Танк Т-54 правительственных сил Ливии около города Сирта

Ливия давлатчилигини НАТО йўқ қилди - Лавров

800
(Янгиланган 14:54 14.01.2020)
Ливия давлатининг йўқ қилинишида ҳамда ушбу мамлакат халқининг бугун қийин аҳволда қолишида Лавров НАТОни айблади.

ТОШКЕНТ, 14 янв - Sputnik. Ҳозир Ливияда давлатчилик йўқ, НАТО уни 2011 йилда йўқ қилди, деди Россия ташқи ишлар вазири Сергей Лавров, РИА Новости хабарига асосан.

"Ушбу авантюранинг оқибатлари - жиноий, ноқонуний авантюрани - биз ҳали ҳам ҳосилларини йиғмоқдамиз. Биринчидан, албатта, Ливия халқи", деди у Шри-Ланкадаги ҳамкасби Динех Гунадеварден билан музокаралардан кейин ўтказилган матбуот анжуманида.

Лавров, шунингдек, кўплаб давлатлар -  Германия, Франция, Италия, шунингдек Жазоир, Миср, Бирлашган Араб Амирликлари, Туркия, Қатар ва Россия, иттифоқ томонидан яратилган муаммо устида иш олиб бораётганини айтди.

Куни кеча Москвада Ливиядаги тарафлар ўртасида музокаралар бўлиб ўтди. Томонлар минтақадаги демаркациянинг имкониятлари ва шартларини муҳокама қилишди, аммо келишувга эриша олмадилар: ҳамма иштирокчилар ҳам якуний ярашиш ҳужжатига имзо чекмадилар. Хусусан, Ливия миллий армиясининг (ЛНА) раҳбари маршал Халифа Хафтар имзо чекмади.

Ливиядаги вазият

2011 йилда АҚШ бошчилигидаги халқаро коалиция ва НАТО Ливияда амалиёт ўтказди, натижада Муаммар Қаддафийнинг ўлдирилди ва 40 йилдан кўпроқ вақтдан бери мавжуд бўлган тузум ағдарилди.

Шундан сўнг мамлакатда кескин инқироз бошланди. Шарқда, Тобрук шаҳрида парламент халқ томонидан сайланади. Уни Хафтар бошчилигидаги ЛНА қўллаб-қувватлайди. Ғарбда, Триполида, БМТ ва Европа Иттифоқининг кўмаги билан Файёз Сарраж бошчилигидаги Миллий келишув ҳукумати (ПНC) амал қилмоқда.

Иккихокимиятлилик ва хавфсизлик тизимининг қулаши қуролли қўзғолончи гуруҳлар ва террористик ташкилотларнинг фаоллигини ошишига олиб келди. Марказлаштирилган ҳокимият ва бирлашган армия йўқлиги сабабли Ливия контрабанда марказига, шунингдек, ноқонуний муҳожирларнинг Африкадан Европага ўтиш жойига айланди.

2019 йил 4 апрелда Ҳафтар Триполига "террористлардан озод қилиш" учун ҳужум бошлади. Ҳукуматга содиқ бўлган қуролли кучлар "Ғазаб вулқони" операцияси бошланганини эълон қилишди. Сўнгги бир неча ой ичида бир неча юзлаб одамлар ҳалок бўлди ва минглаб одамлар жароҳатланди.

800
Собор Святой Софии в Стамбуле

Эксперт Туркиянинг Айя София мақоми ҳақидаги қарорига изоҳ берди

10
Туркия ҳукумати мамлакатни иқтисодий муаммолар фонида кенг оммани бирлаштириш учун Истамбулдаги Авлиё София (Айя-София) соборининг мақомини ўзгартиришга қарор қилди - Асламбек Мозлоев.

ТОШКЕНТ, 14 июл - Sputnik. Туркия ҳукумати мамлакатни иқтисодий муаммолар фонида кенг оммани бирлаштириш учун Истамбулдаги Авлиё София (Айя-София) соборининг мақомини ўзгартиришга қарор қилди, дейди Россия ТИВ Дипломатик академиясининг Шарқ тиллари кафедраси мудири Асламбек Мозлоев.

10 июл куни 1934 йилдаги Туркия Олий маъмурий судининг Айя-Софияни музейга айлантириш тўғрисидаги қарорини бекор қилди. Шундан сўнг Туркия президенти Ражаб Тоййиб Эрдоған дарҳол соборни масжидга айлантириш ва у ерда исломий ибодатларни бошлаш тўғрисида фармон имзолаганини эълон қилди. Ибодатлар 24 июлдан бошланади.

