Американский эсминец Lassen (на переднем плане) на учениях

АҚШ Хитой ва Россияга қарши туриш учун Осиёда ҳарбий иштирокини кучайтиради

1625
Тахминларга кўра, бўлинма Тайван ва Филиппин шарқидаги оролларда жойлашади, аниқ муддати ҳозирча айтилмаяпти.

ТОШКЕНТ, 11 январь - Sputnik. АҚШ қуролли кучлари Тинч океани минтақасига Хитойга қарши ахборот, электрон, ракета ва кибер операцияларни амалга оширишга қодир бўлган махсус тезкор гуруҳни юборишни режалаштирмоқда, деб ёзади Bloomberg Қўшма Штатлар Қуруқликдаги кучлари вазири Раян Маккартининг интервьюсига таяниб.

Унинг сўзларига кўра, махсус тезкор гуруҳ америка авиаташувчи гуруҳларни Осиёнинг материк қисмидан узоқлаштиришга қаратилган Россия ва Хитойда мавжуд бўлган баъзи имкониятларни зарарсизлантириши мумкин.

Қабул қилинаётган қадамлар АҚШ ҳарбий-космик разведкаси миллий бошқармаси билан янги келишув билан мустаҳкамланади.

Шундай қилиб, АҚШ армиясининг тезкор гуруҳлари Ернинг паст орбитасида мавжуд ва бўлажак спутниклар ҳақида маълумотларни яхшироқ қўлга киритишлари мумкин.

Bloomberg маълумотларига кўра, ушбу чора-тадбирлар АҚШга Тинч океани минтақасида янги моделни яратиш имконини беради, бунда қуруқликдаги қўшинлар ҳаво ва денгиз кучлари учун душман мудофаасида "тешик очиши" мумкин.

Тахминларга кўра, бўлинма Тайван ва Филиппин шарқидаги оролларда жойлашади, аммо жойлаштириш муддати ҳозирча ошкор этилмаяпти.

Аввалроқ Sputnik радиоси Япония Мудофаа вазирлиги Яқин Шарққа эсминец ва самолёт юборгани ҳақида хабар берган эди.

1625

Лукашенко Россия ва Украина бош прокурорларини таклиф қилиш ҳақида топшириқ берди

131
(Янгиланган 14:52 06.08.2020)
Беларусь президенти Александр Лукашенко Россия ва Украина бош прокурорларини таклиф қилиш ҳақида топшириқ берди.

ТОШКЕНТ, 6 авг — Sputnik. Беларусь президенти Александр Лукашенко Минск яқинида россияликлар қўлга олиниши ҳолати юзасидан мамлакатга Россия ва Украина бош прокурорларини таклиф қилиш тўғрисида топшириқ берди.

Куни кеча Лукашенко Украина президенти Владимир Зеленский билан бу ҳолатни телефон орқали муҳокама қилди. Киев қўлга олинганларни Украина жануби-шарқидаги ҳарбий ҳаракатларда иштирок этганликда гумон қилмоқда.

Беларусда россияликларни қўлга олиниши

Беларусь ҳукумати 29 июлда 33 нафар россиялик қўлга олинганини маълум қилди. Минск уларни хусусий ҳарбий компаниянинг  “жангарилари” деб ҳисобламоқда. Россияликлар Беларусда сайлов олдидан оммавий тартибсизликларни ташкиллаштиришга тайёргарлик кўришда гумон қилинмоқда.

Россия Ташқи ишлар вазирлиги Беларусь томонининг россияликлар ҳибсга олиш ҳолатини нотўғри талқин қилиши ҳеч қандай танқидга бардош бермаслигини таъкидлаб, кераксиз салбий ҳис-туйғулар кескинлигини оширишни тўхтатишга чақирди.

Бундан аввал Россия президенти матбуот котиби Дмитрий Песков Минскда қўлга олинганлар “катта эҳтимол билан” хусусий хавфсизлик компаниясининг ходимлари эканлиги, Минскда транзит тартибида бўлиб, рейсга кеч қолганликларини айтганди.

Песковнинг сўзларига кўра, Кремлда улар қонунга зид иш қилишгани ҳақида ҳеч қандай маълум йўқ. Унинг таъкидлашича, Россия Беларуснинг ички ишларига ҳеч қачон аралашмаган ва аралашмаяпти.

131
Водопад. Иллюстративное фото

Хитойда кучли тўфон шаршарани тескари оқишга мажбур қилди - видео

238
(Янгиланган 14:10 06.08.2020)
"Хагупит" тўфони 190 метр баландликдаги Линфэн тоғ шаршарасини тескари йўналишда оқишга мажбур қилди.

ТОШКЕНТ, 6 авг — Sputnik. "Хагупит" тўфони 190 метр баландликдаги Линфэн тоғ шаршарасини тескари йўналишда оқишга сабаб бўлди. Бу ҳақда Daily Mail хабар қилди.

Видеода кучли шамол шаршара сувини учириб юбориши акс этган. Кучли “Хагупит” тўфони Хитойнинг Чжэцзян провинциясига ёпирилиб келди.

Шамол тезлиги соатига 136 километргача етди, айрим шарқий соҳилбўйи туманларида 4 метр баландликдаги тўлқинлар қайд этилди. 380 мингдан ортиқ киши хавфсиз жойларга эвакуация қилинди.

Поезд ҳаракати тўхтатилди, баъзи автомагистраль йўллари ёпилди, кўпгина уйлар электр энергиясиз қолди.

238
Мясо, перец, чеснок и помидор на разделочной доске. Иллюстративное фото

Гўшт бўлаги тахтакачда “тирилиб кетди” - интернет фойдаланувчилари шокда

50
(Янгиланган 18:31 06.08.2020)
Гўшт бўлаги кесиш тахтасида қимирлаши акс этган видео Twitter фойдаланувчиларини шок ҳолатига солди.

ТОШКЕНТ, 6 авг — Sputnik. Гўшт бўлаги тахтакачда қимирлаши акс этган видео Twitter фойдаланувчиларини шок ҳолатига солди.

Малазиялик Yo!Artist никли фойдаланувчи видеони тармоққа жойлаштирди. Аёл ёзишича, унинг онаси гўштни пиширмоқчи бўлган эди, аммо у томир уришни бошлади. Аёл қўрқиб кетди ва таом пишириш фикридан қайтди.

Видеони кўрган кўпчилик фойдаланувчилар чиндан ҳам даҳшатга тушганини тан олди.

Бошқалар эса “бу ерда қўрқинчли нарсанинг ўзи йўқ – янги хом гўштда нерв тўқималари маълум вақт давомида қимирлашни давом этади”, - деб изоҳ ёзишди.

Видео ролик 950 минг марта томоша қилиниб, 13 мингга яқин изоҳ тўплади.

50