Яна бир мамлакатда Хитойдаги хавфли вирусдан касалланиш ҳолати аниқланди

CC0 / pixabay / Проведение исследования в лаборатории
Проведение исследования в лаборатории - Sputnik Ўзбекистон
Oбуна бўлиш
Хитойнинг ўзида янги турдаги коронавирусдан учинчи киши вафот этди. Касалликни юқтирганларнинг умумий сони 198 нафарга етди.

ТОШКЕНТ, 20 янв — Sputnik. Жанубий Корея келиб чиқиши номаълум бўлган пневмония билан касалланишнинг биринчи ҳолатини қайд этди. Бу ҳақда Корея Соғлиқни сақлаш вазирлиги ҳузуридаги Касалликлар назорати ва профилактикаси марказлари ташкилоти маълумотларига асосланган ҳолда РИА Новости хабар қилди.

Отработка действий на случай поступления инфицированных больных - Sputnik Ўзбекистон
Хитой хавфли вируси Японияда ҳам пайдо бўлди

Қайд этилишича, Жанубий Кореяда биринчи касалликка чалингани тасдиқланган киши хитойлик аёл бўлган. У 19 январь куни Ухандан Инчхон аэропортига учиб келган. Карантин текширувидан ўтказилганда аёл юқори ҳароратдан азият чекиши аниқланган. Ҳозирда у карантинда ва даволанмоқда.

Хитойнинг ўзида янги турдаги коронавирусдан учинчи киши вафот этди. Касалликни юқтирганларнинг умумий сони 198 нафарга етди. Японияда Хитойнинг номаълум вируси билан юқтирилишнинг биринчи ҳолати тасдиқланди.

Эслатиб ўтамиз, аввалроқ Ўзбекистон ССВ Хитойдаги номаълум вирус сабаб қатъий чоралар кўрилаётгани маълум қилган эди. Мамлакатда аҳолининг санитария эпидемиологик осойишталигини таъминлаш, касалликнинг кириб келиши ва тарқалишини олдини олиш мақсадида қатор чора тадбирлар амалга оширилмоқда.

Янгиликлар лентаси
0