Эрдоған 13 июл куни телефон орқали Россия президенти Владимир Путин билан суҳбат чоғида Ая-Софиянинг мақоми тўғрисидаги қарорга изоҳ бериб, ушбу маданий ёдгорликка кириш ҳар ким учун очиқлиги ва христиан қадамжолари бутлиги кафолатланишини таъкидлади.

“Эътиборни мамлакатнинг ички сиёсий ҳаётида содир бўлаётган ҳодисаларга ва Эрдоғаннинг бу дастакка мурожаат қилишига нима мажбур қилганига қаратишимиз керак ... Мен эътиборни мамлакатнинг ички ҳолатининг иқтисодий қисмига қаратмоқчиман. Иқтисодий қийинчиликлар кўчаймоқда. Бу йил Туркия 170 миллиард доллар ташқи қарзни тўлаши керак, бу маблағларни қаердан олиш мумкинлиги номаълум. Бундан ташқари, мамлакатда жиддий ишсизлик мавжуд бўлиб, расмий маълумотларга кўра, у 17 фоиздан ошди”, - деди Мозлоев “Россия сегодня” ҲААда бўлиб ўтган давра суҳбати давомида.

Унинг фикрича, мамлакатдаги иқтисодий вазият Эрдоған ҳукуматига босим ўтказаётган жиддий омилдир.

“Вазият ҳукмрон ҳокимият атрофида кўплаб одамларнинг бирлашишини талаб қилади. Қандай тезкор ҳаракат билан ўзига нисбатан хайрихоҳликни ўйғотиш мумкин? Биз ҳаммамиз биламизки, диний онг энг қадимий онгдир. Ва шу омилдан фойдаланиб, кейинги воқеалар ортида яширинган нарсаларни қўзғатиш мумкин”, - деб ҳисоблайди Мозлоев.

Сиёсатшуноснинг таъкидлашича, бу муаммолар мажмуи ва Эрдоғаннинг янги усмонийлик (неосманизм) сиёсий фалсафасига маълум бир пойдевор қуриш истаги, уни ўз эътиборини ушбу дастакка қаратишга ундади.

10

Гутерриш Арманистон-Озарбайжон чегарасида ҳарбий ҳаракатларни тўхтатишга чақирди

25
БМТ бош котиби Арманистон-Озарбайжон чегарасида отишмалар, шу жумладан, оғир қуролдан фойдаланганлик ҳақида хабарлардан қаттиқ хавотирда.

ТОШКЕНТ, 14 июл - Sputnik. БМТ бош котиби Антониу Гутерриш Арманистон-Озарбайжон чегарасида ҳарбий ҳаракатларни зудлик билан тўхтатишга ва вазиятни барқарорлаштиришга чақирмоқда. Бу ҳақда бош котибнинг расмий вакили Стефан Дюжаррик маълум қилди

“Бош котиб ҳарбий ҳаракатларни зудлик билан тўхтатишга чақиради ҳамда барча иштирок этувчи томонлардан вазиятни юмшатишга оид чоралар кўришни илтимос қилади”, - дейилади Дюжаррик баёнотида.

Унинг сўзларига кўра, бош котиб, шунингдек, уларни фитнали саволлардан ўзини тийиб туришга чақирган.

Дюжаррикнинг таъкидлашича, бош котиб Арманистон-Озарбайжон чегарасида отишмалар, шу жумладан, оғир қуролдан фойдаланганлик ҳақида хабарлардан қаттиқ хавотирда.

Шунингдек, у, Гутерриш бугун ЕХҲТ Минск гуруҳининг ҳамраислари томонидан берилган баёнотни эътиборга олганини таъкидлади. Дюжаррикнинг сўзларига кўра, БМТ бош котиби ҳамраисларнинг ушбу хавфли вазиятни ҳал қилиш ва узоқ вақтдан бери давом этаётган Тоғли Қорабоғ можаросини тинч йўл билан ҳал этиш йўлидаги саъй-ҳаракатларни қўллаб-қувватлайди.

Якшанба куни Озарбайжон ва Арманистон чегарасида –Грузия ва мос равишда Тавуш вилояти билан чегарадош Товуз туманида - тан олинмаган, вазияти тинч турган Тоғли Қорабоғдан бир неча юз километр нарида ҳарбий тўқнашувлар рўй берди. Отишма жойида Мовсес қишлоғи яқинида ҳарбий постлар жойлашган.

