Премьер-министр Канады Джастин Трюдо

Украина самолёти Эрон ракетаси билан уриб туширилган Канада бош вазири

433
Канада бош вазири Жастин Трюдонинг сўзларига кўра, бу катта эҳтимол билан хатолик туфайли рўй берган.

ТОШКЕНТ, 10 янв – Sputnik. Теҳронда Украина Boeing самолёти Эрон ракетаси томонидан уриб туширилган, деб таъкидлади Канада бош вазири Жастин Трюдо. RT хабарига асосан.

Унинг сўзларига кўра, бу маълумот унга Канада ҳамда иттифоқчи давлатларининг разведкаси томонидан тақдим этилган.

“Маълумотлар шуни кўрсатмоқдаки, самолёт Эроннинг “ер-ҳаво” ракетаси билан уриб туширилган”, - дейилган хабарда.

Канада бош вазирининг сўзларига кўра,  бу катта эҳтимол билан хатолик туфайли рўй берган.

Эрон фуқаролик авиацияси ташкилоти раҳбари Али Обиджадеҳ бу версияни асоссизлигини айтиб ўтди.

Куни кеча Украина миллий хавфсизлик хизмати Boeing-737 самолёти зенит ракетаси зарбаси оқибатида ҳалокатга учрагани маълум қилганди. Самолётнинг техник носозлиги ҳалокатнинг яна бир сабаби бўлиши мумкин.

Чоршанба куни Теҳрон аэропортидан осмонга кўтарилган "Украина халқаро авиалиниялари" компаниясининг Boeing-737 йўловчи самолёти бир неча дақиқадан сўнг ҳалокатга учради. Самолётда бўлган 170 нафар йўловчи ҳамда 9 нафар экипаж аъзолари ҳалок бўлди. Йўловчиларнинг аксарияти Эрон фуқаролари бўлишган – 140 киши. Шунингдек, улар орасида Украина, Канада, Германия, Буюк Британия, Швеция ҳамда Афғонистон фуқаролари ҳам бўлишган.

433
Мавзу:
АҚШ – Эрон можароси (36)
Евро. Иллюстративное фото.

Россияда евро курси кескин кўтарилди

236
Москва биржаси маълумотларига кўра, Россияда евро курси 2016 йилдан бўён биринчи марта 92 рублдан ошди.

ТОШКЕНТ, 28 сен — Sputnik. Москва биржаси маълумотларига кўра, рубл асосий хорижий валюталарга нисбатан пасайишни тезлаштирди.

Хусусан, евро курси 2016 йил январидан бери биринчи марта 92 рублдан ошди. Москва вақти билан соат 16: 01дан бошлаб "эртага" ҳисоб-китоби билан доллар курси 53 копейкага ошиб, 78,74 рублни ташкил қилди.

Шу ўринда, Brent маркали нефтнинг бир баррели 0,92 фоизга ўсиб, 42,8 долларни ташкил этди.

Бундан аввал экспертлар ташқи сиёсий вазият, жумладан янги санкциялар таҳдиди, Алексей Навальний билан боғлиқ вазият, шунингдек, COVID-19 пандемиясининг иккинчи тўлқини рублга қўшимча босим ўтказаётгани ҳақида огоҳлантирган эди.

Мутахассисларнинг фикрига кўра, бу нефт ва газга бўлган талабга зарба бериш хавфи мавжуд ва бу ўз навбатида Россияда валюта тушумини камайтиради.

236
Пресс-секретарь президента РФ Дмитрий Песков

Кремль Тоғли Қорабоғдаги можарога муносабат билдирди

471
Россия президенти матбуот котибининг сўзларига кўра, Тоғли Қорабоғдаги можаро Россия ва бошқа мамлакатларнинг жиддий хавотирланишига сабаб бўлади.

ТОШКЕНТ, 28 сен — Sputnik. Тоғли Қорабоғдаги можаро Россия ва бошқа мамлакатларнинг жиддий хавотирланишига сабаб бўлади.  Бу ҳақда Россия президенти матбуот котиби Дмитрий Песков маълум қилди.

“<...> Ҳозир ким ҳақ, ким айбдор эканини аниқлашда эмас, балки биринчи навбатда айнан ҳарбий ҳаракатларни тўхтатиш жуда муҳим. Россия ҳамиша тенг тарозига солинган позицияни эгаллаб келган. Айнан бу позиция Россияга бу можарони тартибга солиш учун ўзининг таъсиридан ва ва ҳар икки мамлакатлар, ҳам Арманистон, ҳам Озарбайжон билан анъанавий яхши муносабатларидан фойдаланиш имконини беради”, - деди Песков. Унинг сўзларидан РИА Новости иқтибос келтирган.

Тоғли Қорабоғдаги кескинлик

Тоғли Қорабоғдаги туташув чизиғидаги вазият якшанба, 27 сентябрь куни эрталаб кескинлашди. Тан олинмаган республика Озарбайжон ҳарбийлари унинг ҳудудини, жумладан, пойтахт Степанакертани ўққа тутганини маълум қилди. Тинч аҳоли орасида қурбонлар бор.

Боку ва Ереван вазиятни кескинлаштиришда бир-бирини айламоқда. Озарбайжон Мудофаа вазирлиги арман томони ўт очгани, озарбайжон томони эса ҳужумга қарши амалиётни бошлаганини таъкидламоқда. Арманистон Мудофаа вазирлиги Қорабоғ Озарбайжон томонидан ҳаво ва ракета ҳужумига учраганини маълум қилмоқда.

Арманистон ҳукумати Тоғли Қорабоғдаги ҳодисалар туфайли мамлакатда ҳарбий ҳолат ва умумий сафарбарлик жорий этди. Тан олинмаган Тоғли Қорабоғ республикаси раҳбарияти ҳам шундай қарор қабул қилган.

Озарбайжон ҳам Тоғли Қорабоғда вазият кескинлашгани туфайли қатор шаҳарлар ва ҳудудларда ҳарбий ҳолат жорий этишга қарор қилди.

Дунё ҳамжамияти томонларни босиқликка ва музокараларга чорламоқда. Жумладан, Россия ва Ўзбекистон Ташқи ишлар вазирликлари Боку ва Ереванни зудлик билан ўт очишни бас қилишга ва музокаралар ўтказишга чақирди.

471