Учения войск Северо-атлантического альянса

АҚШ Ироқ билан қўшинларни чиқариш масаласини муҳокама қилмоқчи эмас

832
Айни вақтда Ироққа юбориладиган ҳар қандай делегация - қўшинларни чиқариш эмас, балки бизнинг стратегик шериклигимизни қай тарзда янгилаш масаласини муҳокама қилиш билан банд бўлади, дейилади АҚШ баёнотида

ТОШКЕНТ, 10 янв — Sputnik. АҚШ Ироқ билан ўз қўшинларини олиб чиқиш масаласини муҳокама қилмоқчи эмас. Ироқ Бош вазири вазифасини бажарувчи Адель Абд ал-Махдийнинг ушбу масалани кўриб чиқиш учун делегацияни юбориш талабига АҚШ Давлат департаменти шундай жавоб қайтарди. РИА Новости хабари асосида.

"Айни вақтда Ироққа юбориладиган ҳар қандай делегация қўшинларни чиқариш эмас, балки бизнинг стратегик шериклигимизни қай тарзда янгилаш масаласини муҳокама қилиш, бизнинг кучларимизни Яқин Шарқда қай тарзда тўғри ва мос жойлаштириш билан банд бўлади", — дейилади Давлат департаменти баёнотида.

Шу билан бирга, идора, Ироқ ҳукумати билан нафақат хавфсизлик, балки молиявий, иқтисодий ва дипломатик шериклик тўғрисида ҳам музокараларни ўтказиш кераклигини қайд этиб, Америка - бу "Яқин Шарқдаги яхшилик кучи" эканлигини таъкидлаган.

Абд ал-Махдий чет эл ҳарбийларини чиқариш механизми устида ишлаш учун Вашингтон Ироққа ўз вакилларини юбориши кераклиги ҳақида АҚШ Давлат котиби Майк Помпео билан телефон мулоқоти давомида айтган. Шу билан бирга у, Бағдод "қўшни ва дўст мамлакатлар билан яхши муносабатларни" сақлаб қолиш тарафдори эканлигини қайд этган.

Ироқ ҳукумати ва парламентида Америка ҳарбийларини чиқариш ҳақидаги талаблар АҚШ мамлакат ҳудудида Эрон генерали Касем Сулаймонийни йўқ қилиш бўйича операцияни ўтказгач жаранг топа бошлаган эди. Бағдод бу хужумни америка кучлари жойлашуви қоидасининг бузилиши сифатида баҳолади.

Бешинчи январь куни Ироқ парламенти чет эл қўшинларини чиқариш учун овоз берди. Эртаси куни Ироқ Қуролли кучлари бош қўмондони Абдель Керим Халф америка қўшинларини чиқариш бўйича механизмга тайёргарлик бошлаб юборилганини маълум қилди.

АҚШ президенти Дональд Трамп бунга жавобан Ироққа оғир оқибатлар билан дағдаға қилди. Унинг сўзларига кўра, у Бағдодга қарши "ҳали у ҳеч қачон кўрмаган" санкцияларни киритишга тайёр. Бундан ташқари, америка ҳарбийлари то Ироқ америкаликлар томонидан қурилган авиабаза учун тўловни амалга оширмагунига қадар, у ерни тарк этишни режалаштирмаяптилар ҳам, деб қўшимча қилган Трамп.

832
Мавзу:
АҚШ – Эрон можароси (36)
Флаг Туркменистана

БССТ Туркманистонда COVID-19 ни аниқлаш учун мустақил тест ўтказади - Бердимуҳаммедов рози

11
Ташкилот вакиллари баёнотига кўра, Туркманистонда пневмония касаллиги билан боғлиқ ҳолатларни қайта текшириш зарур

ТОШКЕНТ, 8 авг — Sputnik. Туркманистон президенти Гурбангули Бердимуҳамедов Бутунжаҳон соғлиқни сақлаш ташкилотига янги турдаги COVID-19 коронавируси бор-йўқлигини аниқлаш учун саралаш методи билан тест ўтказишга розилик берди, деб хабар қилди БССТ Европа минтақавий бюроси директори Ханс Клюге.

