Боевики Исламского государства (ИГИЛ)

“ИД” Марказий Осиёга бостириб кириш учун плацдарм тайёрламоқда Патрушев

1762
Патрушев жангариларнинг якуний мақсади Афғонистон ва Марказий Осиё мамлакатлари ҳудудини бирлаштирувчи Буюк Хуросон деб аталувчи давлат тузиш эканини таъкидлади.

ТОШКЕНТ, 18 дек — Sputnik. Россия Хавфсизлик кенгаши котиби Николай Патрушев тақиқланган “Ислом давлати” террорчилик ташкилоти Афғонистонда Марказий Осиёга бостириб кириш учун плацдарм (майдон) тайёрлаётганини маълум қилди, дея хабар қилмоқда РИА Новости.

Унинг сўзларига қараганда, Афғонистонда хавфсизлик соҳасидаги вазият беқарорлигича қолмоқда. “ИШИД”нинг кучайиши катта ташвишга солмоқда.

Патрушев Афғонистон ҳукумати кучларининг яқинда ўтказган амалиёти натижасида 600 нафардан зиёд жангариларнинг йўқ қилингани ёки асирга олинганига қарамай, мамлакатда турли маълумотларга кўра 2,5 мингга яқин жангарилар қолмоқда.

“Ишидчилар асосий саъй-ҳаракатларини ўзларини Афғонистон шимолида бўлишларига қаратишмоқда. У ерда аллақачон икки мингдан зиёд жангарилар толибларга қарши курашиш ва Тожикистон ва Туркманистон орқали Марказий Осиё минтақасига бостириб киришга тайёргарлик кўриш учун тўпланган”, - деди Патрушев Теҳронда Хавфсизлик кенгаши котиблари ва Афғонистон бўйича миллий хавфсизлик маслаҳатчилари йиғилишида.

Генерал Дўстум Афғонистон шимолига кенг кўламли юриш бошлади

Патрушев жангариларнинг якуний мақсади Афғонистон ва Марказий Осиё мамлакатлари ҳудудини бирлаштирувчи Буюк Хуросон деб аталувчи давлат тузиш эканини таъкидлади.

1762
Теглар:
Афғонистон, жангарилар, ИД
Мавзу бўйича
Чегара постига ҳужум қилган жангариларнинг мақсади Ўзбекистон бўлган - Холиқназар
Бортников Россияда йил бошидан буён нечта жангарилар бошлиқлари йўқ қилинганини очиқлади
Тожикистондаги чегара постига уюштирилган ҳужум ортида ким тургани маълум бўлди

Россия яна бир давлат билан авиа-қатновларни тиклади

312
23 ноябрдан бошлаб Венесуэла Россия билан авиа қатновларни қайта тиклайди – деб хабар қилди Венесуэла фуқаролик авиацияси хизмати.

ТОШКЕНТ, 23 ноя — Sputnik. 23 ноябрь куни Венесуэла Россия билан авиа қатновларни қайта тиклайди, деб хабар қилди Лотин Америкаси давлатининг фуқаролик авиацияси хизмати.

"Фуқаро авиацияси хизмати ... 23 ноябрдан бошлаб Россия ва Боливиядан тижорат рейслари очилиши тўғрисида хабар беради", - дейилган хабарда.

Ушбу 2та йўналиш Мексика, Доминикан Республикаси, Эрон, Туркия ва Панамага очиладиган рейсларга қўшилади.

Бир неча кун олдин Венесуэла президенти Николас Мадуро яқинда Венесуэла ва Россия ўртасида тўғридан-тўғри рейслар очилишини эълон қилганди.

Венесуэладаги Conviasa авиакомпаниясининг веб-сайтида Москва йўналиши чипталарни сотувга қўйилди.

312

Билл Гейтс янги пандемия хавфи ҳақида огоҳлантирди

220
Microsoft асосчиси Билл Гейтс дунё янги пандемияга дуч келиши мумкин деб айтди. Microsoft асосчиси таъкидлашича, кейинги сафар одамлар вирусларга қарши туришга яхшироқ тайёргарлик кўрган бўлади.

ТОШКЕНТ, 23 ноя — Sputnik. Microsoft асосчиси Билл Гейтс дунё янги пандемияга дуч келиши мумкин деб айтди. РИА Новости хабарига асосан.

© Sputnik / Константин Михальчевский

Актриса Рашида Жонс ва АҚШ бош инфекционисти Энтони Фаучи иштирокидаги подкастда миллиардерга “ҳақиқатан ҳам дунё янги эпидемияни кутмоқдами?” деган савол берилди.

"Ҳа. Агар у йигирма йилдан сўнг юз берса, омадимиз келган бўлади", - деб жавоб берди у.

Гейтснинг таъкидлашича, муайян шароитларда бу аввалроқ - уч йил ичида юз бериши мумкин.

Шу билан бирга, Microsoft асосчиси таъкидлашича, кейинги сафар одамлар вирусларга қарши туришга яхшироқ тайёргарлик кўрган бўлади. Унинг сўзларига кўра, бу вақтга келиб инсоният карантинга кириш алгоритмларини ишлаб чиққан бўлади. Гейтс шунингдек, потенциал инфекцияни ташувчиларни тестдан ўтказиш тизимиларининг яхшиланишига умид билдирди.

Аввалроқ, Гейтс қишда COVID-19 билан вазият ёмонлашишини тахмин қилганди. У совуқ мавсумда одамлар уйда кўпроқ вақт ўтказишини, эҳтиёт чораларини кўришдан чарчаганини ва вирус фаолроқ тарқалишини таъкидлади. Унинг фикрига кўра, вакциналар ишлаб чиқариш кўпайганидан сўнг вазият яхшиланади.

3-тўлқин

БССТ махсус вакили Девид Набарро коронавируснинг учинчи тўлқини хавфи ҳақида огоҳлантирганди, унинг фикрига қараганда, Европа келаси йил бошида унга дуч келиши мумкин.

Европа давлатлари иккинчи тўлқиннинг олдини ололмади, гарчи улар биринчисини жиловлашга муваффақ бўлганди.

“Агар улар ҳозирда зарур инфратузилмани қурмасалар, келгуси йил бошида учинчи тўлқин бўлади", - деган сўзларини келтирган Badener Tagblatt.

220
Теглар:
карантин, Билл, коронавирус
Мавзу:
COVID-19 умумжаҳон пандемияси
Милиция

Хоразмда аёл кишини ечинтириб, видеога олганларнинг шахси аниқланди

814
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

814