқ қирол у ва фарзанд билан ҳеч қандай алоқа қилмаслигини ҳамда уни диний таълимга асосланган ислом урф-одатлари бўйича тарбияланишини талаб қилди.

Келишувнинг яна бир шарти - бу Воеводина фарзанди ва собиқ турмуш ўртоғи фото-суратларини жойлаштирган ижтимоий тармоқдаги барча аккаунтларини ёпиш керак. Унинг инстаграм саҳифасида 570 мингга яқин обуначилари бор.

Жамғармадан ташқари Султон Воеводинага 10 ой давомида 100 минг доллар ажратишга тайёр эканлигини маълум қилди. Бироқ Оксана бу таклифга рози эмас ва суд орқали фарзанднинг қирол ойиласи аъзоси эканлиги ва тахтга ҳуқуқи борлигини исботламоқчи.

Муҳаммад V эса Воеводинанинг фарзанди отаси ҳар қандай осиёлик кўринишга эга бўлган эркак бўлиши мумкинлигини таъкидламоқда.

Бундан аввал Оксана интервьюлардан бирида унинг никоҳи ҳомиладорликнинг тўртинчи ойида бузилганлигини айтган. Аёлнинг сўзларига кўра, бу ҳақда интернетдан билиб олган, у билан шахсан ҳеч ким боғланмаган. Воеводина ҳеч қандай расмий ҳужжат олмаганлигини таъкидламоқда.

2018 йил ноябрда россиялик модель ва Муҳаммад V тўйи бўлган эди. Апрел ойида аёл ислом динини қабул қилиб, Рихана исмини олганди. Бир ярим ойдан кейин тўсатдан қирол тахтдан воз кечди.

21 май куни оилада ўғил фарзанд туғилди, унинг исмини Тенку Исмоил Леон Петр Бин Тенку Муҳаммад V Фарис Петр деб қўйилди.

2422

Кремл "Путин қасри" ҳақидаги хабарлар юзасидан изоҳ берди

575
(Янгиланган 20:21 20.01.2021)
Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган суриштирувни асоссиз сафсата ва компиляция деб атади.

ТОШКЕНТ, 20 янв — Sputnik. Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган текширувни асоссиз сафсата ва компиляция деб атади.

Куни кеча Навальний жамоаси президент Қора денгиз қирғоғида 100 миллиард рублга қаср қургани тўғрисидаги материални эълон қилди.

"Биласизми, бу мавзу 3-4 йил олдин тармоққа ташланганди. Ва бу ҳолатда қуруқ сафсата қилинмоқда, мана бу ҳийла-найранглардан фойдаланишга бир неча бор уринишди. Кўпинча ўзларини қийнашмаяпти ҳам <...> ҳеч бўлмаганда бирон бир нарсани исботлаш эмас, ҳеч бўлмаганда тасвирлаб беришга минимал уринишлар билан” - деди президент матбуот котиби Дмитрий Песков.

У ягона янгилик бу - "монтаж ҳикоялари"дан фойдаланиш бўлган, дея тахмин қилди.

"У ерда, маълум бир қасридаги бассейнда, Путиннинг Енисейда сузиб юргани акс этган <...> бутун дунёда тарқалган <...> тасвирлар қўшиб қўйилган. Бу шундай қуруқ констатация", - деб тушунтирди Кремл вакили.

Бундан ташқари, Песков россияликларни "ФБК муттаҳамларига" пул ўтказмасликка чақирди, бундай текширувлар – бу фирибгарлик эканлигини таъкидлади.

"Давлат раҳбарига қарши тайёрланган ва тайёрланаётган ахборот хужумлари ҳақида аллақачон бизга маълум. Улар бўлган, афсуски, давом этади. Бу ҳолатда президент мавжуд бўлмаган мулкка эгалик қилишда айбланмоқда. Бутун мол-мулк Россия президенти томонидан ҳар йили декларацияланади ва чоп этилган йиллик декларацияда акс этган", - деб хулоса қилди Песков.

575
Теглар:
Навальний, Кремль, Москва, Россия
Мавзу бўйича
Кремль ЕИнинг Навальний туфайли санкцияларига муносабат билдирди
Олимпиада-Навальний жанжали: АҚШ ва Британия энг қимматли нарсасини қутқармоқда
Лавров ЕИнинг Навальний туфайли санкцияларига муносабат билдирди
Навальний иши: Россия Европа Иттифоқига қарши санкция қўллади
Навальний билан боғлиқ ҳолат бўйича жиноят ишини қўзғатишга асос йўқ - Лавров
Коронавирус, Беларусь, Қорабоғ ва Навальний: РФ ташқи разведка раҳбари билан интервью

Мелания Трамп Оқ уйнинг 70 йиллик анъанасини бузди

750
(Янгиланган 18:32 20.01.2021)
Мелания Трамп АҚШ бўлажак биринчи хоними Жил Байденни Оқ уй бўйлаб экскурсияга таклиф қилишдан бош тортди.

ТОШКЕНТ, 20 янв — Sputnik. Мелания Трамп АҚШ бўлажак биринчи хоними Жил Байденни Оқ уй бўйлаб экскурсияга таклиф қилишдан бош тортиб, 70 йиллик анъанани бузди. Бу ҳақда LADbible портали хабар қилди.

