Эрон Украина самолётини бехосдан уриб туширганини тан олди

648
(Янгиланган 15:31 11.01.2020)
Эрон президенти Ҳасан Руҳоний ва мамлакат ТИВ раҳбари Жавад Зариф авиаҳалокат қурбонлари оилаларига ҳамдардлик изҳор қилиб, кечирим сўрадилар

ТОШКЕНТ, 11 янв — Sputnik. Теҳрон яқинида қулаган "Украина халқаро авиалиниялари" йўловчи самолёти "инсон хатоси" туфайли тасодифан уриб туширилган. Бу ҳақда Эрон қуролли кучлари бош штаби баёнот берди, деб хабар қилмоқда Sputnik Яқин чет эл Telegram-канали.

Бош штаб хабарига кўра, Boeing хатолик туфайли душман самолёти сифатида қабул қилинган, негаки, у муҳим ҳарбий объект яқинидан учиб ўтаётан бўлган.

Баёнотда ушбу ҳодиса Ироқдаги америка базаларига берилган ракета зарбаларига АҚШнинг эҳтимолий жавоби билан боғлиқ бўлган "кучайтирилган жанговар тайёргарлик шарт-шароитларда" юз берганлигини таъкидлаб ўтилган.

Эрон ТИВ раҳбари Жавад Зариф Twitterда ушбу фожиа "АҚШ авантюризми туфайли юзага келган инқироз давридаги инсон хатоси" туфайли юз берганини қўшимча қилган.

Кейинчалик афсус сўзлари Эрон президенти Ҳасан Руҳоний томонидан ҳам билдирилди. У уриб туширилган самолёт учун компенсацияни назарда тутувчи чораларни кўриш ҳамда Эроннинг ракеталарга қарши мудофаа тизими қусурларини йўқотиш устида қатор чораларни ишлаб чиқиш тўғрисида буйруқ берди.

Сал олдин Эрон Украина лайнерини "бехосдан" уриб туширган бўлиши эҳтимоли ҳақида Канада бош вазири Жастин Трюдо ҳам айтган эди. У бу ахборотни канада разведкаси, шунингдек, иттифоқдош разведкалардан олган.

Худди шундай версия, яъни "Украина халқаро авиалиниялари"га қарашли Boeing-737 лайнери зенит ракетаси зарбаси натижасида ҳалокатга учраган бўлиши мумкинлиги Украина Миллий ва мудофаа хавфсизлиги кенгаши томонидан ҳам илгари сурилганди. Шунингдек, версиялар сифатида самолётдаги техник носозлик ва бортдаги теракт ҳам айтилган эди.

Эслатиб ўтамиз, Киевга рейсни амалга ошираётган "Украина халқаро авиалиниялари"га қарашли Boeing-737-800 лайнери чоршанба куни тонг саҳар Теҳрон аэропортидан учиб чиққач, тез орада ҳалокатга учраган. Расмий маълумотларга кўра, бортдаги 176 инсоннинг барчаси ҳалок бўлган. Бортда 167 нафар йўловчи ва тўққиз нафар экипаж аъзолари бўлган.

648
Мавзу:
АҚШ – Эрон можароси (36)
Флаг Туркменистана

БССТ Туркманистонда COVID-19 ни аниқлаш учун мустақил тест ўтказади - Бердимуҳаммедов рози

18
Ташкилот вакиллари баёнотига кўра, Туркманистонда пневмония касаллиги билан боғлиқ ҳолатларни қайта текшириш зарур

ТОШКЕНТ, 8 авг — Sputnik. Туркманистон президенти Гурбангули Бердимуҳамедов Бутунжаҳон соғлиқни сақлаш ташкилотига янги турдаги COVID-19 коронавируси бор-йўқлигини аниқлаш учун саралаш методи билан тест ўтказишга розилик берди, деб хабар қилди БССТ Европа минтақавий бюроси директори Ханс Клюге.

