Пуск в эксплуатацию второй ветки газопровода Северный поток

"Бизнесда янги босқич": эксперт “Шимолий оқим-2”га қарши санкциялар ҳақида

405
Швейцария компанияси АҚШ санкциялари туфайли “Шимолий оқим-2” қурилишида иштирок этган кемаларини қайтариб олди. Бунга Европанинг лойиҳадан манфаатли мамлакатлари жавоб бера оладими, деб тахмин қилди эксперт Станислав Бышок Sputnik радиосига.

“Шимолий оқим-2" ни қурилишида иштирок этган Швейцария Allseas компанияси Болтиқ денгизидаги кемаларини қайтарди, дея хабар беради Bloomberg, компания вакилига асосланиб. Агентлик хабарини РИА Новости келтирган.

Бунга АҚШнинг Россия газ қувурларига қарши санкциялари сабаб бўлган. Қурилиш қанча вақтга қолдирилгани номаълум.

Шу билан бирга, Германия ҳукумати АҚШнинг санкцияларига қарамай, лойиҳа муваффақиятли якунланишига ишонмоқда, деб хабар беради SueddeutscheZeitung ҳукумат доираларига таяниб.

Газетанинг ёзишича, Берлиннинг позицияси ўзгаришсиз қолмоқда. Бундан ташқари, лойиҳа оператори NordStream-2, қурилишни иложи борича тезроқ тугатиш ниятида эканлигини аниқ кўрсатди.

Германия газ қувурининг имкон қадар тез қуриб битказилишидан бевосита манфаатдордир, дейди Станислав Бышок, CIS-EMO халқаро мониторинг ташкилоти ижрочи директори.

"Бир томондан, диверсификацияланган энергия бозорига эга бўлиш Германиянинг манфаатларига мос келади. Бошқа томондан, Европа элитасининг президент Трампдан ўз сиёсатини олиб боришидан маълум даражада норозилиги мавжуд. Бу масалада Трампга қарши туриш - Европанинг ҳам ўз нуқтаи назари борлигини кўрсатиш ва Европани АҚШнинг чизган чизиғидан юришига мажбур эмаслигини кўрсатишга уринишдир. Бундан ташқари, Европа Россия билан санкциявий тўқнашувлардан чарчади ва "Шимолий оқим-2" жиддий инфратузилмавий лойиҳадир", - деди Станислав Бышок Sputnik Радиосига.

Унинг фикрича, ечим албатта топилади.

"Гап Германия энергия хавфсизлигининг глобал муаммоси борасида кетяпти. Бундан ташқари, муаммо ечилиш арафасида. Менимча, Германияда ва Европанинг асосий давлатларида қарор қабул қилинади ва у албатта бирон бир тарзда амалга оширилади: ёки Швейцария компанияси ўз мажбуриятларини охиригача бажаради ёки бошқа пудратчи топилади", дейди Станислав Бышок.

АҚШ бундан олдин “Шимолий оқим-2” ва “Турк оқими” қувурларига санкциялар киритган ва қурилиш компанияларидан зудлик билан ишни тўхтатишни талаб қилган.

Станислав Бышокнинг сўзларига кўра, бу халқаро миқёсда бизнес юритишда янги сўз.

"Бу халқаро бизнес тарихидаги янги босқич - бизнес лойиҳасига “бу лойиҳа Россия томонидан сиёсий манипуляция бўлиши мумкин” деган уйдирма сабаблар билан санкцияларни киритиш. Бу мисли кўрилмаган янги тарихий воқеа", деди Станислав Бышок.

"Шимолий оқим-2" лойиҳаси Россия қирғоқларидан Болтиқ денгизи орқали Германияга қадар, умумий қуввати йилига 55 миллиард кубометр газни ташкил этадиган иккита газ қувурини қуришни ўз ичига олади. Европанинг йирик компаниялари лойиҳанинг иштирокчилари ҳисобланади.

405

Чувашиянинг собиқ раҳбари Путиннинг қарорини ноқонуний деб судга берди

24
(Янгиланган 11:12 27.05.2020)
Ишончни йўқотиш муносабати билан ишдан бўшатилган губернатор Россия президенти қарорини ноқонуний деб судга мурожаат қилди.

ТОШКЕНТ, 26 май — Sputnik. Чувашия Республикасининг собиқ раҳбари Михаил Игнатьев Россия Олий судига ариза берди, деб хабар қилмоқда РИА Новости. 