Анъанага кўра, кетишдан аввал биринчи хоним турмуш ўртоғи президентлигининг сўнгги кунларида 2-3 қаватлардаги хоналар бўйлаб экскурсия уюштиради. 70 йил давомида АҚШ президентлари рафиқалари бўлажак биринчи хонимлар билан чой ичиб, уларга Оқ уй "хўжалиги"ни топширадилар. 4 йил олдин Мелания ўзи собиқ биринчи хоним Мишел Обама билан чой базмида меҳмон бўлиб, президент қароргоҳи бўйлаб сайр қилган.

Таъкидланишича, Мелания биринчи хонимнинг лавозимидан 47 фоиз маъқуллаш рейтинги билан тарк этади, бу аввалги хонимларга қараганда анча паст.

Бу анъана 1952 йилда президент Гарри Трумэннинг рафиқаси Бесс Трумэн Дуайт Эйзенхауэрнинг рафиқаси Мэми Эйзенхауэрни Оқ уй бўйлаб экскурсияга таклиф қилишидан бошланган.

АҚШнинг янги президентининг инаугурацияси 20 январ куни бўлиб ўтади. Дональд Трамп маросимда қатнашмаслигини айтганди. У инаугурациядан тўрт соат олдин Вашингтонни тарк этади.

750
Теглар:
инаугурация, сайлов, Мелания Трамп, Дональд Трамп, АҚШ
Мавзу бўйича
Дональд Трамп президент бўлгани шарафига Мелания билан рақс тушди
Дональд ва Мелания Трамплар Мирзиёевга мактуб йўллашди
Трамп ва Мелания Шавкат Мирзиёевга табрик йўллашди
Мелания Трампнинг сариқ рангдаги кўйлаги қизғин муҳокама қилинмоқда
“Дональд - жангчи”: Мелания Трамп эрини қўллаб-қувватлади
Мелания қиёфадоши? Трамп яна рафиқасини алиштириб қўйишда гумонланмоқда
Джо Байден вступил в должность президента США

Жо Байден қасамёдддан сўнг қатор муҳим ўзгаришларни амалга оширди

14
(Янгиланган 09:53 21.01.2021)
Эслатиб ўтамиз, 78 ёшда бўлган демократ Байден АҚШнинг 46-президенти бўлди. У ноябрда бўлиб ўтган сайловларда республикачи Дональд Трамп устидан ғалаба қозонди. Трамп Байден инаугурациясида иштирок этишдан воз кечди

ТОШКЕНТ, 20 янв - Sputnik. Жо Байден қасамёд қилди ва АҚШ президенти лавозимини бажаришга киришди.

"Мен, Жо Байден, Қўшма Штатлар президенти вазифаларини виждонан бажаришга ва Қўшма Штатлар Конституциясини кучим борича қўллаб-қувватлашга, муҳофаза қилишга ва ҳимоялашга тантанали равишда қасамёд қиламан", - деб айтди Байден чап қўлини Инжилга қўйган ҳолда.

Инаугурациясида қатнашган қатор олий мартабали меҳмонлар, жумладан, сайланган вице-президент Камала Харрис ҳам бинафша рангдаги либосларни кийганлар.

Эслатиб ўтамиз, 78 ёшда бўлган демократ Байден АҚШнинг 46-президенти бўлди. У ноябрда бўлиб ўтган сайловларда республикачи Дональд Трамп устидан ғалаба қозонди. Трамп Байден инаугурациясида иштирок этишдан воз кечди.

Шу вақтгача Байден қатор ўзгаришларни амалга оширишга улгурди.

Хусусан, пайшанба куни у Яқин Шарқ мамлакатлари вакилларининг АҚШга киришига тақиқ қўйган, "Мусулмонларга тақиқ" деб ном олган қарорни бекор қилди.

2017 йилда Дональд Трамп президент сифатида Эрон, Ливия, Сурия, Яман, Сомали, Судан ва Ироқ фуқароларига АҚШга киришни тақиқлаган эди.

Аммо Трампнинг ушбу қарори маҳаллий даражадаги қатор суд инстанциялари томонидан ноқонуний деб топилгач, ҳужжат таҳрир қилинган, рўйхатдан Ироқ ва Судан олиб ташланган, аммо Чад ва КХДР фуқаролари, шунингдек, Венесуэла амалдорлари киритилган эди.

Шунингдек, АҚШнинг янги президенти Қўшма Штатларнинг Бутунжаҳон Соғлиқни сақлаш ташкилотига қайтиши тўғрисидаги фармонни имзолади.

Вашингтон ташкилотдан ўтган йилнинг ёзида чиққан эди – Трамп ташкилотни ислоҳотлардан воз кечганликда, шунингдек, пандемия вақтида нотўғри ҳаракат қилганликда айблаган.

Бундан ташқари, Байден АҚШни иқлим бўйича Париж битимига қайтарди ва Мексика билан чегарада девр қурилишини тўхтатди. Деворнинг бир қисми қурилиб бўлган эди, Байден қурилган иншоотни бузмоқчи эмаслигига шама қилди.

14