Ситуация в Ливии

Ливия можароси юзасидан Москвада учрашув ўтказилади

130
Россия Ташқи ишлар вазирлиги Ливия миллий келишув ҳукумати раҳбари Файёз Саррож ва Ливия миллий армияси қўмондони маршал Халифа Ҳафтарнинг Москвадаги учрашувини тасдиқлади.

ТОШКЕНТ, 13 янв – Sputnik. Ливия миллий келишув ҳукумати (ПНС) раҳбари Файёз Саррож ва Ливия миллий армияси (ЛНА) қўмондони маршал Халифа Ҳафтар ҳамда Ливиянинг бошқа партиялари вакиллари душанба куни Россия ва Туркия Ташқи ишлар вазирлари ва Мудофаа вазирлиги раҳбарлигида Москвада йиғилишади. Бу хақда Россия ТИВда РИА Новостига хабар берилди.

"Истанбул саммитида эълон қилинган Россия Федерацияси ва Туркия президентларининг ташаббусини амалга ошириш доирасида, бугун Москвада Россия ва Туркия ташқи ишлар вазирликлари ва мудофаа вазирликлари раҳбарларининг шафеълигида Ливия ички тарафлар учрашуви бўлиб ўтади ... Саррож, Ҳафтар ва Ливиянинг бошқа томонлари вакилларнинг ушбу учрашувда иштирок этиши кутилмоқда”, - деб баёнот берилди идорада.

Аввалроқ Россия ва Туркия президентлари Владимир Путин ва Ражаб Тоййиб Эрдўғон Ливия бўйича ягона позиция билан чиқишган ва барча томонларни 12 январ ярим тундан бошлаб ўт очишни тўхтатишга ва музокаралар столига ўтиришга чақиришган эди.

Хафтар бу ташаббусни олқишлади ва у ўз армияси ўтган йилнинг апрел ойидан бери олиб бораётган Триполига ҳужумни давом эттиришга ваъда берди.

Ўз навбатида, Ливия ПНС раҳбари Фаез Сарраж ҳам ЛНА кучлари олиб чиқилгандан кейин юзага келадиган сулҳ таклифини қўллаб-қувватлади.

2011 йилда Ливия Қаддафий ўлдирилганидан кейин ягона давлат сифатида амал қилмай қўйган. Ҳозирда мамлакатда икки ҳокимият ҳукмронлик қилмоқда. Шарқда ҳалқ томонидан сайланган парламент бошқармоқда, ғарбда эса пойтахт Триполида Сарраж бошчилигидаги БМТ ва Европа Иттифоқининг кўмагида шаклланган Миллий келишув ҳукумати бошқаради. Мамлакат шарқидаги ҳокимият мамлакат пойтахтини эгаллаб олишга уринишни тўхтатмаётган Ливия Ҳафтар миллий армияси билан ҳамкорлик қилмоқда, бу.

Январ ойи бошларида Триполи турк ҳарбийлирининг биринчи гуруҳи келганини маълум қилди.

Аввалроқ Sputnik радиоси Триполи мамлакат ғарбида сулҳ эълон қилганини хабар қилганди.

130
Евро. Иллюстративное фото.

Россияда евро курси кескин кўтарилди

216
Москва биржаси маълумотларига кўра, Россияда евро курси 2016 йилдан бўён биринчи марта 92 рублдан ошди.

ТОШКЕНТ, 28 сен — Sputnik. Москва биржаси маълумотларига кўра, рубл асосий хорижий валюталарга нисбатан пасайишни тезлаштирди.

Хусусан, евро курси 2016 йил январидан бери биринчи марта 92 рублдан ошди. Москва вақти билан соат 16: 01дан бошлаб "эртага" ҳисоб-китоби билан доллар курси 53 копейкага ошиб, 78,74 рублни ташкил қилди.

Шу ўринда, Brent маркали нефтнинг бир баррели 0,92 фоизга ўсиб, 42,8 долларни ташкил этди.

Бундан аввал экспертлар ташқи сиёсий вазият, жумладан янги санкциялар таҳдиди, Алексей Навальний билан боғлиқ вазият, шунингдек, COVID-19 пандемиясининг иккинчи тўлқини рублга қўшимча босим ўтказаётгани ҳақида огоҳлантирган эди.

Мутахассисларнинг фикрига кўра, бу нефт ва газга бўлган талабга зарба бериш хавфи мавжуд ва бу ўз навбатида Россияда валюта тушумини камайтиради.

216
Пресс-секретарь президента РФ Дмитрий Песков

Кремль Тоғли Қорабоғдаги можарога муносабат билдирди

438
Россия президенти матбуот котибининг сўзларига кўра, Тоғли Қорабоғдаги можаро Россия ва бошқа мамлакатларнинг жиддий хавотирланишига сабаб бўлади.

ТОШКЕНТ, 28 сен — Sputnik. Тоғли Қорабоғдаги можаро Россия ва бошқа мамлакатларнинг жиддий хавотирланишига сабаб бўлади.  Бу ҳақда Россия президенти матбуот котиби Дмитрий Песков маълум қилди.

“<...> Ҳозир ким ҳақ, ким айбдор эканини аниқлашда эмас, балки биринчи навбатда айнан ҳарбий ҳаракатларни тўхтатиш жуда муҳим. Россия ҳамиша тенг тарозига солинган позицияни эгаллаб келган. Айнан бу позиция Россияга бу можарони тартибга солиш учун ўзининг таъсиридан ва ва ҳар икки мамлакатлар, ҳам Арманистон, ҳам Озарбайжон билан анъанавий яхши муносабатларидан фойдаланиш имконини беради”, - деди Песков. Унинг сўзларидан РИА Новости иқтибос келтирган.

Тоғли Қорабоғдаги кескинлик

Тоғли Қорабоғдаги туташув чизиғидаги вазият якшанба, 27 сентябрь куни эрталаб кескинлашди. Тан олинмаган республика Озарбайжон ҳарбийлари унинг ҳудудини, жумладан, пойтахт Степанакертани ўққа тутганини маълум қилди. Тинч аҳоли орасида қурбонлар бор.

Боку ва Ереван вазиятни кескинлаштиришда бир-бирини айламоқда. Озарбайжон Мудофаа вазирлиги арман томони ўт очгани, озарбайжон томони эса ҳужумга қарши амалиётни бошлаганини таъкидламоқда. Арманистон Мудофаа вазирлиги Қорабоғ Озарбайжон томонидан ҳаво ва ракета ҳужумига учраганини маълум қилмоқда.

Арманистон ҳукумати Тоғли Қорабоғдаги ҳодисалар туфайли мамлакатда ҳарбий ҳолат ва умумий сафарбарлик жорий этди. Тан олинмаган Тоғли Қорабоғ республикаси раҳбарияти ҳам шундай қарор қабул қилган.

Озарбайжон ҳам Тоғли Қорабоғда вазият кескинлашгани туфайли қатор шаҳарлар ва ҳудудларда ҳарбий ҳолат жорий этишга қарор қилди.

Дунё ҳамжамияти томонларни босиқликка ва музокараларга чорламоқда. Жумладан, Россия ва Ўзбекистон Ташқи ишлар вазирликлари Боку ва Ереванни зудлик билан ўт очишни бас қилишга ва музокаралар ўтказишга чақирди.

438