Аризада собиқ губернатор ўзининг истеъфога чиқарилишини ноқонуний деб ҳисоблаши ва ушбу ишни маъмурий тартибда қайта кўриб чиқиш кераклиги қайд этилган. 

Эслатиб ўтамиз, Чувашиянинг собиқ губернатори Игнатьев, ФВВ ходимига янги автомобил топшириш вақтида калитни баланд кўтариб ходимни сакрашга мажбур қилади. Интернетда тарқалган ушбу видео кўпчилликнинг ғазабини келтирган эди. Шундан сўнг Россия презиеднти Владимир Путин Игнатьевни "Ишончни йўқотиш муносабати билан" лавозимидан бўшатган эди. Ўшанда собиқ губернатор "бу ҳазил эди, биз ФВВ раҳбари билан анчадан бери дўстмиз" деган эди. 

Чувашия Республикасида губернатор сайлови 2020 йил 13 сентябр куни бўлиб ўтиши кутилмоқда. Унда вақтинча раҳбар вазифасини бажарувчи Олег Николаев ҳам иштирок этишни режалаштирган. 

24
Врач в больнице Саны, Йемен

БМТ қайси давлат пандемиядан омон қолмаслиги мумкинлигини маълум қилди

796
Яман мамлакатдаги ижтимоий ва иқтисодий қийинчиликлар туфайли коронавирус пандемиясига қарши курашга бардош беролмаслиги мумкин.

Яман мамлакатдаги ижтимоий ва иқтисодий қийинчиликлар туфайли коронавирус пандемиясига қарши курашга бардош беролмаслиги мумкин, бу ҳақда "Планета новости" портали хабар қилди.

Араб республикасидаги вазият мамлакатда очарчиликни келтириб чиқарган фуқаролар уруши, шунингдек, ҳокимият керакли миқдорда коронавирусга тест-тизимларини ва дори воситаларини сотиб олиш имкониятига эга эмаслиги туфайли жиддий мураккаблашмоқда.

Пандемиядан олдин яманликлар Денге безгаги, малярия ва ўлат касаллигини бошдан кечиришган, шу сабабли уларнинг кўпчилигининг иммунитетни заифлашган ва аҳолининг таҳминан 80 фоизи чет элдан гуманитар ёрдамга муҳтож.

Бундан ташқари, мамлакатдаги шифохоналарнинг аксарияти ёпилган - Яман минтақаларининг деярли тўртдан бир қисмида тиббий ёрдам олиш имконияти йўқ, сўнгги йилларда болалар орасида эмлашлар олиб борилмади.

БМТ Қочқинлар ишлари бўйича Олий комиссари идораси вакили Жан-Никол Бозе коронавирус пандемияси Яманда қайтариб бўлмайдиган оқибатларга олиб келиши мумкинлигини таъкидлади. Шу билан бирга, тестларнинг етишмаслиги туфайли касалланганларнинг аниқ сонини аниқлаб бўлмайди - расмий маълумотларга кўра, ҳозирча мамлакатда 212 та COVID-19 билан касалланиш ва 39 та ўлим ҳолатлари қайд этилди.

796
Мавзу:
COVID-19 умумжаҳон пандемияси
Национальная валюта Узбекистана — сум

Ишсизлик даражаси юқори ҳудудлар маълум қилинди

24
Ўзбекистонда жорий йилнинг биринчи чорагида энг юқори ишсизлик даражаси Самарқанд ва Сурхондарё вилоятларида қайд этилган.

ТОШКЕНТ, 27 май — Sputnik. Жорий йилнинг биринчи чорагида Ўзбекистонда ишсизлик даражаси 9,4 фоизни ташкил этган. Энг юқори ишсизлик даражаси 9,8 фоиз билан Самарқанд ва Сурхондарё вилоятларида қайд этилган.

Бу ҳақда Олий Мажлис Қонунчилик палатасидаги Ўзбекистон Либерал-демократик партияси фракциясининг навбатдаги йиғилишида маълум қилинди.

9,7 фоиз билан Жиззах, Қашқадарё, Сирдарё ва Фарғона вилоятлари кейинги ўринларда қайд этилган.

Таъкидланишича, энг паст кўрсаткич Тошкент шаҳрида (7,8 фоиз) кузатилган. Ишга жойлаштиришга муҳтож меҳнат билан банд бўлмаган аҳоли (ишсизлар) сони 1,39 млн кишини ташкил этган.

24