Члены террористической группировки ИГИЛ

Иордания қироли Ироқда “Ислом давлати” қайта тикланганини маълум қилди

592
Иордания қироли Ироқ жанубий қисмида “Ислом давлати” террорчилик уюшмаси қайта тиклангани ва мустаҳкамланганини маълум қилди.

ТОШКЕНТ, 13 янв – Sputnik. Иордания қироли Абдулла II France 24 телеканалига берган интервьюсида таъкидлашича, сўнгги бир йил ичида “Ислом давлати”* террорчилик уюшмаси Ироқ жанубий қисмида қайта тикланди ва мустаҳкамланди. РИА Новости хабарига асосан.

Иордания етакчиси халқаро ҳамжамият "у ерда бўлиши керак ва Ироққа ушбу таҳдидни енгишда ёрдам беришга тайёр бўлиши керак. “ИД” нафақат Ироқ ва Яқин шарққа, балки Европа бутун дунё мамлакатларига таҳдид солади" деб қўшимча қилди.

2017 йил декабр ойида Ироқ раҳбарияти мамлакат ҳудудининг учдан бир қисмини эгаллаб олган террорчи гуруҳ билан 3,5 йиллик урушдан сўнг “ИД” террорчиларидан тўлиқ озод қилинишини эълон қилди. Тарқалиб кетган террорчи гуруҳлар мамлакатнинг озод қилинган ҳудудларида ҳужумларни амалга оширишда давом этмоқда. Ироқ хавфсизлик ходимларининг айтишича, жангариларнинг аксарият ҳаракатлари олди олинган.

“ИД”га қарши халқаро коалиция базалари ҳам мамлакат ҳудудида жойлаштирилди. Январ ойида Ироқ парламенти Бағдод халқаро аэропорти яқинидаги “Қудс” махсус кучлари бошлиғи Қосим Сулаймонаний ўлдирлишидан сўнг хорижий қўшинлар мамлакатдан чиқиб кетиши ҳақида қарор қабул қилди. Бу зарба Ироқ ҳукумати билан келишилмаган.  

* Россияда тақиқланган террорчилик ташкилот

592

Беларусда президент сайловлари бўлиб ўтмоқда

173
Мустақилликка эришган Беларусь тарихидаги олтинчи президент сайловлари 9 август куни бўлиб ўтмоқда. Президент лавозими учун 5 номзод кураш олиб бормоқда.

ТОШКЕНТ, 9 авг — Sputnik. Бугун, 9 август куни Беларусда президент сайловлари бўлиб ўтмоқда, деб хабар бермоқда Sputnik Беларусь нашри.

Бу мустақилликка эришган Беларусь тарихидаги олтинчи президент сайловлари саналади.

Сайлов участкалари соат 08:00 да очилади ва соат 20:00 гача ишлайди. Сўнгра овозларни ҳисоблаш бошланади. Мамлакат Марказий сайлов комиссияси сайловнинг дастлабки натижаларини душанба куни эрталаб эълон қилишни ваъда бермоқда.

Рўйхатдан ўтган беш номзод президентлик курсиси учун кураш олиб боришмоқда: Александр Лукашенко (амалдаги президент), Сергей Черечень (Беларусь социал-демократлар партияси раиси), Анна Канопацкая (собиқ депутат, тадбиркор, ҳуқуқшунос), Андрей Дмитриев  (жамоат арбоби, “Говори правду” бирлашмаси ҳамраиси), Светлана Тихановская (рўйхатдан ўтиш рад этилган гомеллик блогернинг рафиқаси).

Sputnik
Досрочное голосование на выборах президента Белоруссии

4 август куни бошланган муддатидан олдин овоз беришда 40 фоиздан зиёд сайловчилар ўз овозларини бериб бўлишган.

173
Клещ

Хитой ўлдирадиган янги вирус ҳақида огоҳлантирди

2338
(Янгиланган 19:46 08.08.2020)
Инфекцияни юқтирган беморлардан бирининг айтишича, касаллик йўтал, иссиқ кўтарилиши, шунингдек, қонда лейкоцитлар ва тромбоцитлар даражаси каби белгилар билан кузатилади.

ТОШКЕНТ, 8 авг - Sputnik. Хитойда янги SFTS вируси авж олаётгани кузатилмоқда. У каналар орқали юқади, деб хабар берган Global Times.

Сўнгги маълумотларга кўра, вирусни 60 киши юқтириб олган, етти нафари қурбон бўлган.

Дастлаб инфекция Цзянсу провинциясида аниқланган, кейинчалик вирус Аньхой провинцияси аҳолиси орасида ҳам тарқалгани қайд этилган.

Инфекцияни юқтирган беморлардан бирининг айтишича, касаллик йўтал, иссиқ кўтарилиши, шунингдек, қонда лейкоцитлар ва тромбоцитлар даражаси каби белгилар билан кузатилади.

SFTS илк маротаба 2011 йилда қайд этилган. Вирус канадан одамга, инфекцияланган одамдан бошқа одамга - қон ва шиллиқ парда орқали юқади.

2338
Девушка в защитной маске со смартфоном в руках - архивное фото

Коронавирусдан тузалганлардан ҳам ниқоб тақиб юриш талаб этилади штаб аъзоси

13
Ўзбекистонда коронавирусни бошдан кечирганларга ҳам карантин қоидаларига риоя қилган ҳолда ниқоб тақиб юришлари керак.

ТОШКЕНТ, 9 авг — Sputnik. Ўзбекистонда карантин қоидаларига риоя қилиш учун коронавирусдан тузалганлардан ҳам ниқоб тақиб юриши керак. Бу ҳақда АОКАдаги брифингда Коронавирусга қарши кураш штаби аъзоси Севара Убайдуллаева маълум қилди.

Штаб аъзосига касалликни енгил даражада ўтказган фуқаро энди кўчага тиббий ниқобсиз ҳам чиқсам бўлади деган савол билан юзланди. У шифокорлар даволангандан сўнг касалликка иммунитет ҳосил бўлишини айтишганини маълум қилган.

“Касалланиб тузалгандан сўнг иммунитет ҳосил бўлади, лекин бугунги кунда бизда карантин қоидалари бўйича ниқобсиз юриш мумкин эмас. Шунингдек, касалликдан тузалган бўлсангиз ҳам, ҳали организмингиз тикланмаган, тиббий ниқобсиз юриб бошқа юқумли касалликларга чалиниш имкониятингиз кучаяди ва сиз бошқа касаллик билан касалланишингиз мумкин”, - деди Убайдуллаева.

Шу боис тиббий ниқобни карантин қоидаларига риоя қилган ҳолда тақиб юриш талаб этилади.

Эслатиб ўтамиз, мамлакатда 25 мартдан жамоат жойларида ниқобсиз юриш тақиқланган. Ушбу ҳаракатни содир этган шахс 1 млн 115 минг сўм миқдорда жаримага тортилиши мумкин.

13