СМИ на пресс-конференции

ОАВда ёмон обрўга эга қримлик амалдор юқори лавозимни эгаллай олмайди

233
(Янгиланган 18:58 05.12.2019)
Эндиликда қримлик амалдор юқори лавозимни эгалламоқчи бўлса, ахборот майдонида яхши обрўга эга бўлиш ҳақида қайғуриши лозим.

ТОШКЕНТ, 5 дек - Sputnik. Қрим амалдорлари оммавий ахборот воситаларида унга берилган тавсифномани инобатга олган ҳолда лавозимга тайинланади. Бу ҳақда Қрим коррупцияга қарши курашиш қўмитаси раиси Александр Акшатин маълум қилди.

“Масалан, фуқаро Иванов вазир ўринбосари лавозимига тайинланмоқда, бироқ ОАВда унинг олдинги фаолияти, қўшнилар билан бўлган ўзаро муносабати ҳақида кўплаб салбий маълумотлар чоп этилган”,  - дея Акшатин сўзларидан келтиради РИА Новости.

Унинг фикрига кўра, ОАВни назар-писанд қилмаслик ярамайди, чунки бу инсон ҳақида тўлиқ маълумотга эга бўлишга ёрдам берувчи ўзгача восита саналади.

Акшатин амалдор ҳақидаги тавсифномаларни тўплаш учун мавжуд бўлган базалардан фойдаланилишини таъкидлаган.

Шунингдек, у 2020 йил май ойидан Қримда ҳукумат органларида коррупция даражасини баҳоловчи янги тизим ишга тушишини эслатиб ўтган.

“Ходиминг пора олди, сен ҳам ишдан кет!” – Қозоғистонда янги қонун

Яқинда Ўзбекистонда маҳаллий амалдорларнинг журналистлар билан мулоқотдаги муомаласи кенг муҳокамаларга сабаб бўлди. Президент Шавкат Мирзиёев баъзи раҳбарлар халқ билан, матбуотчилар билан мулоқотда оддий муомала маданиятини, маънавиятни унутиб қўйишаётганини афсус билан қайд этган эди.

233
Теглар:
амалдор, ОАВ, Қрим
Мавзу бўйича
Бош прокуратура сўконғич ҳоким ишини текширишни бошлади
Фарғона вилояти ҳокимлиги "Шуҳрат Ғаниев ўз халқи учун аламдан гапиргани"га аниқлик киритди
Ортиқхўжаев сўзларида реал таҳдид йўқ – Бош прокуратура хулосаси
Папа римский Франциск

Рим папаси бутун дунёни яна сув босишини башорат қилди

77
Понтифик Ной ўзининг эзгу ишлари туфайли сув босганда омон қолишга муваффақ бўлганини эслатиб, фуқаролар ва сиёсатчиларни ақл билан иш қилишга чорлади

ТОШКЕНТ, 2 мар - Sputnik. Инсоният дунёни сув босиши ҳодисасини бошдан кечириши мумкин, деди Рим папаси Франциск.

Унинг айтишича, бу фожиа турли давлатларнинг етакчилари глобал исишга қарши куриш учун чораларни кўрмайдиган тақдирда юз беради.

"Агар биз шу йўлдан бораверсак, у (бутунжаҳон сув босиши — Sputnik) юз беради", – дея иқтибос келтиради Рим папаси сўзларидан Corriere della Sera нашри.

Понтифик Ной фақат ўзининг эзгу-амаллари туфайли дунёни сув босганда омон қолганини эслатиб ўтди. У "воқеаларга, дунёга ва унинг муаммоларига хайрихоҳ бўлган ҳолда" ҳамжиҳатликда ҳаракатланиш кераклигини таъкидлаб, фуқаролар ва сиёсатчиларни ақл билан иш тутишга чақирди.

Сал аввал понтифик махсус фикр-мулоҳазалар йили ҳақида эълон қилган эди. Рим папаси бу йилни тез орада - 2021 йилнинг 19 мартида очиб бериши кутилмоқда.

77

Байден Горбачёвни юбилей билан табриклади

424
(Янгиланган 20:45 02.03.2021)
АҚШ президенти Жо Байден СССР собиқ раҳбари Михаил Горбачёвни юбилей билан табриклади. 2 март куни СССРнинг собиқ президенти 90 ёшни қаршилади.

ТОШКЕНТ, 2 мар — Sputnik. АҚШ президенти Жо Байден СССР собиқ раҳбари Михаил Горбачёвни юбилей билан табриклади. РИА Новости хабарига асосан.

Бугун, 2 март куни СССРнинг собиқ президенти 90 ёшни қаршилади.

"Америка халқи номидан сизни 90 ёшингиз билан табриклайман. Бу сизнинг афсонавий ҳаётингиздаги муҳим воқеа. Мардлик ва озодликка бўлган садоқатингиз, ўнлаб йиллар давомида қийин, аммо зарур қарорларни қабул қилганингиз туфайли дунё хавфсизроқ бўлди ва бу ҳали ҳам илҳом манбаи бўлиб қолмоқда", - деб ёзилган мактубда.

