Тожикистон расмийлари яна икки ҳарбий ҳалок бўлганини тасдиқлади

778
(Янгиланган 00:32 09.11.2019)
Сўғд вилояти расмийлари чегара постида жангарилар ҳужуми оқибатида яна икки ҳарбий ҳалок бўлганини тасдиқлади. Республика ИИВ сукут сақламоқда.

ТОШКЕНТ, 8 ноя – Sputnik. Тожик-ўзбек чегарасидаги "Ишқобод" постига қилинган ҳужум қурбонлари ҳақида янги тафсилотлар маълум бўлди. Жангарилар томонидан ўлдирилган ҳарбийлар сони беш нафарни ташкил қилди, деб хабар қилди Sputnik Тожикистон вилоят хокимлиги вакилларига асосан.

Хабарда айтилишича, капитан Диловар Толибов дафн маросими Канибодомда, оддий аскар Хофизжон Хусайнов эса Панжикентда бўлиб ўтди. Унда Сўғд вилояти хокими ўринбосарлари, шаҳар мэрлари, чегара хизмати раҳбарлари иштирок этди.

Канибодом шаҳри мэри ўринбосари Асрор Гуфонзода Sputnik Тожикистон билан суҳбатда Диловар Толибовнинг дафн маросими 7 ноябр соат 10 да бўлганлигини маълум қилди. Унда Канибодом раҳбари Зафарбек Давлатзода ва Сўғд вилояти раиси ўринбосари Рустам Каримзода иштирок этди.

“Диловар Толибов Конибодом шаҳридаги Казокон қабристонида дафн этилди”, - деди Гуфонзода.

Зобит Диловар Толибов 29 ёшда эди. 2014 йил ҳарбий билим юртини битиргандан сўнг чегара қўшинларига хизматини давом этиш учун юборилганди.

Панжикент шаҳри Фарьёб жамоати раҳбари Амонқул Хамроев Sputnik Тожикистон’га Хофизжон Хусайнов дафн этилгани ҳақида маълум қилди. Унинг сўзларига кўра, жанозада Сўғд вилояти раҳбари биринчи ўринбосари, Панжикент шаҳри мэри Ислом Зиёзода, чегара хизмати бошлиғи ўринбосари иштирок этди.

Тожикистон Ички ишлар вазирлиги дастлаб икки нафар ходим: Иззатулло Абубакр ва Баҳром Шаҳзода ҳалок бўлгани ҳақида хабар қилганди. Бундан ташқари, яна бир ходим Ғанижон Давлат ўлдирилгани ҳақида айтилди.

Тожикистон ҳуқуқ-тартибот идоралари қурбонлар тўғрисида маълумотни тасдиқламади ёки рад этмади.

Ҳодисадан сўнг икки кун давомида бу мудҳиш фожиа ҳақида батафсил маълумот Тожикистон расмий идоралари сайтларида берилмади.

778
Смотровая вышка на кыргызско-таджикском участке границе

Тожикистон МХДҚ Қирғизистон билан чегарадаги отишма сабабини айтди

406
Қайд этилишича, чегарадаги отишма натижасида 19 ёшли тожикистонлик ҳарбий хизматчи оёғидан ярадор бўлган.

ТОШКЕНТ, 24 май — Sputnik. Тожикистон Миллий хавфсизлик давлат қўмитаси Қирғизистон билан чегарада юзага келган вазият юзасидан баёнот берди.

Мамлакат МХДҚ Чегара қўшинлари матбуот хизмати хабарига кўра, қирғиз томони Тожикистон билан чегарада илгари имзоланган битимларни бузган. Якшанба куни Чичилик қишлоғидан бўлган қирғиз чўпонлари чегарани кесиб ўтиб, Суғд вилояти ҳудудига ўтган.

Чегараолди режими бузилиши Пули Офтобрўя қишлоғи аҳолисининг норозилигига сабаб бўлган ва улардан Тожикистон ҳудудини тарк этишларини сўрашган.

“Қирғиз томони чегаранинг баҳсли ҳудудлари чизиғини белгилайдиган икки томонлама битимга риоя қилмасдан ҳодиса жойига чегарачиларнинг қўшимча кучини жўнатган ва улар Пули Офтобрўянинг қуролсиз одамларига қарата ўт очган”, - дейилган хабарда.

Қайд этилишича, отишма натижасида 19 ёшли тожикистонлик ҳарбий хизматчи оёғидан ярадор бўлган.

Тожик томони қирғиз чегарачиларининг ушбу провакацион хатти-ҳаракатларини давлат чегарасидаги вазиятни сунъий беқарорлаштиришга уриниш деб баҳолаган.

