Financial Times Путинни ўн йилликнинг энг аҳамиятли кишилар рўйхатига киритди

372
Ўн йиллик кишилар рўйхатига 19 нафар сиёсатчи, 22 нафар ишбилармон ҳамда 9 нафар маданият, фан, шоу-бизнес ва спорт вакиллари киритилган.

ТОШКЕНТ, 29 дек — Sputnik. Британиянинг Financial Times нашри Россия президенти Владимир Путинни 2010 йиллар жараёнини белгилаган 50 киши рўйхатига киритди.

Ўн йиллик кишилар рўйхатига 19 нафар сиёсатчи, 22 нафар ишбилармон ҳамда 9 нафар маданият, фан, шоу-бизнес ва спорт вакиллари киритилган.

Путиндан ташқари рейтингдан АҚШ собиқ президенти Барак Обама, амалдаги Америка президенти Дональд Трамп, Германия канцлери Ангела Меркель, Франция президенти Эмманюэль Макрон, Туркия етакчиси Режеп Эрдоған ва бошқалар ўрин олган.

Шунингдек, энг аҳамиятли кишилар рўйхатига АҚШ Марказий разведка бошқармасининг (ЦРУ) собиқ ходими Эдвард Сноуден, Гонконгдаги оммавий норозилик намойишлари раҳбари Жошуа Вонг ва покистонлик фаол ва Нобель мукофоти совриндори Малала Юсуфзой киритилган.

Бизнес вакиллари орасида рейтингга Apple бош директори Тим Кук, Amazon асосчиси Жефф Безос, Tesla раҳбари Илон Маск, Microsoft асосчиларидан бири Билл Гейтс, Alibaba асосчиси Жек Ма, Netflix раҳбари Рид Хастингс, Uber асосчиларидан бири Трэвис Каланик ва Facebook раҳбари Facebook Марк Цукерберг киритилган.

Шоу-бизнес вакилларидан америкалик теннисчи Серена Уильямс, Кардашянлар оиласи вакиласи Кайли Женнер, футболчи Криштиану Роналду ва Леонель Месси, қўшиқчи Тейлов Свифтни рейтингда кўриш мумкин.

Рейтингдаги алоҳида ўринни америкалик продюсер Харви Вайнштейнни зўрлашда айблаган актриса Роуз Макгоун эгаллаган. Айнан унинг ҳаракатлари жинсий зўрлашга қарши ҳаракат MeToo᾽га (Мен ҳам) сабабчи бўлган. 

Эслатиб ўтамиз, аввалроқ россияликлар мамлакат президенти Владимир Путинни йил сиёсатчиси деб аташгани хабар қилинган эди.

372
Теглар:
рейтинг, Путин
Самолет F-16 ВВС Турции

Туркиянинг қирувчиси Арманистон Су-25 самолётини уриб туширди

4
Туркиянинг F-16 қирувчиси Арманистон ҲҲКга қарашли бўлган Су-25 самолётини уриб туширди – Арманистон мудофаа вазирлиги.

ТОШКЕНТ, 29 сен — Sputnik. Туркиянинг F-16 қирувчиси Арманистон ҲҲКга қарашли бўлган Су-25 самолётини уриб туширди. Бу ҳақда Арманистон Мудофаа вазирлиги матбуот котиби Шушун Степанян Facebook саҳифасида пост ёзди. РИА Новости хабарига асосан.

Тоғли Қорабоғ: Озарбайжон ва Арманистон ўқ отишни тўхтата оладими?
Sputnik/RUPTLY/ TV/Государственные учреждения Азербайджана и Армении

“Жанговар вазифани бажараётганда, Туркия ҳаво кучларининг кўп функцияли F-16 қирувчиси Арманистон ҳаво ҳудуди устида Арманистон ҲҲК қарашли бўлган Су-25 ҳужум самолётини уриб туширди. Учувчи қаҳрамонларча ҳалок бўлди ”, - дейилган постда.

Мудофаа вазирлиги вакилининг сўзларига кўра,  F-16 қирувчиси Озарбайжоннинг “Гянжа” аэродромидан учиб чиққан ва Варденис, Мец Масраа, Сотка яқинида жойлашган Арманистон ҳарбий бўлинма ва аҳоли пунктларига зарба берган

Степанян таъкидлашича, Туркиянинг F-16 қирувчиси  60 км масофага республиканинг ичкарига учиб кирган.

Озарбайжон мудофаа вазирлигининг матбуот котиби бу хабарларни ёлғон ва провокацион деб атади, Озарбайжон ҲҲКда  F-16 қирувчилар йўқлигини маълум қилди.

4

Путин COVID-19 га қарши эмлангандан сўнг Жанубий Кореяга боришга ваъда берди

66
(Янгиланган 16:36 29.09.2020)
Аввалроқ Жанубий Корея президенти маъмурияти Путин кореялик ҳамкасби Мун Чжэ Ин билан телефон орқали суҳбат чоғида Кореяга боришга тайёрлигини билдирганини хабар қилган эди.

ТОШКЕНТ, 29 сен — Sputnik. Россия президенти Владимир Путин ҳақиқатдан ҳам Жанубий Корея етакчисига коронавирусга қарши эмлангандан сўнг Сеулга боришга ваъда берди. Бу ҳақда Россия президенти матбуот котиби Дмитрий Песков маълум қилди.

Аввалроқ Жанубий Корея президенти маъмурияти Путин кореялик ҳамкасби Мун Чжэ Ин билан мамлакатлар ўртасидаги дипломатик алоқалар ўрнатилганига 30 йил тўлиши муносабати билан телефон орқали суҳбат чоғида Кореяга боришга тайёрлигини билдирганини хабар қилган эди.

“Ҳа, ҳақиқатдан ҳам, Путин кеча унинг жанубий кореялик ҳамкасби тиклаган амалдаги таклифномага эга. Ва Путин у эмланиш ҳақида қарор қабул қилгач, пайти келиб бу илтифотли таклифдан албатта фойдаланиш ниятида эканини тасдиқлади”, - деди Песков РИА Новостига.

Россия дунёдаги биринчи коронавирусга қарши “Спутник V” вакцинасини август ойида рўйхатга олди. У Гамалея номидаги марказ томонидан яратилган ва Россия тўғридан-тўғри инвестициялар жамғармаси билан ҳамкорликда ишлаб чиқарилмоқда.

Шунингдек, Россияда “Вектор” маркази томонидан яратилган вакцина клиник синовдан ўтмоқда. Куни кеча Россия ССВ Чумаков номидаги Илмий марказ томонидан яратилган коронавирусга қарши вакцинанинг клиник синовларига рухсатнома берди.

66
Теглар:
Жанубий Корея, Путин, Спутник V, коронавирус, вакцина
Мавзу:
COVID-19 умумжаҳон пандемияси