Президент РФ В. Путин

Путин ва Зеленский илк учрашув олдидан қўнғироқлашди

326
(Янгиланган 12:08 26.11.2019)
Суҳбат 9 декабрда Парижда бўлиб ўтиши режалаштирилган “норманд шаклидаги” учрашув арафасида бўлиб ўтган.

ТОШКЕНТ, 26 ноя — Sputnik. Россия президенти Владимир Путин украниналик ҳамкасби Владимир Зеленский билан телефон орқали мулоқот қилди. Бу ҳақда Кремль матбуот хизмати хабар қилди.

Таъкидланишича, суҳбат Киев ташаббуси билан 9 декабрда Парижда бўлиб ўтиши режалаштирилган “норманд шаклидаги” учрашув арафасида бўлиб ўтган.

Хабарда ёзилишича, икки давлат раҳбарлари 2018 йил ноябрда Россия чегарасини бузган Украинанинг учта ҳарбий кемасини қайтариб берилиши мавзусини муҳокама қилишган.

Ўз навбатида, Зеленскийнинг офиси Facebook᾽да Украина етакчиси Киевга қайтарилган кемалардаги ҳужжатлар ва жиҳозларни қайтаришни илтимос қилганини маълум қилди.

Бундан ташқари, суҳбатда Россия газини Украинага тўғридан-тўғри етказиб беришни давом эттириш ва қайта тиклаш масалалари муҳокама қилинган.

Хабарда президентлар турли даражадаги алоқаларни давом эттиришга келишиб олганлари қўшимча қилинган.

Эслатиб ўтамиз, “норманд шаклидаги” саммит 9 декабрь куни Парижда бўлиб ўтади.  Украина бўйича “норманд шаклидаги” музокаралар 2014 йил июнь ойидан буён мавжуд. Саммитда Донбассдаги вазиятни барқарорлаштириш масаласи муҳокама қилинади.

326
Автомобильная дорога, ведущая к городу Душанбе

Тожикистон ФВҚ минус 50 даража совуқ бўлиши ҳақида огоҳлантирди

774
(Янгиланган 19:43 27.01.2021)
Тожикистон Фавқулодда вазиятлар қўмитаси аҳолини минус 50 даража қаттиқ совуқ бўлиши ҳақида огоҳлантирди.

ТОШКЕНТ, 27 янв — Sputnik. Тожикистон Фавқулодда вазиятлар қўмитаси аҳолини қаттиқ совуқ бўлиши ҳақида огоҳлантирди, деб хабар қилди Sputnik Тожикистон.

Тожикистон метеорология агентлигининг хабар беришича, республиканинг тоғли ва тоғ олди ҳудудларида 29 январга қадар совуқ об-ҳаво бўлиши кутилмоқда.

Кечаси баъзи туманларда термометр минус 16-21 даражагача тушади, ТБАОнинг шарқий қисмида 36-41 даража совуқ бўлиши кутилади. Помирнинг шарқий қисмида - Булункулда ҳарорат 51-53 даражагача пасаяди.

Фавқулодда вазиятлар қўмитаси фуқароларга хавфсизлик чораларига риоя қилиш зарурлиги ҳақида эслатди.

Аввалроқ, январь бошида Тожикистонга минус 40 даражадаги Сибир совуғи келиши ҳақида хабар бергандик.

774
Теглар:
ФВВ, совуқ, об-ҳаво, Тожикистон

Фақат кўп қиррали ҳамкорлик инсониятни қутқариб қолади - Путин Давос форумида нима деди

328
(Янгиланган 17:46 27.01.2021)
“Бир чўққили дунё” қуришга бўлган уриниш даври тугади, энди кўп қиррали ҳамкорликни йўлга қўйишимиз керак, - деди Путин.

ТОШКЕНТ, 27 янв - Sputnik. Россия президенти Владимир Путин Давосс форумининг очилиш маросимида онлайн нутқ сўзлади.

Ўз сўзида Россия президенти бугунги кунда дунёда содир бўлаётган глобал жараёнлар ва муаммолар, коронавирус пандемияси ва вакцина яратиш масалалари ҳақида тўхталиб ўтди.

Владимир Путин айтишига қараганда, 2020 йилда содир бўлган COVID-19 пандемияси инсоният учун мисли кўрилмаган чақириқ бўлган. Коронавирус туфайли бутун дунёда иқтисодий ва ижтимоий муаммолар кескинлашган. 

Биринчи навбатда, бунга сабаб - иқтисодий муаммолар. Камбағал давлатлар ва жамиятнинг даромади кам бўлган қатлами пандемия оқибатида янада оғир аҳволга тушиб қолиши оқибатида норозилик даражаси кескин ошиб бормоқда. Бу эса келажакда давлатларни, жамиятларни парчаланишига, барчанинг барчага қарши уруши бошланиши мумкин.

Россия президенти фикрига кўра, дунёда сўнгги бир неча ўн йилликда олиб борилган глобализация жараёнлари  – фақат Америка ва Европанинг йирик корпорациялари даромади ошишига олиб келган. Дунёдаги энг йирик рақамли компаниялар эса ҳукуматлар билан рақобат қилиш даражасига етган.

“Инсоният тарихида турли давлат ва жамиятлар орасида рақобат, кураш, манфаатлар тўқнашуви ҳеч қачон тўхтамаган, лекин пандемия каби барча учун оғир бўлган даврларда – барча давлатлар саъй-ҳаракатларини бирлаштириши мақсадга мувофиқ бўлар эди. Менимча ҳозир айнан ана шундай вақт”, - деди Путин.  

Бундай ҳамкорлик, хусусан коронавирусга қарши вакцина яратиш соҳасида йўлга қўйилиши мумкин. Коронавирусга қарши вакцинани барча давлатларга, жумладан Африка давлатларига ҳам етказиб бериш керак.

Иккинчидан, бадавлат давлатлар камбағал давлатлар билан маслаҳатлашган ҳолда миграция муаммоларини ҳам ҳал қилиши мумкин. 

Россия президенти, шунингдек “бир чўққили дунё” қуришга бўлган уриниш даври тугаганини  маълум қилди. Ушбу вазиятда глобал можарога йўл қўйилса – инсоният цивилизацияси йўқ бўлиб кетиши хавфи жуда катта.

Бугунги кунда давлатлар бир бири билан кўп қиррали ҳамкорликни йўлга қўйишлар керак. Ана шунда барча сиёсий, иқтисодий ва гуманитар муаммоларни енгиш мумкин бўлади, дейди Путин.

Нутқ сўнггида Россия президенти Европа давлатларига ўтган замон қўрқувларидан воз кечиб Россия билан тўлақонли ҳамкорликни йўлга қўйишга чақирди.

328