Озарбайжон Мудофаа вазирлиги ўз позицияларини Арманистон ҳарбийлари томонидан ўққа тутилганини маълум қилди. Арманистон Мудофаа вазирлиги Озарбайжон ҳарбийлари артиллерия ёрдамида арман таянч пунктини эгаллаб олишга ҳаракат қилганликларини маълум қилди. Боку маълумотига кўра, тўрт нафар озарбайжон аскари ҳалок бўлган. Арман томонининг таъкидлашича, икки полициячи ва уч ҳарбий яраланган ва бир неча ҳарбий ҳалок бўлган. Отишма душанба куни давом этди, хусусан, Ереван, Боку Арманистон ҳудудини 15-20 минут оралиқ билан ўққа тутаётганини маълум қилди. Озарбайжон ва Арманистон ўққа тутиш айбини бир-бирларига ағдармоқда. Россия ТИВ Арманистон-Озарбайжон чегарасидаги вазиятдан хавотирдалигини ва вазиятни барқарорлаштиришда томонларга ёрдам беришга тайёрлигини билдирди.

25
Президент Узбекистана Шавкат Мирзиёев

Мирзиёев: коронавирусга қарши кураш учун бизда захира ва имкониятлар мавжуд

29
(Янгиланган 19:12 14.07.2020)
Президент ҳаёт давом этаётгани туфайли энди пандемия шароитида яшашга, меҳнат қилишга ўрганиш шартлигини таъкидлади.

ТОШКЕНТ, 14 июл - Sputnik. Президент Шавкат Мирзиёев бугун ўтказилаётган видеоселектор йиғилиши аввалида мамлакатдаги эпидемиологик вазиятга алоҳида тўхталди ва Ўзбекистонда бу касалликка қарши кураш учун барча захира ва имкониятлар мавжудлигини айтди.

"Хабарингиз бор, мамлакатимизда коронавирусга чалинганлар сони кўпайиб бораётгани муносабати билан биз карантин талабларини яна кучайтиришга мажбур бўлдик. Нега деганда, очиқ айтиш керак, ҳозирги кунда бутун дунё коронавирус деб ном олган мана шу тилсиз ёв, кўзга кўринмас душманга қарши уруш ҳолатида турибди. Урушга кирган ҳар қайси давлат, ҳар қайси халқ ўз юртини, ўз аҳолисини ҳимоя қилиш учун барча чораларни кўради. Энг аввало, хавф-хатарнинг йўлини беркитади, темир интизом ўрнатади. Қатъий сафарбарлик шароитида яшаш ва ишлашга ўтади. Бугун биз ҳам айни шундай ҳолатдамиз", - деди президент.

Мирзиёевга кўра, Республика махсус комиссияси томонидан вазият мунтазам таҳлил қилиниб, инфекцияни жиловлаш юзасидан барча чора-тадбирлар амалга оширилмоқда.

Фидойи ва жасур шифокорлар ўз бурчини садоқат ва матонат билан бажараётгани таъкидлаб ўтилди.

"Такрор айтаман, биз энди пандемия шароитида яшашга, меҳнат қилишга ўрганишимиз шарт. Чунки ҳаёт давом этмоқда. Ҳаёт биздан ақл-идрок, сабр-тоқат, метин интизом билан ҳаракат қилишни талаб этмоқда. Ўзимиз кўряпмиз, дунёда қайси давлатда тиббий маданият, тартиб-интизом кучли бўлса, ўша мамлакат пандемиядан энг кам талофат билан чиқмоқда. Биз ҳам шу йўлдан боришимиз шарт. Албатта, ўтган 4 ой давомида одамларимиз кўп нарсага ўрганди. Бизда ҳам маълум бир тажриба пайдо бўлди", - деди давлат раҳбари.

Таҳлиллар коронавирус билан зарарланишнинг олдини олиш, касалликни эрта аниқлаш, симптомсиз ва енгил кечаётган беморлар билан олиб борилаётган даволаш ва назорат тадбирларини амалга оширишда янги стратегияларни қўллашни талаб қилмоқда.

Республика махсус комиссияси бу борада тезлик билан барча зарур чора-тадбирларни ишлаб чиқиш ва амалга ошириш топширилди.

Шу мақсадда, [Бош вазир ўринбосари Беҳзод] Мусаев, [Соғлиқни сақлаш вазири Алишер] Шодмонов бир кун муддатда амалдаги тест-таҳлил топшириш жараёнини қайта кўриб чиқиб, аҳоли учун қулай тизимни ишлаб чиқиш мажбурияти юклатилди.

Вилоят, шаҳар ва туманларда маҳаллий кенгашлар, жойлардаги ҳокимлик ва бошқарув идоралари ўз ҳудудидаги вазиятни чуқур таҳлил қилиб, Республика комиссияси билан келишилган ҳолда карантин қоидаларини қаерда зарур бўлса кучайтириши, қаерда зарур бўлса юмшатиши лозимлиги таъкидланди.

29
Мавзу:
COVID-19 умумжаҳон пандемияси