Турецкий флаг

Туркия "Ислом давлати" жангариларини Европага юбориш билан таҳдид қилмоқда

567
(Янгиланган 05:34 09.11.2019)
Туркия ИИВ раҳбари сўзларига кўра, Туркия қамоғида 1,2 минг нафар жангари сақланмоқда, яна 287 нафари Сурия шимолида амалга оширилган ҳарбий операцияда қўлга олинган.

ТОШКЕНТ, 8 ноя - Sputnik. Туркия "Ислом давлати" жангариларини ўз ватанларига қайтаришни режалаштирмоқда, деб баёнот қилди мамлакат ИИВ раҳбари Сулейман Сойлу.

"Биз уларга (Европага) "Биз сизларга бу одамларни қайтарамиз", дедик ва бу ишни душанбадан бошлаб амалга оширамиз", - деган Сойлу.

Сойлу сал олдин ҳам Туркия асир олинган "ИД" террористик ташкилоти жангариларини улар Яқин Шарқга кириб келган манзил - Европага қайтариши ҳақида маълум қилган эди.

Сойлу таъкидига кўра, Туркия қамоғида 1,2 минг нафар жангари сақланмоқда, яна 287 нафари Сурия шимолида амалга оширилган ҳарбий операцияда қўлга олинган.

567
Смотровая вышка на кыргызско-таджикском участке границе

Тожикистон МХДҚ Қирғизистон билан чегарадаги отишма сабабини айтди

406
Қайд этилишича, чегарадаги отишма натижасида 19 ёшли тожикистонлик ҳарбий хизматчи оёғидан ярадор бўлган.

ТОШКЕНТ, 24 май — Sputnik. Тожикистон Миллий хавфсизлик давлат қўмитаси Қирғизистон билан чегарада юзага келган вазият юзасидан баёнот берди.

Мамлакат МХДҚ Чегара қўшинлари матбуот хизмати хабарига кўра, қирғиз томони Тожикистон билан чегарада илгари имзоланган битимларни бузган. Якшанба куни Чичилик қишлоғидан бўлган қирғиз чўпонлари чегарани кесиб ўтиб, Суғд вилояти ҳудудига ўтган.

Чегараолди режими бузилиши Пули Офтобрўя қишлоғи аҳолисининг норозилигига сабаб бўлган ва улардан Тожикистон ҳудудини тарк этишларини сўрашган.

“Қирғиз томони чегаранинг баҳсли ҳудудлари чизиғини белгилайдиган икки томонлама битимга риоя қилмасдан ҳодиса жойига чегарачиларнинг қўшимча кучини жўнатган ва улар Пули Офтобрўянинг қуролсиз одамларига қарата ўт очган”, - дейилган хабарда.

Қайд этилишича, отишма натижасида 19 ёшли тожикистонлик ҳарбий хизматчи оёғидан ярадор бўлган.

Тожик томони қирғиз чегарачиларининг ушбу провакацион хатти-ҳаракатларини давлат чегарасидаги вазиятни сунъий беқарорлаштиришга уриниш деб баҳолаган.

Ҳозирги вақтда Қирғизистон ва Тожикистоннинг тегишли орган вакиллари вазиятни нормаллаштириш учун аҳоли ўртасида тушунтириш ишларини олиб бормоқда

Аввалроқ Қирғизистон ва Тожикистон чегарасида навбатдаги қисқа отишма содир бўлгани хабар қилинган эди. Қирғизистон Давлат чегара хизмати хабарига кўра, қирғиз чегарачилари Баткент вилояти ҳудудида Тожикистоннинг Ворух қишлоғи аҳолисининг мол боқишга бўлган уринишини олдини олишган. Шунингдек, тожик томонидан номаълум шахслар қирғизистонлик чегарачиларга қарата ўт очгани айтилган эди.

406
Сотрудник в лаборатории

Россияда COVID-19га қарши самарали дори пайдо бўлди

715
(Янгиланган 18:14 24.05.2020)
“Авифавир” деб номланган дорининг биринчи партияси касалхоналарга жўнатилган ва у ўзининг самарадорлигини кўрсатган.

ТОШКЕНТ, 24 май — Sputnik. Россия олимлари коронавирус билан касалланганларни даволаш учун дори ишлаб чиқиб, уни синовдан ўтказишди. Бу ҳақда “Вести” хабар қилмоқда.

“Авифавир” деб номланган дорининг биринчи партияси касалхоналарга жўнатилган ва у ўзининг самарадорлигини кўрсатган.

Таъкидланишича, ушбу дори тавсия қилинган COVID-19 беморлари икки марта тезроқ тузалиб кетган.

“Ушбу дори касаллик енгил даражада кечаётган вақтда “тутган” беморларимизда жуда самарали. Пневмания аломатлари ва ўлчами кичрайиб, ортга қайтади”, - дейди Россия президенти ишлари бошқармаси Марказий клиник шифохонасининг кардиологи Никита Ломакин.

Даволаниб чиққан бемор Ольга Сорокина ўз кечинмалари билан ўртоқлашган. У ушбу дори тайинланган биринчи беморлардан бири бўлган.

Аёл 40 даража ҳарорат ва ўпка яллиғланиши билан касалхонага ётқизилган. Унинг сўзларига кўра, унга биринчи кундан “Авифавир” беришни бошлашган, учинчи куниёқ у ўзини яхши ҳис қила бошлаган.

Ушбу дорини ичганларнинг бешинчи куни COVID-19га топширган тести манфий чиққан. Дорининг клиник тадқиқотлари икки ҳафтадан сўнг якунланиши айтилмоқда.

Шу тариқа, Россия дунёда COVID-19га қарши самарали дори ишлаб чиқарган уч давлатдан бири бўлади. Бугунги кунга қадар Япония (“Фавипиравир” дориси, аммо уни топиш қийин) ва АҚШ (“Ремдизивир”, дори касаллик давомийлигини 15 кундан 11 кунга камайтиради) самарали дори ишлаб чиқарган эди.

Сўнгги маълумотларга кўра, дунёда коронавирус билан боғлиқ ҳолат 5,3 миллиондан ошиб кетган. 342 мингга яқин киши ушбу вирус қурбони бўлган. 2,1 миллиондан зиёд киши эса тузалиб кетган.

715
Жасур Яхшибоев

Яхшибоев Беларусь чемпионатида яна пешқадамга айланди

75
Жасур Яхшибоев футбол бўйича Беларусь чемпионатининг 10-турида голлари сонини 7 тага етказди ва тўпурарлар пойгасида биринчи ўринга кўтарилди.

ТОШКЕНТ, 24 май — Sputnik. Ўзбекистонлик легионер, “Энергетик-БГУ” ўйинчиси Жасур Яхшибоев Беларусь чемпионатида тўпурарлар пойгасида биринчи ўринга кўтарилди.

“Ислочь” клубига қарши ўтган ўйиннинг 13-дақиқасида Жасур Яхшибоев 11 метрлик масофадан белгиланган жаримани мукаммал бажарди ва голлари сонини 7 тага етказишга муваффақ бўлди. "Энергетик-БГУ” жамоаси рақибларини 2:1 ҳисобида мағлубиятга учратди. Учрашувда Жасур Яхшибоев тўлиқ ҳаракат қилган бўлса, Шаҳбоз Умаров 78-дақиқада захирага олинди.

Шу тариқа, ушбу ғалаба эвазига “Энергетик-БГУ” мусобақа жадвалида иккинчи ўринга (21 очко) чиқиб олди ва пешқадам БАТЭдан бир очкога ортда қолмоқда.

75