"Бугун мен ва (БССТ бош директори ) Тедрос Адханом Гебрейесус Туркманистон президенти билан мамлакатдаги COVID-19 билан боғлиқ вазият юзасидан учрашув ўтказдик. БССТ COVID-19сиз кечаётган пневмония ҳолатлари кўпайиб бораётганидан ташвишдалигини билдирди ва ташкилот ходимлари мамлакатда COVID-19 бор-йўқлигини аниқлаш учун мустақил равишда таҳлилларни йиғиб, уларни БССТнинг референт лабораторияларига юбориш таклифи билдирилди. Президент рози бўлди", - деб ёзган Клюге Facebookдаги саҳифасида.

Эслатиб ўтамиз, сал олдин Туркманистон президенти, БССТ билан ўтказилган онлайн-музокаралар давомида коронавирус геномини ўрганиш бўйича БССТнинг махсус дастурини тайёрлаш таклифини билдиргани ҳақида хабар қилинган эди. Бердимуҳамедовнинг сўзларига кўра, COVID-19га доир қатор ўз ечимини топмаган масалалар мавжуд, хусусан, унинг келиб чиқиши, тарқалиш йўллари ва мутация каби.

Ҳукумат хабарига кўра, Туркманистонда янги турдаги коронавирус билан касалланиш ҳолатлари қайд этилмаган. Шунга қарамай, мамлакатда ниқоб режими ва сервис, савдо ҳамда странспорт соҳасидаги фаолият турларига қатор чекловлар жорий этилган.

18
Мавзу:
COVID-19 умумжаҳон пандемияси
Боевики движения Талибан*

Толиблар АҚШга қарши Россия билан тил бириктирилганини рад этди

241
Толибон ҳаракати сиёсий офиси расмий вакили Сухайл Шахин сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

ТОШКЕНТ, 8 авг - Sputnik. Россия толибларни ўз томонига "оғдириб олгани" ҳақидаги хабарларда биронта рост сўз йўқ, бу Афғонистонда тинчлик жараёни ўрнатилишига қарши бўлганлар томонидан йўлга қўйилган кампаниянинг бир қисмидир, деди РИА Новостига берган интервьюсида "Толибон" радикал ҳаракати сиёсий офисининг расмий вакили Сухайл Шахин.

"Улар (тинчлик жараёни душманлари - таҳр.) унга зиён етказмоқчи, халал беряпти", - деди Шахин телефон орқали олинган интервью давомида.

Унинг сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан "тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

"Бу хабарларда ҳақиқатга тўғри келадиган ҳеч вақо йўқ, бу шунчаки тинчлик жараёнига қарши кампания. Ва биз бундай баёнотларни тўлалигича рад этамиз", - деди толиблар сиёсий офиси вакили.

Илгарироқ New York Times газетаси бир мақола чоп этган бўлиб, унда аллақандай россия ҳарбий разведкаси бўлинмаси толибларни пул эвазига Афғонистондаги халқаро коалиция ҳарбий хизматчиларига ҳужум уюштиришга даъват қилгани ҳақида айтилган эди.

New York Timesдаги мақоладан сўнг Россиянинг Вашингтондаги элчихонаси ушбу ёлғон мақола туфайли ижтимоий тармоқларда "руслар билан ҳисоб-китоб қилиш"га доир чақириқлар пайдо бўлгани ҳақида хабар берди. Таҳдидлар ҳақидаги маълумотни дипломатлар АҚШ ва Давлат департаменти ҳуқуқ-тартибот органларига топширдилар.

ТИВда ушбу мақола ёлғон, дея баҳоланди, ташқи сиёсий маҳкама раҳбари Сергей Лавров ушбу айбловларни Қўшма Штатларда бўлиб ўтадиган сайловлар олдидаги ички сиёсий кураш билан боғлади.

АҚШ президенти Дональд Трамп ўз навбатида ушбу мақолани "буюртма" деб атади ва америка разведкаси New York Times хабарини ишончга сазовор, деб топмаганини хабар қилди. Пентагон ҳам "тил бириктирув"ни тасдиқловчи далилларга эга эмаслигини маълум қилди.

241
Мавзу:
Афғонистон: 30 йил тинчлик илинжида