Горбачёв-фонди матбуот хизмати бошлиғи Павел Палажченко маълум қилишича, мактубда СНВ-3 шартномаси хусусида ҳам тўхталган.

"Мен чин дилдан умид қиламанки, СНВ-3 шартномасининг беш йилга узайтирилиши, Сиз бошлаган ишни давоми биргаликдаги саъй-ҳаракатлар йўлида АҚШ ва Россия келгусида ҳам ҳамкорлик қилиши мумкинлигидан далолат беради", - дейилган табрик мактубида.  

424
Теглар:
СССР, юбилей, Михаил Горбачёв, АҚШ, Россия

Беларусь бош вазири ўринбосари Александр Субботин делегация таркибида Тошкентга келади

19
Сафар дастуридан Ўзбекистон Вазирлар Маҳкамаси, вазирлик ва идораларда музокаралар ўтказиш, Беларусь-Ўзбекистон ишбилармонлар кенгаши йиғилишида қатнашиш, қўшма корхоналарга, беларуслик шериклар билан фаол ҳамкорлик қилаётган ўзбек компанияларига ташрифлар ўрин олган

ТОШКЕНТ, 3 мар — Sputnik. Беларусь Республикаси бош вазири ўринбосари Александр Субботин бошчилигидаги беларус делегацияси 2021 йилнинг 3-5 март кунлари Ўзбекистонга ташриф буюради.

Делегация Тошкентда бўлиб ўтадиган икки давлат ўртасидаги икки томонлама ҳамкорлик бўйича қўшма ҳукуматлараро комиссиянинг 8-йиғилишида иштирок этади. Учрашув икки мамлакат бош вазирлари ўринбосарлари - Aлександр Субботин ва Сардор Умурзоқов раислигида ўтказилади.

Сафар дастуридан Ўзбекистон Вазирлар Маҳкамаси, вазирлик ва идораларда музокаралар ўтказиш, Беларусь-Ўзбекистон ишбилармонлар кенгаши йиғилишида қатнашиш, қўшма корхоналарга, беларуслик шериклар билан фаол ҳамкорлик қилаётган ўзбек компанияларига ташрифлар ўрин олган.

"Ташриф доирасида икки мамлакат ташқи ишлар вазирликлари раҳбарларининг биринчи ўринбосарлари даражасида вазирликлараро сиёсий маслаҳатлашувлар бўлиб ўтади", - дейилади ушбу мамлакатнинг Ўзбекистондаги элчихонаси сайтида.

Чет эллик меҳмонлар минтақалараро ҳамкорликни кенгайтириш ва кооперация лойиҳаларини амалга ошириш бўйича музокаралар бўлиб ўтиши режалаштирилган Олмалиқ ва Самарқанд шаҳарларида бўладилар.

Делегациянинг расмий қисми саноат, қишлоқ хўжалиги ва озиқ-овқат, таълим, ташқи ишлар, транспорт ва коммуникациялар, соғлиқни сақлаш вазирликлари, Давлат стандарти, Миллий Фанлар академияси ва бошқа бўлимларнинг раҳбарлари томонидан тақдим етилган.

Делегациянинг расмий қисми саноат, қишлоқ хўжалиги ва озиқ-овқат, таълим, ташви ишлар, транспорт ва коммуникациялар, соғлиқни сақлаш вазирликлари раҳбарлари, Давлат стандарти, Миллий фанлар академияси ва бошқа идоралар раҳбарларидан ташкил топган.

Делегациянинг ишбилармонлар қисмини: беларуснинг машинасозлик, енгил, озиқ-овқат ва фармацевтика саноатлари соҳалари корхоналари раҳбарлари, беларус етакчи ОТМлари ректорлари ташкил этмоқда.

Маълумот учун: 2020 йилда Ўзбекистон ва Беларус ўртасидаги товар айланмаси ҳажми 280,1 млн долларни (2019 йилдаги кўрсаткичга нисбатан 117,1% ошган) ташкил этган. Беларус товарлари экспорти ҳажми – 237,5 млн долларни, импорт ҳажми эса – 42,6 млн долларни ташкил қилди.

Куни кеча, транспорт дипломатияси мавзусига бағишланган доира суҳбатида ўзбек юк ташувчилари Беларус чегарасида ўз ҳуқуқлари поймол этилаётганидан арз қилишган эди. Уларнинг сўзларига кўра, агар чегара постидан кунига 50та фура ўтаётган бўлса, улардан фақат биттаси Ўзбекистонники бўлади. Ўзбекистондан келаётган юк транспортларини қўшимча кўрикдан ўтишга мажбур этишмоқда ва бу кўрик баъзан бир ҳафтага чўзилиб, ўзбекистонлик юк ташувчиларга 400 долларга тушмоқда.

Ўзбекистон Транспорт вазири ўринбосари Жасур Чориев Ўзбекистон томони бу муаммодан бохабарлигини ва айни вақтда унга ечим топиш билан шуғулланаётганини таъкидлади.

19