"Бугун мен ва (БССТ бош директори ) Тедрос Адханом Гебрейесус Туркманистон президенти билан мамлакатдаги COVID-19 билан боғлиқ вазият юзасидан учрашув ўтказдик. БССТ COVID-19сиз кечаётган пневмония ҳолатлари кўпайиб бораётганидан ташвишдалигини билдирди ва ташкилот ходимлари мамлакатда COVID-19 бор-йўқлигини аниқлаш учун мустақил равишда таҳлилларни йиғиб, уларни БССТнинг референт лабораторияларига юбориш таклифи билдирилди. Президент рози бўлди", - деб ёзган Клюге Facebookдаги саҳифасида.

Эслатиб ўтамиз, сал олдин Туркманистон президенти, БССТ билан ўтказилган онлайн-музокаралар давомида коронавирус геномини ўрганиш бўйича БССТнинг махсус дастурини тайёрлаш таклифини билдиргани ҳақида хабар қилинган эди. Бердимуҳамедовнинг сўзларига кўра, COVID-19га доир қатор ўз ечимини топмаган масалалар мавжуд, хусусан, унинг келиб чиқиши, тарқалиш йўллари ва мутация каби.

Ҳукумат хабарига кўра, Туркманистонда янги турдаги коронавирус билан касалланиш ҳолатлари қайд этилмаган. Шунга қарамай, мамлакатда ниқоб режими ва сервис, савдо ҳамда странспорт соҳасидаги фаолият турларига қатор чекловлар жорий этилган.

11
Мавзу:
COVID-19 умумжаҳон пандемияси
Боевики движения Талибан*

Толиблар АҚШга қарши Россия билан тил бириктирилганини рад этди

241
Толибон ҳаракати сиёсий офиси расмий вакили Сухайл Шахин сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

ТОШКЕНТ, 8 авг - Sputnik. Россия толибларни ўз томонига "оғдириб олгани" ҳақидаги хабарларда биронта рост сўз йўқ, бу Афғонистонда тинчлик жараёни ўрнатилишига қарши бўлганлар томонидан йўлга қўйилган кампаниянинг бир қисмидир, деди РИА Новостига берган интервьюсида "Толибон" радикал ҳаракати сиёсий офисининг расмий вакили Сухайл Шахин.

"Улар (тинчлик жараёни душманлари - таҳр.) унга зиён етказмоқчи, халал беряпти", - деди Шахин телефон орқали олинган интервью давомида.

Унинг сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан "тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

"Бу хабарларда ҳақиқатга тўғри келадиган ҳеч вақо йўқ, бу шунчаки тинчлик жараёнига қарши кампания. Ва биз бундай баёнотларни тўлалигича рад этамиз", - деди толиблар сиёсий офиси вакили.

Илгарироқ New York Times газетаси бир мақола чоп этган бўлиб, унда аллақандай россия ҳарбий разведкаси бўлинмаси толибларни пул эвазига Афғонистондаги халқаро коалиция ҳарбий хизматчиларига ҳужум уюштиришга даъват қилгани ҳақида айтилган эди.

New York Timesдаги мақоладан сўнг Россиянинг Вашингтондаги элчихонаси ушбу ёлғон мақола туфайли ижтимоий тармоқларда "руслар билан ҳисоб-китоб қилиш"га доир чақириқлар пайдо бўлгани ҳақида хабар берди. Таҳдидлар ҳақидаги маълумотни дипломатлар АҚШ ва Давлат департаменти ҳуқуқ-тартибот органларига топширдилар.

ТИВда ушбу мақола ёлғон, дея баҳоланди, ташқи сиёсий маҳкама раҳбари Сергей Лавров ушбу айбловларни Қўшма Штатларда бўлиб ўтадиган сайловлар олдидаги ички сиёсий кураш билан боғлади.

АҚШ президенти Дональд Трамп ўз навбатида ушбу мақолани "буюртма" деб атади ва америка разведкаси New York Times хабарини ишончга сазовор, деб топмаганини хабар қилди. Пентагон ҳам "тил бириктирув"ни тасдиқловчи далилларга эга эмаслигини маълум қилди.

241
Мавзу:
Афғонистон: 30 йил тинчлик илинжида