Пленарное заседание Госдумы РФ

Жириновский Ельцинни “Россия тарихидаги энг мудҳиш жиноят”да айблади

2362
ЛДПР раҳбари Владимир Жириновский қайси ҳодиса “Россия тарихидаги энг мудҳиш жиноят” эканини маълум қилди.

ТОШКЕНТ, 8 дек — Sputnik. Россия Либерал-демократик партияси раиси Владимир Жириновский Россия биринчи президенти Борис Ельцинни мамлакат тарихидаги энг мудҳиш жиноятда айблади.

Жириновскийнинг фикрига кўра, Беловежск, яъни СССРни тарқатиб юбориш битимининг имзоланиши “Россия тарихидаги энг мудҳиш жиноят” бўлган.

Унинг сўзларига кўра, битимни имзолаган Россия ва Украина президентлари Борис Ельцин ва Леонид Кравчук ҳамда Белоруссия Олий кенгаш раиси Станислав Шушкевичнинг СССРни тарқатиб юбориш учун ваколатлари бўлмаган.

“Бунинг учун ҳеч қандай асос йўқ эди: на маънавий, на иқтисодий. Инсоният тарихида кўплаб ҳарбий ва давлат тўнтаришлари бўлган, лекин ҳеч ким ҳеч қачон мамлакатни тарқатиб юбормаган”, - дея ёзган у телеграм каналида

2362
Теглар:
СССР, Жириновский
Мавзу бўйича
Жириновский Иккинчи жаҳон уруши бошланишида Польшани айбдор деб топишни таклиф қилди
Россия президенти СССР парчаланиши сабабларини айтди
Жириновский Россия қандай ҳолатда Украинани йўқ қилиши мумкинлигини айтди
Папа римский Франциск

Рим папаси бутун дунёни яна сув босишини башорат қилди

64
Понтифик Ной ўзининг эзгу ишлари туфайли сув босганда омон қолишга муваффақ бўлганини эслатиб, фуқаролар ва сиёсатчиларни ақл билан иш қилишга чорлади

ТОШКЕНТ, 2 мар - Sputnik. Инсоният дунёни сув босиши ҳодисасини бошдан кечириши мумкин, деди Рим папаси Франциск.

Унинг айтишича, бу фожиа турли давлатларнинг етакчилари глобал исишга қарши куриш учун чораларни кўрмайдиган тақдирда юз беради.

"Агар биз шу йўлдан бораверсак, у (бутунжаҳон сув босиши — Sputnik) юз беради", – дея иқтибос келтиради Рим папаси сўзларидан Corriere della Sera нашри.

Понтифик Ной фақат ўзининг эзгу-амаллари туфайли дунёни сув босганда омон қолганини эслатиб ўтди. У "воқеаларга, дунёга ва унинг муаммоларига хайрихоҳ бўлган ҳолда" ҳамжиҳатликда ҳаракатланиш кераклигини таъкидлаб, фуқаролар ва сиёсатчиларни ақл билан иш тутишга чақирди.

Сал аввал понтифик махсус фикр-мулоҳазалар йили ҳақида эълон қилган эди. Рим папаси бу йилни тез орада - 2021 йилнинг 19 мартида очиб бериши кутилмоқда.

64

Байден Горбачёвни юбилей билан табриклади

419
(Янгиланган 20:45 02.03.2021)
АҚШ президенти Жо Байден СССР собиқ раҳбари Михаил Горбачёвни юбилей билан табриклади. 2 март куни СССРнинг собиқ президенти 90 ёшни қаршилади.

ТОШКЕНТ, 2 мар — Sputnik. АҚШ президенти Жо Байден СССР собиқ раҳбари Михаил Горбачёвни юбилей билан табриклади. РИА Новости хабарига асосан.

Бугун, 2 март куни СССРнинг собиқ президенти 90 ёшни қаршилади.

"Америка халқи номидан сизни 90 ёшингиз билан табриклайман. Бу сизнинг афсонавий ҳаётингиздаги муҳим воқеа. Мардлик ва озодликка бўлган садоқатингиз, ўнлаб йиллар давомида қийин, аммо зарур қарорларни қабул қилганингиз туфайли дунё хавфсизроқ бўлди ва бу ҳали ҳам илҳом манбаи бўлиб қолмоқда", - деб ёзилган мактубда.

Горбачёв-фонди матбуот хизмати бошлиғи Павел Палажченко маълум қилишича, мактубда СНВ-3 шартномаси хусусида ҳам тўхталган.

"Мен чин дилдан умид қиламанки, СНВ-3 шартномасининг беш йилга узайтирилиши, Сиз бошлаган ишни давоми биргаликдаги саъй-ҳаракатлар йўлида АҚШ ва Россия келгусида ҳам ҳамкорлик қилиши мумкинлигидан далолат беради", - дейилган табрик мактубида.  

419
Теглар:
СССР, юбилей, Михаил Горбачёв, АҚШ, Россия

Ўзбекистонда коронавирус билан касалланганлар 80 мингдан ошиб кетди

14
Ўзбекистонда пандемия бошлангандан буён коронавирус билан касалланганлар сони 80 000 нафардан ошди.

ТОШКЕНТ, 3 мар — Sputnik. Ўтган кун Ўзбекистонда яна 45 кишида коронавирус аниқланди. Жами касалланганлар сони 80006 нафарни ташкил этмоқда. Бу ҳақда Соғлиқни сақлаш вазирлиги хабар қилди.

Янги касалланганларнинг 1 нафари Андижон вилоятида, 6 нафари Сурхондарё вилоятида, 1 нафари Хоразм вилоятида, 2 нафари Тошкент вилоятида, 35 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Мамлакатдан ушбу касалликдан соғайганлар жами сони 78549 нафарга етган ва соғайиш кўрсаткичи 98 фоизни ташкил қилмоқда.

Айни пайтда тиббиёт муассасаларида даволанаётган 835 нафар бемордан 146 нафари оғир, 27 нафари эса ўта оғир аҳволда.

14
Теглар:
коронавирус пандемияси, коронавирус, Ўзбекистон