ТОШКЕНТ, 19 янв - Sputnik. Берлинда Ливияда низоларни барқарорлаштиришга бағишланган халқаро конференция бўлиб ўтди, дея хабар беради РИА Новости.
Музокаралар тахминан беш соат давом этди. Уларда Россия Президенти Владимир Путин, Германия канцлери Ангела Меркель, Франция президенти Эммануэль Макрон, АҚШ, Туркия, Миср, Европа Иттифоқи, БМТ ва бошқа давлатлар вакиллари ҳам таклиф этилган.
Якуний матбуот анжуманида немис сиёсатчиси журналистлар олдида чиқиш қилди. Унинг таъкидлашича, конференция БМТнинг Ливияда барқарорлаштиришга қаратилган ҳаракатларини қўллаб-қувватлашда катта роль ўйнади.
"Биз бу ерда, Берлинда жуда қизғин маслаҳатлашувлар ўтказдик. Ливиядаги сиёсий жараёнга ўз ҳиссамизни қўшишга, мамлакатга ва Ливия халқига тинчлик ўрнатишга янги туртки беришга муваффақ бўлдик. Ишонаманки, Берлиндаги конференция БМТ томонидан қўллаб-қувватланган тинчлик жараёнини қўллаб-қувватлади." - деди Меркель.
Бундан ташқари, конференция иштирокчилари Ливияда кенг қамровли тартибга солиш режасини тақдим этишга келишиб олишди, дея таъкидлади Германия канцлери.
"Биз кенг қамровли келишув режаси тузилишига келишдик", деди у матбуот анжуманида.
Германия канцлери, шунингдек, Ливия бўйича конференция давомида келишилган ҳужжат БМТ Хавфсизлик Кенгаши томонидан тасдиқланишини ва ушбу мамлакатдаги сиёсий барқарорлаштиришнинг бир қисми бўлишини маълум қилди.
"Бугун биз қабул қилган ҳужжатлар БМТ Хавфсизлик Кенгаши томонидан тасдиқланиши керак", деди сиёсатчи.
Конференцияда Россия, АҚШ, Туркия, Миср, Европа Иттифоқи, БМТ вакиллари, ПНС раҳбари Файёз Сарраж ва Ливия миллий армиясининг раҳбари Халифа Хафтар иштирок этди.
Берлин конференцияси Россия Федерацияси ва Туркия вакиллари иштирокида Москвадаги Ливия бўйича музокаралардан сўнг бўлиб ўтди. Ливиянинг хабардор манбаси ЛНА раҳбари Хафтар Триполи Сарраж ҳукумати билан сулҳ битимини имзоламасдан Москвани тарк этганини ҳабар берган эди. ПНС ташқи ишлар вазири Муҳаммад ат-Таҳер Сияланинг РИА Новости агентлигига айтишича, ПНС делегацияси битимни имзолаган ва кейин Истанбулга йўл олган.
Спутник аввалроқ Путин Жонсон ва Еврокомиссия раиси билан учрашгани ҳақида хабар берган эди.
