Отработка действий на случай поступления инфицированных больных. Архивное фото

Хитой хавфли вируси Японияда ҳам пайдо бўлди

842
(Янгиланган 20:40 16.01.2020)
Японияда Хитойнинг хавфли вируси билан касалланишининг биринчи ҳолати тасдиқланди. Бугунги кунгача Хитойда вируснинг номаълум штаммини юқтиришнинг 41 та ҳолати қайд этилган. Битта беморнинг ўлими ҳақида ҳам маълум.

ТОШКЕНТ, 16 янв – Sputnik. Японияда Хитойнинг номаълум вируси билан юқтирилишнинг биринчи ҳолати тасдиқланди, деб ёзади Kyodo News.

Касалланган Хитойнинг Ухань шаҳрига ташриф буюрган Канагава префектурасининг 30 ёшли фуқароси эканлиги аниқланди. Айнан шу ерда декабр ойида коронавируснинг янги штаммидан келиб чиққан пневмония тарқалди.

Эркак Уханьда бўлганида 3 январ куни ўзини ёмон ҳис қилди. Бир неча кундан кейин у Японияга қайтиб келди, ва бу ерда 10 январ куни у йўтал ва иситма аломатлари билан касалхонага ётқизилган. Чоршанба куни у касалхонадан чиқарилди.

Бу Хитойдан ташқарида янги вирус билан касалланишнинг иккинчи ҳолати. Биринчи бор касаллик Таиландда, Уханьдан келган аёлда аниқланган. Аёл зудлик билан карантинга жойлаштирилди.

Номаълум қўзғатувчили пневмониянинг тарқалиши Ухан шаҳрида 2019 йил декабр ойида қайд этилган. 40 дан ортиқ одам чалинган сирли инфекциянинг сабаби коронавирус бўлиб чиқди.

Биринчи бемор 9 январ куни вафот этди ва унинг аниқ сабаблари номаълум - бу одамга қорин бўшлиғи ўсмаси ва жигарнинг сурункали касаллиги ташхиси қўйилган.

Ҳозир касалланганлар билан яқин алоқада бўлган 700 га яқин киши кузатувда, уларнинг 419 нафари шифокорлардир.

Касаллик қўзғатувчиси барча касаллар ташриф буюрган шаҳар денгиз маҳсулотлари бозорида бўлган деб тахмин қилинмоқда. Бозор ёпилди.

842
Мавзу:
COVID-19 умумжаҳон пандемияси (1066)

Беларусда президент сайловлари бўлиб ўтмоқда

190
Мустақилликка эришган Беларусь тарихидаги олтинчи президент сайловлари 9 август куни бўлиб ўтмоқда. Президент лавозими учун 5 номзод кураш олиб бормоқда.

ТОШКЕНТ, 9 авг — Sputnik. Бугун, 9 август куни Беларусда президент сайловлари бўлиб ўтмоқда, деб хабар бермоқда Sputnik Беларусь нашри.

Бу мустақилликка эришган Беларусь тарихидаги олтинчи президент сайловлари саналади.

Сайлов участкалари соат 08:00 да очилади ва соат 20:00 гача ишлайди. Сўнгра овозларни ҳисоблаш бошланади. Мамлакат Марказий сайлов комиссияси сайловнинг дастлабки натижаларини душанба куни эрталаб эълон қилишни ваъда бермоқда.

Рўйхатдан ўтган беш номзод президентлик курсиси учун кураш олиб боришмоқда: Александр Лукашенко (амалдаги президент), Сергей Черечень (Беларусь социал-демократлар партияси раиси), Анна Канопацкая (собиқ депутат, тадбиркор, ҳуқуқшунос), Андрей Дмитриев  (жамоат арбоби, “Говори правду” бирлашмаси ҳамраиси), Светлана Тихановская (рўйхатдан ўтиш рад этилган гомеллик блогернинг рафиқаси).

Sputnik
Досрочное голосование на выборах президента Белоруссии

4 август куни бошланган муддатидан олдин овоз беришда 40 фоиздан зиёд сайловчилар ўз овозларини бериб бўлишган.

190
Клещ

Хитой ўлдирадиган янги вирус ҳақида огоҳлантирди

2386
(Янгиланган 19:46 08.08.2020)
Инфекцияни юқтирган беморлардан бирининг айтишича, касаллик йўтал, иссиқ кўтарилиши, шунингдек, қонда лейкоцитлар ва тромбоцитлар даражаси каби белгилар билан кузатилади.

ТОШКЕНТ, 8 авг - Sputnik. Хитойда янги SFTS вируси авж олаётгани кузатилмоқда. У каналар орқали юқади, деб хабар берган Global Times.

Сўнгги маълумотларга кўра, вирусни 60 киши юқтириб олган, етти нафари қурбон бўлган.

Дастлаб инфекция Цзянсу провинциясида аниқланган, кейинчалик вирус Аньхой провинцияси аҳолиси орасида ҳам тарқалгани қайд этилган.

Инфекцияни юқтирган беморлардан бирининг айтишича, касаллик йўтал, иссиқ кўтарилиши, шунингдек, қонда лейкоцитлар ва тромбоцитлар даражаси каби белгилар билан кузатилади.

SFTS илк маротаба 2011 йилда қайд этилган. Вирус канадан одамга, инфекцияланган одамдан бошқа одамга - қон ва шиллиқ парда орқали юқади.

2386
Девушка в защитной маске со смартфоном в руках - архивное фото

Коронавирусдан тузалганлардан ҳам ниқоб тақиб юриш талаб этилади штаб аъзоси

28
Ўзбекистонда коронавирусни бошдан кечирганларга ҳам карантин қоидаларига риоя қилган ҳолда ниқоб тақиб юришлари керак.

ТОШКЕНТ, 9 авг — Sputnik. Ўзбекистонда карантин қоидаларига риоя қилиш учун коронавирусдан тузалганлардан ҳам ниқоб тақиб юриши керак. Бу ҳақда АОКАдаги брифингда Коронавирусга қарши кураш штаби аъзоси Севара Убайдуллаева маълум қилди.

Штаб аъзосига касалликни енгил даражада ўтказган фуқаро энди кўчага тиббий ниқобсиз ҳам чиқсам бўлади деган савол билан юзланди. У шифокорлар даволангандан сўнг касалликка иммунитет ҳосил бўлишини айтишганини маълум қилган.

“Касалланиб тузалгандан сўнг иммунитет ҳосил бўлади, лекин бугунги кунда бизда карантин қоидалари бўйича ниқобсиз юриш мумкин эмас. Шунингдек, касалликдан тузалган бўлсангиз ҳам, ҳали организмингиз тикланмаган, тиббий ниқобсиз юриб бошқа юқумли касалликларга чалиниш имкониятингиз кучаяди ва сиз бошқа касаллик билан касалланишингиз мумкин”, - деди Убайдуллаева.

Шу боис тиббий ниқобни карантин қоидаларига риоя қилган ҳолда тақиб юриш талаб этилади.

Эслатиб ўтамиз, мамлакатда 25 мартдан жамоат жойларида ниқобсиз юриш тақиқланган. Ушбу ҳаракатни содир этган шахс 1 млн 115 минг сўм миқдорда жаримага тортилиши мумкин.

28