Ҳозирги вақтда Қирғизистон ва Тожикистоннинг тегишли орган вакиллари вазиятни нормаллаштириш учун аҳоли ўртасида тушунтириш ишларини олиб бормоқда

Аввалроқ Қирғизистон ва Тожикистон чегарасида навбатдаги қисқа отишма содир бўлгани хабар қилинган эди. Қирғизистон Давлат чегара хизмати хабарига кўра, қирғиз чегарачилари Баткент вилояти ҳудудида Тожикистоннинг Ворух қишлоғи аҳолисининг мол боқишга бўлган уринишини олдини олишган. Шунингдек, тожик томонидан номаълум шахслар қирғизистонлик чегарачиларга қарата ўт очгани айтилган эди.

406
Сотрудник в лаборатории

Россияда COVID-19га қарши самарали дори пайдо бўлди

716
(Янгиланган 18:14 24.05.2020)
“Авифавир” деб номланган дорининг биринчи партияси касалхоналарга жўнатилган ва у ўзининг самарадорлигини кўрсатган.

ТОШКЕНТ, 24 май — Sputnik. Россия олимлари коронавирус билан касалланганларни даволаш учун дори ишлаб чиқиб, уни синовдан ўтказишди. Бу ҳақда “Вести” хабар қилмоқда.

“Авифавир” деб номланган дорининг биринчи партияси касалхоналарга жўнатилган ва у ўзининг самарадорлигини кўрсатган.

Таъкидланишича, ушбу дори тавсия қилинган COVID-19 беморлари икки марта тезроқ тузалиб кетган.

“Ушбу дори касаллик енгил даражада кечаётган вақтда “тутган” беморларимизда жуда самарали. Пневмания аломатлари ва ўлчами кичрайиб, ортга қайтади”, - дейди Россия президенти ишлари бошқармаси Марказий клиник шифохонасининг кардиологи Никита Ломакин.

Даволаниб чиққан бемор Ольга Сорокина ўз кечинмалари билан ўртоқлашган. У ушбу дори тайинланган биринчи беморлардан бири бўлган.

Аёл 40 даража ҳарорат ва ўпка яллиғланиши билан касалхонага ётқизилган. Унинг сўзларига кўра, унга биринчи кундан “Авифавир” беришни бошлашган, учинчи куниёқ у ўзини яхши ҳис қила бошлаган.

Ушбу дорини ичганларнинг бешинчи куни COVID-19га топширган тести манфий чиққан. Дорининг клиник тадқиқотлари икки ҳафтадан сўнг якунланиши айтилмоқда.

Шу тариқа, Россия дунёда COVID-19га қарши самарали дори ишлаб чиқарган уч давлатдан бири бўлади. Бугунги кунга қадар Япония (“Фавипиравир” дориси, аммо уни топиш қийин) ва АҚШ (“Ремдизивир”, дори касаллик давомийлигини 15 кундан 11 кунга камайтиради) самарали дори ишлаб чиқарган эди.

Сўнгги маълумотларга кўра, дунёда коронавирус билан боғлиқ ҳолат 5,3 миллиондан ошиб кетган. 342 мингга яқин киши ушбу вирус қурбони бўлган. 2,1 миллиондан зиёд киши эса тузалиб кетган.

716
Жасур Яхшибоев

Яхшибоев Беларусь чемпионатида яна пешқадамга айланди

77
Жасур Яхшибоев футбол бўйича Беларусь чемпионатининг 10-турида голлари сонини 7 тага етказди ва тўпурарлар пойгасида биринчи ўринга кўтарилди.

ТОШКЕНТ, 24 май — Sputnik. Ўзбекистонлик легионер, “Энергетик-БГУ” ўйинчиси Жасур Яхшибоев Беларусь чемпионатида тўпурарлар пойгасида биринчи ўринга кўтарилди.

“Ислочь” клубига қарши ўтган ўйиннинг 13-дақиқасида Жасур Яхшибоев 11 метрлик масофадан белгиланган жаримани мукаммал бажарди ва голлари сонини 7 тага етказишга муваффақ бўлди. "Энергетик-БГУ” жамоаси рақибларини 2:1 ҳисобида мағлубиятга учратди. Учрашувда Жасур Яхшибоев тўлиқ ҳаракат қилган бўлса, Шаҳбоз Умаров 78-дақиқада захирага олинди.

Шу тариқа, ушбу ғалаба эвазига “Энергетик-БГУ” мусобақа жадвалида иккинчи ўринга (21 очко) чиқиб олди ва пешқадам БАТЭдан бир очкога ортда қолмоқда.

77