Лавров Россия иқтисодиёти доллардан воз кечиши ҳақида сўзлаб берди

586
Россия ташқи ишлар вазири Сергей Лавров Times of India нашрига берган интервьюсида нима сабабдан Москва долларда ҳисоб-китоб қилишдан воз кечишни кўриб чиқаётганини маълум қилди.

ТОШКЕНТ, 15 янв — Sputnik.  Москва долларда ҳисоб-китоб қилишдан воз кечишни АҚШ иқтисодий сиёсатининг олдиндан башорат қилиб бўлмаслигига жавоб сифатида кўриб чиқмоқда. Бу ҳақда Россия ташқи ишлар вазири Сергей Лавров Times of India нашрига берган интервьюсида маълум қилди.

“АҚШ маъмуриятининг санкцияларни кучайтирувчи молиявий воситаларидан тобора тажовузкорона фойдаланиши фонида Россия иқтисодиётни босқичма-босқич долларсизлаштиришни давом эттирмоқда. Шу билан бирга, бизнинг асосий шерикларимиз билан, шу жумладан, Ҳиндистон билан икки томонлама савдо ва инвестиция алоқаларини ривожлантиришга қўйилган чекловларнинг салбий таъсирини камайтирадиган иқтисодий ва ҳуқуқий механизмларни ишлаб чиқмоқдамиз.”, - дея Лавров сўзларидан келтиради РИА Новости.

Лавровнинг сўзларига кўра, бундай ишларнинг устувор йўналишларидан бири бу миллий валюталардаги ҳисоб-китобларни кенгайтиришдир. У ўтган йилнинг июнь ва октябрь ойларида Хитой ва Туркия билан ҳисоб-китоблар ва тўловлар бўйича тегишли ҳукуматлараро битимлар тузилганини ва БРИКС доирасида эса марказий банклар томонидан тегишли вакиллик ҳисобварақларини очиш тўғрисида келишувларга эришилганини эслатди.

Лавров Москва ва Деҳли сармояларни ўзаро ҳимоя қилиш бўйича янги ҳукуматлараро битимни тайёрлаш бўйича ишларни давом эттираётганини қўшимча қилди.

Россия ТИВ бугун, 15 январь куни Нью-Деҳлига ташриф буюради ва ҳиндинстонлик ҳамкасби Субраҳманям Жаишанкар билан музокаралар ўтказади.

586
Мавзу бўйича
Францияда Россиянинг доллардан воз кечишдаги муваффақияти қайд этилди
Россия ҳукумати доллардан воз кечиш режасини тайёрламоқда - ОАВ
Евроосиё иқтисодий иттифоқи давлатларига доллардан воз кечиш тавсия этилди
Путин Россия нега доллардан воз кечиши кераклигини тушунтирди

Тимсоҳларга тўла дарёга сузиб келган букри кит денгизга қайтди

124
(Янгиланган 21:06 21.09.2020)
Австралияда букри кит тимсоҳларга тўла дарёга тасодифан сузиб келди. Икки ҳафтадан сўнг у очиқ денгизга қайтишга муваффақ бўлди.

ТОШКЕНТ, 21 сен — Sputnik. Австралиянинг Какаду миллий боғида букри кит тимсоҳлар тўла дарёга тасодифан сузиб келди. Икки ҳафтадан сўнг кит очиқ денгизга қайтишга муваффақ бўлди. ABC телеканали хабарига асосан.

Олдинроқ дарё бўйида балиқ овлашга кетган денгиз экологлари 2 сентябрь куни учта букри китни кўришганди. Кейинчалик улардан иккитаси денгизга қайтишга муваффақ бўлди. Таъкидланишича, тарихда илк бор Какаду миллий боғнинг дарёсида 20 километр нарида китни кўришганди.

Жума куни кит саёзликка сузиб келганда, олимлар ташвишга тушдилар.

"Кит лойга ботган эди, аммо кўриниши яхши эди", - дейди Кэрол Палмер, Австралия Шимолий Ҳудуди ҳукумати олими.

Олимлар китни қутқаришнинг кўплаб вариантларини, шу жумладан уни қўрқитиш ва орқага сузиш учун баланд товушлардан фойдаланиш усулларини кўришганди. Яхшиямки, кит якшанба куни денгизга қайтишга муваффақ бўлди.

124
Вакцина против новой коронавирусной инфекции впервые в мире зарегистрирована в России 11 августа

ЖССТ коронавирусга қарши вакцина учун Россияга миннатдорчилик билдирди

774
(Янгиланган 17:04 21.09.2020)
Жаҳон соғлиқни сақлаш ташкилоти Россияга коронавируснинг янги штаммига қарши ишлаб чиқилган вакцина учун миннатдорчилик билдирди.

ТОШКЕНТ, 21 сен — Sputnik. Жаҳон соғлиқни сақлаш ташкилоти коронавируснинг янги штаммига қарши ишлаб чиқилган вакцина учун Россияга миннатдорчилик билдирди. Бу ҳақда ЖССТнинг Европа минтақавий бюроси раҳбари Ханс Клуге маълум қилди.

ЖССТ вакили Россияда яратилган вакцина хавфсизлиги ва самарадорлигига эътиборни қаратди.

“Мен Россияга хавфсиз ва самарали вакцинани яратиш бўйича ажойиб ҳаракатлар учун миннатдорчилик билдирмоқчиман”, - деди Клюге.

Россия шу йилнинг январь ойида коронавирусга қарши вакцинани ихтиро қилишга киришди. Россия Соғлиқни сақлаш вазирлиги август ойида дунёдаги биринчи COVID-19  вакцинасини рўйхатдан ўтказди.

Мутахассислар тадқиқот натижаларига кўра, вакцинани хавфсиз деб тан олишди ва у коронавирусга қарши иммунитетни шакллантиришга имкон беришини таъкидлашди.

ЖССТ бошидан Россиянинг коронавирус вакцинасига қизиқиш билдирган. Сентябрь ойининг бошларида машҳур тиббиёт журнали The Lancet Россия “Спутник V” вакцинаси клиник синовларининг икки босқич натижаларини эълон қилди.

774
Мавзу:
COVID-19 умумжаҳон пандемияси